ნოვაკისთვის მთავარი დევისის თასია

სიახლეები / ჩოგბურთი 22-ნოე, 22:589 beqa_beqa 1765


ლონდონის წლის შემაჯამებელ ტურნირში მონაწილეობის მიუხედავად, სერბი ნოვაკ ჯოკოვიჩი სეზონის ბოლოს მთავარ პრიორიტეტად დევისის თასის მოგებას ასახელებს. ორი კვირის შემდეგ, მსოფლიოს მესამე ჩოგანს მსოფლიოს არაოფიციალური გუნდური პირველობის ფინალში საფრანგეთის ნაკრების წინააღმდეგ მოუწევს შეხვედრა.

"ჩემი მთავარი მიზანი - დევისის თასის მოპოვებაა. წლის შემაჯამებელი ტურნირის მოგების შესაძლებლობა სხვა დროსაც მექნება, მაგრამ დევისის თასზე გამარჯვება, თანაც საკუთარ კედლებში, შესაძლოა, ვეღარასოდეს შევძლო. იქნებ ასეთი შანსი აღარასოდეს მომეცეს. ამიტომაც მაქსიმალურად მოტივირებული და კონცენტრირებული ვარ", - აღნიშნავს სერბების ლიდერი.

დღეისთვის ნოვაკი აღარ წუხს ტრავმებისა და ჯანმრთელობის გამო: "ორკვირიანი დაძაბული გრაფიკისთვის კარგად მოვემზადე. წლის ორი უმნიშვნელოვანესი სტარტის წინ ოპტიმალურ ფორმაში უნდა იყო, წინააღმდეგ შემთხვევაში წარმატებას ვერ მიაღწევ. დევისის თასი ჩემი პრიორიტეტია, მაგრამ ლონდონის ტურნირიც არ მავიწყდება. აქ უკვე მეოთხედ მოვხვდი და ჩემთვის დიდი პატივია მსოფლიოს საუკეთესო ჩოგბურთელების წინააღმდეგ თამაში".

სერბი ერთ ჯგუფში მოხვდა რაფაელ ნადალთან, ენდი როდიკთან და ტომაშ ბერდიხთან და დღეიდან ჩაებმება ტურნირში. მისი მეტოქე ბერდიხი იქნება.



ამასობაში, ფინალში სერბების მეტოქეს საფრანგეთის ნაკრებს ერთი ჩოგბურთელი გამოაკლდა. მაჯის ტრავმის გამო ვერ ითამაშებს ჟულიან ბენეტო, რომელმაც წლევანდელ გათამაშებაში ფრანგების წარმატებაში დიდი წვლილი შეიტანა. კერძოდ, წყვილთა თანრიგში ბენეტოსა და მიკაელ ლოდრას დუეტმა ოთხიდან ოთხი მატჩი მოიგო და სავარაუდოდ, ფინალშიც ამ წყვილს უნდა ეთამაშა სერბების წინააღმდეგ.

შეგახსენებთ, რომ საფრანგეთის ნაკრებს ასევე ტრავმის გამო აკლია ჟო-ვილფრიდ ცონგა. ფინალი 3-5 დეკემბერს ბელგრადში გაიმართება.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:

















მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ივლისი 2020 (14)
ივნისი 2020 (111)
მაისი 2020 (126)
აპრილი 2020 (214)
მარტი 2020 (653)
თებერვალი 2020 (504)