“კობის” გუნდმა წააგო და ლიდერად დარჩა

სიახლეები / ფეხბურთი / უცხოური ფეხბურთი 20-ნოე, 11:369 FCB 1666


გერმანიის მე-2 ბუნდესლიგაში სეზონში მე-2 მარცხი განიცადა ბერლინის ”ჰერტამ”, რომლის ღირსებასაც საქართველოს ნაკრების წევრი ლევან კობიაშვილი იცავს. დედაქალაქელები ცხრილის ქვედა ნახევარში მყოფ “ოსნაბრუკს” ესტუმრნენ და მოულოდნელად 0:2 წააგეს. კობიაშვილმა მარცხენა მცველის პოზიციაზე შეუცვლელად ითამაშა. “ჰერტას” 29 ქულა შერჩა, თუმცა, მე-13 ტურის დარჩენილი მატჩების გამართვამდე ლიდერობას ინარჩუნებს.
რუმინეთის პირველი ლიგის მე-16 ტურის შეხვედრა ქართველი აკაკი ხუბუტიას გარეშე ჩაატარა “გაზ მეთანმა”. მედიაშელები ”კლუჟს” ესტუმრნენ და მიუხედავად პირველივე წუთებზე გაშვებული გოლისა, თამაშის საყაიმო ანგარიშით (1:1) დასრულება შეძლეს. ხუბუტია გუნდის განაცხადში არ ყოფილა, ”გაზ მეთანმა” კი 26 ქულით მე-4 პოზიცია შეინარჩუნა.
ცუდი დღე ჰქონდა ”დიორ ეტოს”, რომელიც უნგრეთის NB1-ის მე-15 ტურში რაკოჩის “კაპოშვარის” ესტუმრა და 0:3 განადგურდა. დიორელთა რიგებში გიორგი განუგრავამ საწყის 30 წუთს ითამაშა და ყვითელი ბარათის მიღებაც მოასწრო, თეიმურაზ შარაშენიძე მინდორზე მე-60 წუთზე გამოჩნდა, ლაშა თოთაძე თადარიგში დარჩა, რატი ალექსიძე კი განაცხადში არ გახლდათ. ”დიორ ეტო” 17 ქულით მე-11 საფეხურზეა.
პოლონეთის პირვე ლიგაში აუტსაიდერ ”დოლჩან ზაბკისთან” გასვლითი შეხვედრა 1:1 დაასრულა ვოძისლავის ”ოდრამ”. სტუმართა ქართველმა ნახევარმცველმა კობა შალამბერიძემ 67-ე წუთიდან ითამაშა, მისი გუნდი კი 17 ტურში მოგროვებული 24 ქულით მე-7 ადგილზე აღმოჩნდა.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ნოემბერი 2020 (263)
ოქტომბერი 2020 (195)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
სიტი-რეალი