კლასიკოზე ფიქრი თავიდან უნდა ამოვიგდოთ

სიახლეები / ფეხბურთი / უცხოური ფეხბურთი / ევროტურნირები 19-ნოე, 16:279 beqa_beqa 1532



ბარსელონას ნახევარმცველი ანდრეს ინიესტა აცხადებს, რომ გუნდმა "რეალთან" კლასიკოზე ფიქრით ტვინი არ უნდა გამოიფიტოს და ყურადღება უახლოესი ტურის "ალმერიასთან" მატჩზე გადაიტანოს.

ესპანეთის მოქმედი ჩემპიონები მიმდინარე სეზონის სატურნირო ცხრილში მეორე ადგილზე იმყოფებიან და ისტორიულ მეტოქეს მადრიდის "რეალს" ერთადერთი ქულით ჩამორჩებიან. 29 ნოემბერს გასამართ "კლასიკომდე" შაბათს "ლოს ბლანკო" ბილბაოს "ატლეტიკს" უმასპინძლებს, მაშინ როცა "ბარსელონა" "ალმერიას" ესტუმრება. ბევრი უკვე "კლასიკოზე" ფიქრობს, ინიესტა კი ცივ გონებას ინარჩუნებს.

"სამი ქულის აღება "ალმერიასთან" ისევე მნიშვნელოვანია, როგორც მადრიდის "რეალის" დამარცხებით მოპოვებული სამი ქულა. არა მგონია, ძალიან ძნელი იყოს "რეალზე" ფიქრის თავიდან ამოგდება. ამჟამად ჩვენი ამოცანა მთელი ყურადღების "ალმერიასთან" მატჩზე გამახვილებაა. ვფიქრობ, შეუძლებელია 100%-ით საუკეთესო ფორმაში ყოფნა, უბრალოდ, მუდმივად უნდა აუმჯობესებდე მას. ამჟამად კარგად ვთამაშობთ, მაგრამ კიდევ უფრო უნდა მოვუმატოთ", - განაცხადა ინიესტამ.

ინიესტამ ბილბაოს "ატლეტიკის" წინააღმდეგ დაპირისპირებაზეც ისაუბრა: "ბილბაო" ყოველთვის რთული მეტოქეა, მითუმეტეს რომ მეორე თამაში სტუმრად გვიწევს. ისინი თასზე ყოველთვის საშიშნი არიან". "

ესპანეთის ნაკრების ფეხბურთელი პსვ-დან იბრაჰიმ აფელაის გადმოსვლასაც მიესალმა და აღნიშნა: "ის იმიტომ მოვიდა, რომ გუნდს სჭირდება და კლუბის მესვეურები მასში კარგ ფეხბურთელს ხედავენ. ვიცი, რომ აფელაის ბევრი კარგი თვისება აქვს და თან ძალიან ახალგაზრდაა. "ბარსელონა" მისთვის იდეალური ადგილი იქნება, სადაც როგორც ფეხბურთელი, გაზრდას შეძლებს".



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:

















მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ივლისი 2020 (15)
ივნისი 2020 (111)
მაისი 2020 (126)
აპრილი 2020 (214)
მარტი 2020 (653)
თებერვალი 2020 (504)