ანა ტატიშვილმა ელენა დოკიჩი დაამარცხა

ჩოგბურთი 06-აპრ, 22:309 slim4me 3138


21 წლის ანა ტატიშვილმა (115), ვინც საქართველოს პირველი ჩოგანია მორიგ წარმატებას მიაღწია - ჩარლსტონში, პრესტიჟულ Family Circle Cup-ზე, რომლის საპრიზო ფონდი 721 ათასი დოლარია მე-3 გამარჯვება მოიპოვა. ანამ კვალიფიკაციაში ვენესუელელ გაბრიელა პაზსა (479-ე ჩოგანი) და უკრაინელ ტატიანა ლუჟანსკას (194-ე) აჯობა, ძირითად ბადეში კი ერთ დროს მსოფლიოს მე-4 ნომერ, ამჟამად კი მსოფლიოს 64-ე ჩოგან ელენა დოკიჩს 7:5, 2:6, 6:4 მოუგო.

ამ ეტაპზე ტატიშვილის მონაგარი 658 ქულაა. მან ჩარლსტონის ტურნირის მე-2 რაუნდში გასვლით 40 ქულა გამოიმუშავა, საინტერესო, რომ WTA-ს რეიტინგში მე-100 ადგილზე მყოფი ფრანგი ვირჟინი რაზანოს აქტივში სწორედ 658 ქულაა.

სხვა ჩოგბურთელთა მონაცემების ცვლილების ფონზე, შესაძლოა, ქართველმა ჩოგბურთელმა ასეულში ახლავე ვერ შეაღწიოს, თუმცა, მომავალ რეიტინგში რომ მიზანთან ძალიან ახლოს იქნება, ფაქტია.

უკვე ცნობილია, რომ Family Circle Cup-ის მე-2 წრეში ტატიშვილის მეტოქე რუსი ჩოგბურთელი მარია კირილენკო იქნება, რომელმაც აშშ-ს სახელით მოთამაშე ვარვარა ლეპჩენკოს 6:4, 6:0 სძლია. ტატიშვილის რეიტინგში 28-ე ადგილზე მყოფ (2008 წლის ივლისში მე-18 გახლდათ) 24 წლის მოსკოველს კარიერაში პირველად ეთამაშება. კირილენკოს დამარცხების შემთხვევაში, ქართველი ჩოგბურთელი 60 სარეიტინგო ქულას მიიღებს.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
სექტემბერი 2020 (179)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი