სანიკიძემ გაიბრწყინა "ვირტუსმა" კი ვერა

ქართული კალათბურთი / უცხოური კალათბურთი 07-ნოე, 16:199 datopagava23 1634


როგორც ვივარაუდეთ, ბოლონიური გუნდიდან ჯარედ ჰომანის გაგება ვიქტორ სანიკიძის სათამაშო დროს გაზრდიდა.

ასეც მოხდა და მწვრთნელის ცემის გამო გუნდიდან მოკვეთილი ამერიკელი კალათბურთელის არყოფნაში ქართველმა ლეგიონერმა მოედანზე მიმდინარე სეზონში მისთვის სარეკორდოდ ბევრი - 34 წუთი გაატარა.

ეს მის შედეგიანობაზეც აისახა და სანიკიძე ბოლონიელთა შორის საუკეთესო იყო.

ვიქტორს 1 მოხსნა დააკლდა ორმაგ დუბლამდე, თუმცა ამაზე მეტად სამწუხარო ისაა, რომ მისმა გუნდმა დასანანი შეხვედრა წააგო.

ბოლონიელები სტუმრად "ტერამოს" ხვდებოდნენ და შეხვედრა დაძაბულ ფინალში - 72:73 დათმეს. უნდა აღინიშნოს, რომ სანიკიძის გუნდი მთელი თამაშის განმავლობაში აგებდა. ბოლო მეოთხედის წინ ბოლონიელები 11 ქულით ჩამორჩებოდნენ ტერამოელებს, თუმცა შეძლეს მატჩისთვის ინტრიგა, საკუთარი გუნდისთვის კი მოგების შანსი დაებრუნებინათ. საბოლოოდ, ყველაფერი ერთმა სროლამ გადაწყვიტა, რომელმაც, სამწუხაროდ, გამარჯვება მასპინძლებს მოუტანა.

სანიკიძემ 5 ორქულინიდან 3 ჩააგდო, რასაც 8-დან 3 სამქულიანი და 2-დან 1 საჯარიმო მოაყოლა.საბოლოოდ ვიქტორის ანგარიშზე 16 ქულა და 9 მოხსნა დაგროვდა, რაც საკმარისი აღმოჩნდა, მას ბოლონიელთა შორის ყველაზე მაღალი საერთო სარგებლიანობის მაჩვენებელი (15) ჰქონოდა.

საკუთრივ 16 ქულა კი მატჩში საუკეთესო შედეგი გახლდათ. ბოლონიელებს 2 მოგების ფონზე მესამე მარცხი მოუგროვდათ და მეცხრე ადგილამდე დაქვეითდნენ.

წააგო მარკოიშვილის გუნდმაც. კანტუელები ტრევიზოში "ბენეტონს" ეწვივნენ და მოულოდნელად იოლად - 55:72 დამარცხდნენ.

ევროლიგაში ჩატარებული ჩინებული თამაშის შემდეგ, ქართველთა კლუბი ძალიან სუსტად გამოიყურებოდა და მეტოქეს ყველა მეოთხედი დაუთმო.

მარკოიშვილმა სასტარტო შემადგენლობაში ითამაშა და 30 წუთში 6 ქულა, 5 მოხსნა და 1 პასი მიითვალა. "მანუმ" 6-დან 2 ორქულიანი და 2 საჯარიმო ზუსტად სტყორცნა, 3 სამქულიანი ააცილა, 2 პერსონალური ფოლი მიიღო, მასზე კი ხუთჯერ დაჯარიმდნენ.

ამჯერად, ნაკლებად დაიტვირთა შერმადინი. ქართველი ცენტრი მოედანზე მხოლოდ 11 წუთი გამოჩნდა და 3 ქულასა და 3 მოხსნას დასჯერდა. გიორგიმ ორქულიანი და 2-დან 1 საჯარიმო გამოიყენა, ოთხი ჯარიმა მიიღო, მასზე კი თამაშის წესები ერთხელ დაირღვა. "ბენეტ კანტუს" 3 მოგება და 2 მარცხი აქვს და მეშვიდე ადგილზე იმყოფება.

დამარცხდა და თავიც ვერ გამოიჩინა "დინამო სასარის" ქართველმა წევრმა ნიკა მეტრეველმა. მისი გუნდი სტუმრად "აველინოს" შეხვდა და 79:96 წააგო. ჩვენებურმა მოედანზე 7 წუთი გაატარა, რის განმავლობაშიც ერთედართი მოხსნა მიითვალა.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ოქტომბერი 2020 (126)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი