Image

ინდიანასთან მოგებულ მატჩში ფაჩულიას ორმაგ დუბლამდე ცოტა დააკლდა

ქართული კალათბურთი 09-თებ, 11:409 Sportnews 1158


















ზედიზედ სამი წაგების შემდეგ ატლანტელებმა ნავსი გატეხეს და შინაურ კედლებში „ინდიანა“ დაამარცხეს - 97:87. ეს სულაც არ გახლდათ იოლი გამარჯვება. „ინდიანა“ მიმდინარე სეზონში საკმაოდ კარგად თამაშობს და ცხრილში ამ წაგებამდეც და მის მერეც „ატლანტაზე“ წინ იმყოფება.

ზაზა ფაჩულიას გუნდმა პირველი ტაიმის შემდეგ 18-ქულიანი ლიდერობა მოიპოვა, მაგრამ ინდიანელები არ გატყდნენ და მესამე მეოთხედის 31:21 მოგების შემდეგ ჩამორჩენა 8 ქულამდე შეამცირეს. გადამწყვეტ მეოთხედში თანაბარი ბრძოლა გაიმართა, რაც მოლიდერე ატლანტელებს აწყობდათ და მასპინძლებმა საბოლოოდ საწადელს მიაღწიეს.

ქართველის ცენტრი ტრადიციულად სასტარტო ხუთეულში იყო. ზაზამ მოედანზე 38,18 წუთში 9 ქულა, 8 მოხსნა, 2 პასი, 2 ჩაჭრა და 1 დაფარება მოაგროვა. როგორც ჩანს, ფაჩულია საკმაოდ პროდუქტიული იყო და ორმაგ დუბლამდეც მცირედი დააკლდა. ზაზამ 6 ორქულიანიდან 2 გამოიყენა, ხოლო 8 საჯარიმო სროლიდან კალათში 5 ტყორცნა მოათავსა.

17 მოგებითა და 9 წაგებით „ატლანტა“ აღმოსავლეთ კონფერენციის ცხრილში კვლავ მეოთხე ადგილზეა. მის წინ სწორედ „ინდიანაა“, რომელსაც 17 მოგების წილ 8 მარცხი აქვს. მომდევნო მატჩში, 11 თებერვალს, „ატლანტას“ სერიოზული გამოცდა ელის: ორლანდოში „მეჯიქს“ ხვდება

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:




Loading...








მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
ივლისი 2019 (186)
ივნისი 2019 (305)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
რეკლამა