"ატლანტამ" კონფერენფიის ლიდერთან ვერაფერი გააწყო

ქართული კალათბურთი / უცხოური კალათბურთი / NBA 23-მარ, 14:439 admin 1756


როგორც ჩანს, „ატლანტა ჰოუქსი“ რეგულარული სეზონის ბოლომდე იმავე ადგილზე დარჩება, რომელზეც ახლა იმყოფება. ზაზა ფაჩულიას გუნდი აღმოსავლეთ კონფერენციაში მეხუთეზეა და დარჩენილ 11 შეხვედრაში ნაკლები სავარაუდოა, რომ ან მეოთხეზე აინაცვლოს, ანაც მეექვსეზე მყოფმა გუნდმა გადაასწროს. ყოველ შემთხვევაში, „ორლანდოს“ (45 მოგება, 26 წაგება), „ატლანტასა“ (40 მოგება, 31 წაგება) და „ფილადელფიას“ (36 მოგება, 34 წაგება) შორის სხვაობა საკმაოდ დიდია საიმისოდ, რომ ამ განლაგებას რეგულარული ჩემპიონატის ბოლომდე რამე დაემუქროს.



თუკი „ატლანტას“ ცხრილში დაწინაურების ამბიცია გქონდა, ამ გამთენიისას გამართულ შეხვედრაში უნდა გამოეჩინა იგი. ფაჩულიას გუნდი აღმოსავლეთის ერთ–ერთი ლიდერს და ამ მატჩის შემდეგ უკვე ერთპიროვნულად დაწინაურებულ „ჩიკაგოს“ მასპინძლობდა. შეხვედრა მასპინძელთა სავალალო ანგარიშით – 81:114 დასრულდა. ბოლო მეოთხედის წინ ანგარიშში სხვაობა 28 ქულა იყო. ატლანტელებმა ყველა ასპექტში წააგეს ჩიკაგოელებთან.

"ატლანტამ" კონფერენფიის ლიდერთან ვერაფერი გააწყო


ქართველმა ცენტრმა არცთუ ცოტა – 15 წუთი ითამაშა. ზაზა წინა მატჩის დარად, ამჯერადაც აგრესიული იყო და 6–ჯერ მოუწია საჯარიმოს სროლა, საიდანაც 5 გამოიყენა. მისი ქულობრივი მონაგარიც ეს გახლდათ, რადგან, ქართველმა ცენტრმა თამაშიდან ნასროლი სამივე ბურთი ააცილა. ფაჩულიას ანგარიშზე 5 ქულასთან ერთად 2 მოხსნა და ამდენივე პასი გახლდათ.



მომდევნო მატჩს „ატლანტა“ ხვალ სწორედ მდევარ „ფილადელფიასთან“ გამართავს.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
სექტემბერი 2020 (166)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი