ფაულერი ინგლისში მწვრთნელად ბრუნდება

სიახლეები / ფეხბურთი / უცხოური ფეხბურთი 21-ნოე, 23:049 FCB 1372


"ლივერპულისა" და ინგლისის ეროვნული ნაკრების ყოფილი თავდამსხმელი, 35 წლის რობი ფაულერი თებერვლიდან მწვრთნელობას იწყებს. იგი ინგლისის პირველ ლიგაში მოასპარეზე "მილტონის" თავკაცის თანაშემწე გახდება. მხარეებს შორის უკვე არსებობს შეთანხმება და ფაულერი ასისტენტის პოსტს დღესვე დაიკავებდა, მაგრამ მას ამის საშუალებას ავსტრალიურ "პერტ გლორისთან" არსებული ხელშეკრულება არ აძლევს - ფაულერი ჯერ კიდევ განაგრძობს მოთამაშის კარიერას და ამჟამად იგი ოზური კლუბის თავდამსხმელად ითვლება.
ფაულერს, რომელსაც "პერტ გლორიასთან" კონტრაქტის ვადა თებერვალში ეწურება, ინგლისურ პრემიერლიგაში 15 სეზონი აქვს გატარებული. 1993-2001 წლებში ის "ლივერპულის" ღირსებას იცავდა, რომლის შემადგენლობაში ჩატარებულ 236 საჩემპიონატო შეხვედრაში 120 გოლის გატანა მოახერხა. შემდეგ ის "ლიდსისა" (2001-03, 30, 14) და "მანჩესტერ სიტის" (2003-06, 80, 20) რიგებში გამოდიოდა, საიდანაც ერთი სეზონით ისევ "ლივერპულში" (2006-07, 30, 8) დაბრუნდა. მოგვიანებით, ფაულერმა "კარდიფ სიტისა" (2007, 13, 4) და "ბლექბერნში" (2008, 3, 0) სცადა ბედი, ხოლო შემდეგ კი ავსტრალიურ ლიგაში გადაბარგდა. ინგლისის ნაკრების ფორმით ჩატარებულ 26 მატჩში კი, მას 7 გოლი აქვს გატანილი.
თებერვალში ფაულერი მოთამაშის კარიერას დაასრულებს და სამწვრთნელო საქმიანობას შეუდგება. აღსანიშნავია, რომ "მილტონის" თავკაცი კარლ რობინსონი ფაულერზე 5 წლით უმცროსია. თავის დროზე, ის "ლივერპულის" აკადემიაში მუშაობდა და "მერსისაიდული" გრანდის ყოფილ ფეხბურთელებთან ახლო ურთიერთობა აკავშირებს. აღსანიშნავია, რომ "მილტონის" მოთამაშე-მწვრთნელი კიდევ ერთი ყოფილი ლივერპულელი, გერმანელი დიტმარ ჰამანია.
ბოლოს დავამატებთ, რომ ინგლისის პირველ ლიგაში მოასპარეზე "მილტონს" 17 ტურის შემდეგ 26 ქულა აქვს და გათამაშების ცხრილში მე-10 ადგილზე იმყოფება.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:

















მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ივლისი 2020 (22)
ივნისი 2020 (111)
მაისი 2020 (126)
აპრილი 2020 (214)
მარტი 2020 (653)
თებერვალი 2020 (504)