ქართველმა მორაგბეებმა ნამიბიას სძლიეს

ქართველმა მორაგბეებმა ნამიბიას სძლიეს

19-06-2011, 23:40

საქართველოს მორაგბეთა ეროვნულმა ნაკრებმა, რუმინეთის დედაქალაქ ბუქარესტში, IRB-ს ერთა თასის ბოლო მე-3 ტურის შეხვედრაში ნამიბიის ეროვნული გუნდი 23:18 დაამარცხა და ზედიზედ მეორე გამარჯვება მოიპოვა.

"ბორჯღალოსნებმა" მეტოქე 2-ჯერ დაალელოვეს, თავი ბიძინა სამხარაძემ და რევაზ გიგაურმა გამოიჩინეს, მალხაზ ურჯუკაშვილმა კი 3 საჯარიმოსა და 2 გარდასახვის გატანა მოახერხა.

მატჩი საქართველო ნაკრებმა არადამაჯერებლად დაიწყო. ნამიბიელებმა 2 სწრაფი ლელო გაიტანეს და მე-15 წუთისათვის 15:3 დაწინაურდნენ. პირველი ლელო ქართველებმა ტამის მიწურულს გაიტანეს და პირველი ნახევარი აფრიკელთა 15:10 გამარჯვებით დასრულდა.

"ბორჯღალოსნებმა" მეორე ტაიმში კიდევ უფრო შედეგიანად ირაგბეს და საბოლოოდ საჭირო გამარჯვება მოიპოვეს - 23:18. საქართველოს ნაკრებმა ტურნირი 2 გამარჯვებითა და 1 მარცხით დაასრულა.

# 273ავტორი: gvelesa
ამათ ვენაცვალე მე! მე თვითონ რაგბისტი ვარ ! იმენა მხეცები გვყავს :*
# 2783ავტორი: Sportnews
ამ ტურნირზე მშვენიერი გამოსვლა გვქონდა , არგენტინა და ნამიბია დავამრცხეთ , დროზე დაიწყოს რაგბში მსოფლიო ჩემპიონატი

--------------------

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

რეკლამა

შემოგვიერთდით