7 ციფრიანი რიცხვი!!! - რა თანხა გამოიმუშავა ნიკოლოზ ბასილაშვილმა ამერიკაში მიმდინარე ტურნირზე

15-10-2021, 22:46

"ინდიანა უელსის" მიმდინარე მასტერზე კარიერაში პირველად ნიკოლოზ ბასილაშვილი ნახევარფინალში იასპარეზებს. აღსანიშნავია, რომ 2004 წლის შემდეგ ეს პირველი 1000 ქულიანი მასტერსია სადაც საქართველოს წარმომადგენელი იასპარეზებს.

ქართველმა ჩოგბურთელმა მეოთხედფინალში სტეფანოს ციციპასი (6:4 , 2:6 , 6:4 ) დაამარცხა და შემდეგ ეტაპზე გავიდა.

ნახევარფინალში გასვლისთვის ბასილაშვილი ამ ტურნირზე პრიზის თანხით უკვე მიიღებს 335 ათას დოლარს, რაც მილიონზე მეტი ლარია.

ნახევარფინალური დაპირისპირება უკვე 16 ოქტომბერს გაიმართება, ჩვენებურის მეტოქის ვინაობა ჯერ უცნობია.

გაზიარება

მოინახულეს 8 177-ჯერ