<<>>

"კლასიკოს" წინ შთამბეჭდავად მოითელნენ

სიახლეები / ფეხბურთი / უცხოური ფეხბურთი 22-ნოე, 11:399 FCB 1637


ესპანური ფეხბურთის უმთავრესი მატჩის გამართვამდე ერთი კვირით ადრე, ამ დაპირისპირების მონაწილე გუნდებმა, მოლოდინისამებრ, მორიგი 3-3 ქულა ჩაიწერეს აქტივში. მიუხედავად იმისა, რომ “რეალს” გაცილებით რთული მეტოქე ხვდა წილად, ვიდრე “ბარსელონას”, მადრიდელებმა მაინც მოახერხეს იოლად მოგება. ყველაზე საინტერესოდ კი მოვლენები მაინც “ბარსელონას” მატჩში განვითარდა.
მართალია, “ალმერია” გათამაშების ერთ-ერთი უსუსტესი გუნდია, მაგრა ხუანმა ლილოს აწ უკვე ყოფილი გუნდი, აქამდე, მხოლოდ შეტევაში მოიკოჭლებდა. გაშვებული გოლების მხრივ, “ალმერიას” “რეალისა” და “ბარსელონას” შემდეგ საუკეთესო შედეგი ჰქონდა. რაც დიეგო ალვეშს გასულ 11 ტურში ჰქონდა გაშვებული, თითქმის იმდენი გაუტანეს კატალონიელებმა ერთ მატჩში და ესპანეთის ჩემპიონატის 2 რეკორდიც გაიმეორეს. უპირველესად, აღვნიშნავთ გასვლით მატჩებში ყველაზე დიდი ანგარიშით მოგებას. 1959 წელს, ლას პალმასში, ადგილობრივი გუნდი 8:0 სწორედ “ბარსელონამ” დაამარცხა და სტუმრად მოპოვებულ გამარჯვებებში ეს დღემდე რჩება სარეკორდო მაჩვენებლად. გარდა ამისა, “ბარსამ”, სეზონის სტარტზე, ზედიზედ მე-6 გასვლითი მატჩი მოიგო, რითიც მადრიდის “რეალის” მიერ 1991 წელს დამყარებული რეკორდი გაიმეორა.
რაც შეეხება უშუალოდ შეხვედრას, მასში პირველი გოლი სტუმრებმა მე-17 წუთზე გაიტანეს, როდესაც მესიმ ვილიასთან გაითამაშა კომბინაცია და მიიღო რა ესპანელისგან ქუსლით გაკეთებული გადაცემის შემდეგ ბურთი, დაახლოებით საჯარიმოს წინა ხაზიდან დაარტყა ზუსტად. 2 წუთში, ბურთის გორებაში გართულ კატალონიელებს მხარი ბერნარდელომაც აუბა, რომელმაც საკუთარ მეკარესთან პირისპირ ინიესტა დატოვა და კატალონიელთა მე-8 ნომერს მიმდინარე გათამაშებაში მე-3 გოლი გაატანინა. მასპინძლები “საგოლე პასს” არ დასჯერდნენ და 27-ე წუთზე თავადაც აიღეს დიეგო ალვეშის კარი, როდესაც მაქსველის გადაცემის შემდეგ, აკასიეტე მოგვევლინა ეპიზოდის ანტიგმირად. ტაიმის ბოლომდე სტუმრებმა კიდევ 2 გოლი გაიტანეს. 35-ე წუთზე, კანტერადან გადმოყვანილი ფონტასის გრძელი პასით მეკარესთან პირისპირ გასულმა პედრომაც იხეირა, 2 წუთში კი, მესიმ ახლო მანძილიდან აიღო მასპინძლების კარი და ლა ლიგაში მე-100 გოლი გაიტანა.
“ალმერიას” ფეხბურთელებმა იმდენი ქნეს, რომ გოლებს დანატრებულ ბოიანსაც მისცეს თავის გამოჩენის შანსი. 62-ე წუთზე, ახალგაზრდა თავდამსხმელმა, მესის გადაცემის შემდეგ, 2 მცველთან ჭიდილის დროს დაარტყა მიმდინარე გათამაშებაში პირველად საგოლედ. 5 წუთში, ვილიას დარტყმულისა და მოგერიებულის შემდეგ, ბურთი ცარიელ კარში მესიმ შეაგორა, რომელმაც 73-ე წუთზე, ბოიანს კვლავ გაატანინა და ასე დაესვა წერტილი მატჩს, რომელმაც “ალმერიას” მწვრთნელი, ხუანმა ლილო შეიწირა.
უიშვიათესი ანგარიშით მოგებამ “ბარსა” კი გაალიდერა, მაგრამ მხოლოდ ორიოდ საათით. “სანტიაგო ბერნაბეუზე” დაახლოებით ტაიმნახევრის განმავლობაში მებრძოლი ბილბაოს “ატლეტიკი” “რეალმა” საბოლოოდ მაინც გატეხა და როგორც მიმდინარე სეზონში არაერთხელ მომხდარა, მეტოქე გაანადგურა. მადრიდელებმა ანგარიში მე-19 წუთზე გახსნეს, როდესაც დი მარიას გადაცემის შემდეგ, მეტოქის საჯარიმოში აღმოჩენილ იგუაინს ორმა ბასკმა მცველმა ვერაფერი დააკლო და არგენტინელმაც თავისი მე-7 გოლი გაიტანა. 30-ე წუთზე, იგუაინი-იოზილი-რონალდუს მიერ გათამაშებული ბრწყინვალე კონტრშეტევა პორტუგალიელის მიერ დაახლოებით 20 მეტრიდან ძლიერი და ზუსტი დარტყმით დასრულდა. პირველ ტაიმში, “ატლეტიკმა” იმდენი საგოლე მომენტი კი შექმნა, რომ ერთი გოლი მაინც დაიმსახურა და მიზანს ბასკებნა მე-40 წუთზე მიაღწიეს, როდესაც ლორენტემ დაახლოებით ერთი მეტრიდან აიღო კასილიასის კარი, მაგრამ სამართლიანობა მოითხოვს აღინიშნოს, რომ სტუმართა თავდამსხმელი, გადაცემის დროს, თამაშგარე მდგომარეობაში იმყოფებოდა.
ბასკებმა მე-2 ნახევრის დასაწყისშიც გაიბრძოლეს, მაგრამ ჯერ რამოსმა აქცია დი მარიას მიერ გამომუშავებული თერთმეტმეტრიანი გოლად და გახდა “რეალის” პირველი ესპანელი ფეხბურთელი, რომელმაც მიმდინარე გათამაშებაში გოლი გაიტანა, შემდეგ, რონალდუს საჯარიმოს დროს შეცდა ირაისოსი და პირდაპირ მისი მიმართულებით გაგზავნილი ბურთი გაუშვა, ხოლო 90-ე წუთზე, გრანეროს მიერ გამომუშავებული პენალტი რონალდუმ გამოიყენა და ბომბარდირთა დავაში კვლავ დაწინაურდა.
ტურის ცენტრალური მატჩი ვილიარეალში გაიმართა, სადაც ადგილობრივი გუნდი, ვალენსიურ დერბიში, “ღამურებს” დაუპირისპირდა. ხანგრძლივი შესვენების შემდეგ, გასულ ტურში პირველად დამარცხებულმა “ყვითელმა წყალქვეშა ნავმა” ვერც ამჯერად იმარჯვა, მაგრამ ქულის მოპოვება მაინც მოახერხა. ანგარიში სტუმრებმა ხოაკინი-ადურისის წარმატებული კომბინაციის შემდეგ გახსნეს, მაგრამ მე-2 ტაიმში, როსის ზუსტმა დარტყმულმა “ვალენსიას” ქულა აკმარა.

21 ნოემბერი
პამპლონა, “რეინო დე ნავარა” 18000
ოსასუნა-ხიხონი 1:0 (0:0)
ოსასუნა (4-2-3-1): რიკარდო, დამია, სერხიო, მიგელ ფლანო, ნელსონი, პუნალი, ნეკუნამი, ხუანფრანი (კამუნიასი 77), სორიანო (ვადოში 88), მაზუდი, არანდა (ლეკიჩი 15)
მწვრთნელი: ხოსე ანტონიო კამაჩო
ხიხონი (4-2-3-1): ხუან პაბლო, ლორა, ერნანდესი, გრეგორი, ხოსე ანხელი, რივერა, ეგურენი (აიოსე 75), ნოვო (მორანი 76), კარმელო, დე ლას კუევასი (პრენდესი 86), ბარალი
მწვრთნელი: მანუელ პრესიადო
გოლი: 1:0 მაზუდი (54)
გაფრთხილება: ნეკუნამი 28, რიკარდო 31, სერხიო 66, პუნალი 71, სორიანო 73, დამია 75 – კარმელო 40, ბარალი 72
მსაჯი: ტეიშეირა ვიტიენესი
დარტყმა 13 (2)-9 (0); ჯარიმა 22-20; კუთხური 5-6; თამაშგარე 3-1; ბურთის ფლობა 52%-48%; სეივი 0-1

ბარსელონა, “კორნელა ელ პრატი” 30000
ესპანიოლი-ერკულესი 3:0 (1:0)
ესპანიოლი (4-2-3-1): კამენი, ლოპესი, ფორლინი, ამატი, დიდაცი, მარკესი, ბაენა, ლუის გარსია, ვერდუ (გარსია 73), კალეხონი (დატოლო 60), ოსვალდო (ალვარო 88)
მწვრთნელი: მაურისიო პოჩეტინო
ერკულესი (4-2-3-1): კალატაიუდი, კორტესი (ტოტე 67), როდრი, პამაროტი, პულაცი, გომესი, ფრიტცლერი (კრისტიანი 74), კიკო, ვალდესი (ალბა 81), თომერტი, ტრეზეგე
მწვრთნელი: ესტევან ვიგო
გოლები: 1:0 ვერდუ (15), 2:0 ოსვალდო (81, პენ), 3:0 ლუის გარსია (90, პენ)
გაფრთხილება: მარკესი 38, ლუის გარსია 44, ოსვალდო 60 – ვალდესი 40
გაძევება: კალატაიუდი 79
მსაჯი: პარადას რომერო
დარტყმა 7 (5)-12 (5); ჯარიმა 25-19; კუთხური 1-6; თამაშგარე 5-8; ბურთის ფლობა 42%-58%; სეივი 5-2

ვალენსია, “სიუდად დე ვალენსია” 12000
ლევანტე-რასინგი 3:1 (3:0)
ლევანტე (4-2-3-1): რეინა, ხავი ვენტა, ბალესტეროსი, ნანო, ხუანფრანი, სერხიო (პალარდო 60), ტორესი, ჩისკო ნადალი (აბადი 86), სტუანი, ხუანლუ, კაიჩედო (სუარესი 67)
მწვრთნელი: ლუის გარსია
რასინგი (4-4-2): ტონიო, პერესი, ენრიკე, ტორეხონი, სისმა, კენედი (ფერნანდესი 31), დიოპი, კოლსა, მუნიტისი, ბოლადო (ლასენი 58), როზენბერგი (არიელი 67)
მწვრთ.: მიგელ ანხელ პორტუგალი
გოლები: 1:0 კაიჩედო (24), 2:0 კაიჩედო (28), 3:0 სტუანი (44), 3:1 ლასენი (88)
გაფრთხილება: ხუანლუ 38, კაიჩედო 50 – ენრიკე 4, დიოპი 44, მუნიტისი 90
გაძევება: სისმა 29
მსაჯი: ფერნანდეს ბორბალანი
დარტყმა 18 (10)-15 (4); ჯარიმა 22-17; კუთხური 6-1; თამაშგარე 4-2; ბურთის ფლობა 47%-53%; სეივი 3-7

ლა კორუნია, “რიასორი” 25000
დეპორტივო-მალაგა 3:0 (2:0)
დეპორტივო (5-4-1): არანსუბია, პაბლო, კოლოტო, აითამი, ლოპო, სეოანე, დესმარეტსი, როდრიგესი, პერესი (დომინგესი 80), ადრიანი (საული 86), დიონი (ალვარესი 69)
მწვრთნელი: მიგელ ანხელ ლოტინა
მალაგა (4-3-3): არნაუ, გამესი, სტადსგაარდი, ველიტონი, მტილიგა, ელიზეუ, სილვა (ხუანიტო 70), დუდა (ოვუსუ-აბეიე 60), ბაჰა (ედინიო 60), რეჩიო, სოლერი
მწვრთნელი: მანუელ პელეგრინი
გოლები: 1:0 ადრიანი (22, პენ), 2:0 კოლოტო (30), 3:0 ალვარესი (83)
გაფრთხილება: პაბლო 32, კოლოტო 34, პერესი 38, სეოანე 75 – სილვა 21, დუდა 33
მსაჯი: ალვარეს ისკიერდო
დარტყმა 8 (3)-14 (4); ჯარიმა 18-11; კუთხური 6-12; თამაშგარე 4-2; ბურთის ფლობა 39%-61%; სეივი 4-0

სევილია, “სანჩეს პისხუანი” 39000
სევილია-მალიორკა 1:2 (0:1)
სევილია (4-5-1): პალოპი, დაბო, ალექსისი, ესკუდე, ლუნა (რომარიკი 81), რენატო, ჩიგარინი (ლუიშ ფაბიანუ 47), ალფარო, პეროტი, კანუტე, ნეგრედო
მწვრთნელი: გრეგორიო მანსანო
მალიორკა (4-2-3-1): ავატი, სენდროსი, რამისი (რუბენი 59), ნუნიესი, აიოსე, ვიქტორი, მარტი, პერეირა (ნსუე 67), დე გუზმანი, კასტრო (კევინი 90), ვებო
მწვრთნელი: მიკაელ ლაუდრუპი
გოლები: 0:1 პერეირა (36), 1:1 ლუიშ ფაბიანუ (88)
გაფრთხილება: ალფარო 29, ლუნა 80 – ნუნიესი 26
მსაჯი: მატეუ ლაჰოსი
დარტყმა 11 (2)-17 (8); ჯარიმა 8-12; კუთხური 2-1; თამაშგარე 3-1; ბურთის ფლობა 58%-42%; სეივი 6-1

სან სებასტიანი, “ანოეტა” 28000
სოსიედადი-ატლეტიკო 2:4 (1:0)
სოსიედადი (4-2-3-1): ბრავო, მარტინესი, გონსალესი, ანსოტეგი, დე ლა ბელა, რივასი, არანბურუ (სარპონგი 84), პრიეტო, ზურუტუზა, გრიზმანი (ბერგარა 64), ლორენტე (ტამუდო 77)
მწვრთნელი: მარტინ ლაზარტე
ატლეტიკო (4-4-2): დე ხეა, უიფალუში, პერეა, გოდინი, ლოპესი, რეიესი, ტიაგო, სუარესი (გარსია 76), სიმაო, აგუერო (კოშტა 84), ფორლანი (ასუნსაო 90)
მწვრთნელი: კიკე სანჩეს ფლორესი
გოლები: 1:0 ლორენტე (12), 1:1 ფორლანი (71), 1:2 აგუერო (80), 1:3 აგუერო (82), 2:3 რივასი (86), 2:4 სიმაო (90, პენ)
გაფრთხილება: არანბურუ 56, ანსოტეგი 73, ბერგარა 78 – უიფალუში 12, სუარესი 68
მსაჯი: აისა გამესი

20 ნოემბერი
ვილიარეალი, “ელ მადრიგალი” 20000
ვილიარეალი-ვალენსია 1:1 (0:1)
ვილიარეალი (4-3-1-2): ლოპესი, ანხელი, როდრიგესი, მარჩენა, კაპდევილა (რუბენი 62), კასორლა, ბრუნო, კანი, ვალერო (სენა 70), ნილმარი, როსი
მწვრთნელი: ხუან კარლოს გარიდო
ვალენსია (5-4-1): მოია, მიგელი (დეალბერტი 58), სტანკევიჩუსი, ნავარო (ბანეგა 40), რ. კოშტა, ბრუნო, ხოაკინი, მადურო, ტ. კოშტა, ერნანდესი, ადურისი (სოლდადო 75)
მწვრთნელი: უნაი ემერი
გოლები: 0:1 ადურისი (21), 1:1 როსი (73)
გაფრთხილება: ვალერო 49, კასორლა 86, სენა 89 – მადურო 14, ნავარო 33, ბანეგა 57, სტანკევიჩუსი 58, ბრუნო 64, ერნანდესი 81, სტანკევიჩუსი 81, ხოაკინი 83, ტ. კოშტა 86, დეალბერტი 89
გაძევება: სტანკევიჩუსი 81
მსაჯი: ესტრადა ფერნანდესი
დარტყმა 18 (6)-8 (2); ჯარიმა 9-28; კუთხური 1-4; თამაშგარე 2-2; ბურთის ფლობა 61%-39%; სეივი 1-5

ალმერია, “ხუეგოს მედიტერანეოს” 17000
ალმერია-ბარსელონა 0:8 (0:5)
ალმერია (4-3-3): დიეგო ალვეში, მიჩელი, აკასიეტე, გარსია, ხუანმა ორტისი, მ’ბამი, ბერნარდელო, ვარგასი, კორონა, გოიტომი, პიატი
მწვრთნელი: ხუანმა ლილო
ბარსელონა (4-3-3): ვალდესი, ალვეში, პუიოლი, ფონტასი, მაქსველი, მასკერანო, ხავი (ტიაგო 46), ინიესტა (კეიტა 46), პედრო (ბოიანი 56), მესი, ვილია
მწვრთნელი: ხოსეპ გვარდიოლა
გოლები: 0:1 მესი (17), 0:2 ინიესტა (19), 0:3 აკასიეტე (27, ს.კ.), 0:4 პედრო (35), 0:5 მესი (37), 0:6 ბოიანი (62), 0:7 მესი (67), 0:8 ბოიანი (73)
გაფრთხილება: ვარგასი 31, ბერნარდელო 61 – ტიაგო 56
მსაჯი: სეზარ მუნისი
დარტყმა 9 (2)-18 (13); ჯარიმა 10-7; კუთხური 6-5; თამაშგარე 3-1; ბურთის ფლობა 25%-75%; სეივი 6-2

მადრიდი, “სანტიაგო ბერნაბეუ” 75000
რეალი-ბილბაო 5:1 (2:1)
რეალი (4-2-3-1): კასილიასი, რამოსი, პეპე, კარვალიო, მარსელო, ხედირა (ლ. დიარა 67), ალონსო, დი მარია, იოზილი (გრანერო 78), რონალდუ, იგუაინი (ბენზემა 76)
მწვრთნელი: ჟოზე მოურინიო
ბილბაო (4-2-3-1): ირაისოსი, ირაოლა, უსტარიცი (ორტენეჩე 46), სან ხოსე, ამორებიეტა, ორბაისი, მარტინესი, სუსაეტა, მუნიაინი (პერესი 60), გაბილონდო (ლოპესი 74), ლორენტე
მწვრთნელი: ხოაკინ კაპაროსი
გოლები: 1:0 იგუაინი (19), 2:0 რონალდუ (30), 2:1 ლორენტე (40), 3:1 რამოსი (57, პენ), 4:1 რონალდუ (62), 5:1 რონალდუ (90, პენ)
გაფრთხილება: ალონსო 13, კარვალიო 53 – სან ხოსე 50, ამორებიეტა 61
მსაჯი: უნდიანო მალიენკო

ბომბარდირები
რონალდუ (“რეალი”) – 14, მესი (“ბარსელონა”) – 13, ლორენტე (“ბილბაო”) – 9, როსი (“ვილიარეალი”) – 8, ნილმარი (“ვილიარეალი”), იგუაინი (“რეალი”) – 7, ვილია (“ბარსელონა”), ფორლანი (“ატლეტიკო”), ტრეზეგე (“ერკულესი”) – 6.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:












მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
აგვისტო 2020 (91)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (205)
მარტი 2020 (645)
სიტი-რეალი