სერხიო რამოსის "რეალის" პირველი ესპანელი

სიახლეები / ფეხბურთი / უცხოური ფეხბურთი 21-ნოე, 23:079 beqa_beqa 1949


ესპანეთის ჩემპიონატის მომავალ ტურში გასამართი "კლასიკოს" წინ, მადრიდის "რეალმა" "ბილბაოსთან" საშინაო შეხვედრაში წაივარჯიშა. დედაქალაქელებმა მეტოქე 5:1 დაამარცხეს, ერთი გოლი კი საკუთარ აქტივში სერხიო რამოსმა ჩაიწერა - 57-ე წუთზე მან ბასკთა კიპერ ირაისოსს თერთმეტმეტრიანის ნიშნულიდან გაუტანა.
იმის მიუხედავად, რომ მადრიდელთა შტატიანი პენალტისტი კრიშიტიანუ რონალდუ მოედანზე იყო, სტანდარტის შესრულება მაინც ესპანეთის ნაკრების მცველმა ითავა.
"პენალტის დანიშვნის შემდეგ, სერხიომ კრიშტიანუს აუხსნა, რომ იგი საკუთარ შესაძლებლობაში დარწმუნებულია და პორტუგალიელს სთხოვა, მისთვის თერთმეტმეტრიანი შესრულება დაეთმო. ჟოზე მოურინიოსთვის, რომელსაც სურს ნებისმიერი დეტალი აკონტროლოს, მომხდარი სრული მოულოდნელობა აღმოჩნდა. კიდევ კარგი, რომ ყველაფერი გოლის გატანით დასრულდა", - აღნიშნა მატჩის შემდეგ მოურინიოს თანაშემწე აიტორ კარანკამ.
კომენტარის გაკეთება თვითონ სერხიო რამოსსაც მოუხდა. "გოლის გატანას დიდი ხნის განმავლობაში ვერ ვახერხებდი და "მშრალი" სერიისთვის წერტილის დასმა მინდოდა. პენალტი საამისოდ დაუკეთესო საშუალებაა. ვიცი, რომ ფერნანდო იეროს შემდეგ, "რეალის" ისტორიაში მეორე მცველი გავხდი, რომელსაც "სამეფო კლუბის" ფორმით თერთმეტმეტრიანის შესრულების საშუალება მიეცა. ფერნანდო ჩემი მეგობარია და მიხარია, რომ პენალტის გატანა მეც შევძელი", - მადრიდელთა უკანახაზელი.
სერხიო რამოსის ეს გოლი კიდევ ერთი ფაქტორის გამოა გამოსარჩევი. რამოსი გახდა "რეალის" პირველი ესპანელი ფეხბურთელი, რომელმაც პრიმერა დივიზიონის მიმდინარე გათამაშებაში გოლის გატანა მოახერხა. მადრიდელთა დანარჩენი 32 გოლი კი ლეგიონერთა ანგარიშზეა. აღსანიშნავია, რომ "ბილბაოსთან" მატჩამდე "სამეფო კლუბის" ბოლო "ესპანური გოლიც" რამოსის აქტივში იყო.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
beqa_beqa 21 ნოემბერი 2010 23:08
ბრავო სერხიოს



შემოგვიერთდით
რეკლამა
არქივი
სექტემბერი 2020 (137)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი