ანა ტატიშვილი მაიამის პრესტიჟული ტურნირის ძირითად ბადეში ითამაშებს

ჩოგბურთი 23-მარ, 14:299 admin 2204


ანა ტატიშვილი აშშ-ს ქალაქ მაიამის პრესტიჟული საერთაშორისო ტურნირის ძირითად ბადეში ითამაშებს, რომლის საპრიზო ფონდი 4 500 000 დოლარია. საქართველოს პირველმა ჩოგანმა ანა ტატიშვილმა (კლასიფიკასიით 125-ეა) კვალიფიკაციის დასკვნით რაუნდში, ესპანელი ნურია ლაგოსტერა ვივესი დაამარცხა - 6:3, 4:6, 6:4. ქართველისა და ესპანელის დაპირისპირება თითქმის ორსაათნახევარს გაგრძელდა. Sony Ericsson Open-ის ძირითად ბადეში გასვლისთვის, ტატიშვილმა უკვე 35 სარეიტინგო ქულა გაინაღდა და როდესაც ეს მონაგარი მის აქტივში უკვე არსებულ 540 ქულას დაემატება, ქართველ ჩოგბურთელს კლასიფიკაციაში წინსვლა გარანტირებული აქვს.

ცნობილია ტატიშვილის სავარაუდო მეტოქეთა ვინაობა: აილა ტომლიანოვიჩი (ხორვატია, "უაილდ ქარდი"), ანაბელ მედინა გარიგესი (ესპანეთი), ლოურდეს დომინგოს ლინო (ესპანეთი), არანჩა პარა სანტოია (ესპანეთი), ბარბორა ზაჰლავოვა სტრიჩოვა (ჩეხეთი), დინარა საფინა (რუსეთი), ტიმეა ბაჩინსკი (შვეიცარია), აგნეს შავაი (უნგრეთი), ოლგა გოვორცოვა (ბელორუსი), ალა კუდრიავცევა (რუსეთი) ან კვალიფიკაციისვე ერთ-ერთი გამარჯვებული.

ფლორიდულ ტურნირზე ერთი რაუნდის დაძლევისთვის 50 ქულაა გათვალისწინებული, Sony Ericsson Open-ის გამარჯვებული კი 700 ათასი დოლარითა და 1000 (!) ქულით გამდიდრდება.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
დეკემბერი 2020 (19)
ნოემბერი 2020 (263)
ოქტომბერი 2020 (195)
სექტემბერი 2020 (204)
აგვისტო 2020 (153)
ივლისი 2020 (167)
სიტი-რეალი