ცინცაძის რევანში ჯეიკობ პულენის გუნდზე

კალათბურთი 02-დეკ, 17:379 datopagava23 1571


გიორგი ცინცაძის „ბუდიველნიკმა“ ჯეიკობ პულენის „ჰაპოელს“ რევანში აუღო. ევროთასის ჯგუფური ეტაპის გაულ ტურში დამარცხების შემდეგ კიეველებმა ებრაულ კლუბს უკრაინის დედაქალაქში უმასპინძლეს და ანგარიშით 84:77 დაამარცხეს. მატჩის მიწურულს კიეველები 76:77 აგებდნენ, თუმცა დარჩენილი ორწუთეული მაღალ დონეზე ჩაითამაშეს და საბოლოოდ გამარჯვებასაც დაეპატრონნენ. ბოლო ეპიზოდი კიეველებმა 8:0 მოიგეს,საიდანაც 5 ქულა გიორგი ცინცაძის ანგარიშზე იყო.

ცინცაძემ აღნიშნული ხუთივე ქულა საჯარიმოს ხაზიდან მიითვალა, სულ კი მოედანზე გატარებული 29:03 წუთის განმავლობაში 12 ქულა, 3 მოხსნა, 2 ჩაჭრა და 5 პასი მოაგროვა. როგორც აღვნიშნეთ, გიორგიმ ხუთივე საჯარიმო ზუსტად სტყორცნა, 4-დან 2 სამქულიანი და 5-დან 1 სამქულიანიც ჩააგდო, ბურთი ორჯერ დაკარგა, 3 პერსონალური ფოლი მიიღო, მის წინააღმდეგ კი ექვსჯერ დაჯარიმდნენ.

ცინცაძის შედეგიანობის კოეფიციენტმა 17-ს უწია და ეს კიეველთა რიგებში მე-4 მაჩვენებელი გახლდათ. ქართველ უკანახაზელზე შედეგიანები მალკოლმ დელეინი (22 ქულა), ლეო ლაიონსი (20 ქულა, 8 მოხსნა) და არტურ დროზდოვი (18 ქულა, 12 მოხსნა) იყვნენ.

ბრწყინვალედ ითამაშა საქართველოს ნაკრების ნატურალიზებულმა ამერიკელმა კალათბურთელმა ჯეიკობ პულენმაც, რომელიც იერუსალიმელთა ღირსებას იცავს. იგი ასევე სასტარტო ხუთეულში იყო და 33:47 წუთში 22 ქულა, 1 მოხსნა, 4 ჩაჭრა და 3 პასი მოაგროვა.

პულენმა 14-დან 8 ორქულიანი და 7-დან 6 საჯარიმო გამოიყენა, 4 სამქულიანი ააცილა, ბურთი ერთხელ დაკარგა, ორჯერ დაჯარიმდა, მასზე თამაშის წესები კი 7-ჯერ დაირღვა. ჯეიკობის სარგებლიანობის კოეფიციენტი 21 გახლდათ, რაც “ჰაპოელის” რიგებში საუკეთესო იყო.

“ბუდიველნიკმა” A ჯგუფში მე-2 გამარჯვება იზეიმა და საუკეთესო ორეულში გასვლის შანსი გაზარდა, ხოლო ებრაულ კლუბს ერთადერთი მოგება შერჩა და ბოლო ადგილზე იმყოფება.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ნოემბერი 2020 (247)
ოქტომბერი 2020 (195)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
სიტი-რეალი