Image

სანიკიძე თამაშობს, მისი გუნდი – ვერა.

ქართული კალათბურთი 24-ოქტ, 19:529 Sportnews 1641


















მორიგი წარმატებული დღე იტალიაში მოთამაშე ქართველებისთვის. მანუჩარ მარკოიშვილისა და გიორგი შერმადინის „კანტუმ“ მორიგი გამარჯვება მოიპოვა, ხოლო ვიქტორ სანიკიძის კარგი თამაშის მიუხედავად ბოლონიურმა „კანადიან სოლარმა“ (იგივე „ვირტუსი“) ისევ წააგო.

„კანტუ“ სერია A-ს დებიუტანტ „ვენეციას“ სტუმრობდა და დაძაბულ ბრძოლაში – 80:76 დაამარცხა. პირველი ტაიმის შემდეგ ქართველების გუნდი ქულით იგებდა, გადამწყვეტი პერიოდის დაწყებამდე კი კანტუელები 59:55 ლიდერობდნენ და საბოლოოდაც 4 ქულის სხვაობით იმარჯვეს.

მანუჩარ მარკოიშვილი ხუთეულში იყო, თუმცა მოედანზე მხოლოდ 8 წუთი გაატარა. შერმადინი თამაშში სათადარიგოთა სკამიდან ჩაერთო და მასაც არ უთამაშია ბევრი – მწვრთნელმა 9 წუთით დაასაქმა. მიუხედავად არასაკმარისი დროისა, ორივე ქართველმა საკმაოდ შედეგიანად ითამაშა. მარკოიშვილმა 2-დან 2 ორქულიანი ჩააგდო და ასეთივე წარმატებით ესროლა საჯარიმოს ხაზიდან. საბოლოოდ მანუჩარმა 6 ქულა დააგროვა, რასაც მხოლოდ 1 ჩაჭრა მოაყოლა.

თითქმის ასპროცენტიანი სიზუსტით ესროლა შერმადინმაც. 9 წუთში გიორგიმ 3-დან სამივე ორქულიანი და 4-დან 3 საჯარიმო ჩააგდო, 9 ქულა მოაგროვა, რასაც 4 მოხსნა, 1 ჩაჭრა და 2 დაფარება მოაყოლა. ერთი სიტყვით, ქართველებმა თავისი წვლილი შეიტანეს კანტუელთა გამარჯვებაში.

რაც შეეხება ვიქტორ სანიკიძეს, ისიც სასტარტო ხუთეულში იყო, თუმცა მის გუნდს მილანში „არმანის“ წინააღმდეგ ვერაფერი უშველა. ბოლონიელები 64:79 დამარცხდნენ. სანიკიძემ მოედანზე 29 წუთი გაატარა და 10 ქულასთან ერთად 6 მოხსნა და 1 დაფარება მიითვალა. საერთო სარგებლიანობის კოეფიციენტით (15) ბოლონიელთაგან მას მხოლოდ ჯუზეპე პოეტამ (17) აჯობა. ვიქტორმა 6-დან 2 ორქულიანი და 5-დან 2 ორიანი ჩააგდო. საჯარიმო სროლა მას არ შეუსრულებია.

სერია A-ს სამიდან 3 გამარჯვებით „კანტუ“ ლიდერობს. ორიდან 2 გამარჯვების მქონე „სიენა“ კი ამ ტურის მატჩს დღეს გვიან ღამით ატარებს. რაც შეეხება სანიკიძის გუნდს, „კანადიან სოლარი“ 1 მოგებითა და 2 წაგებით მე-13 ადგილზეა. მომდევნო შეხვედრას „კანტუ“ შინ 29 ოქტომბერს „სკავოლინისთან“ ჩაატარებს, ხოლო ბოლონიელები 30 ოქტომბერს „კრემონას“ უმასპინძლებენ.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:




Loading...








მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
ივლისი 2019 (225)
ივნისი 2019 (305)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
რეკლამა