Image

"სანდერლენდმა" "ევერტონსაც" გაუძლო

სიახლეები / ფეხბურთი / უცხოური ფეხბურთი 23-ნოე, 12:149 FCB 1300


















მიმდინარე პრემიერლიგაში საკუთარ მოედანზე მხოლოდ სამ გუნდს არ წაუგია. მათ შორისაა “სანდერლენდიც” (დანარჩენი ორი “მანჩესტერ იუნაიტედი” და “ასტონ ვილაა”), რომელიც გუშინ “სტედიუმ ოფ ლაითზე” “ევერტონს” მასპინძლობდა. მაღალ ტემპში ჩავლილ შეხვედრაში ანგარიში უკვე მე-6 წუთზე გაიხსნა - მასპინძელთა გუნდის კიპერი “ევერტონის” საუკეთესო მეგოლის, ტიმ კეჰილის დარტყმას ვერ გაუმკლავდა. საკუთარი გულშემატკივრის მხარდაჭერით შეგულიანებულმა სტივ ბრიუსის გუნდმა ჩამორჩენის გაბათილება შესვენებამდე მოახერხა - წონასწორობა დენი უელბეკმა აღადგინა.
მე-2 ნახევარში “მერსისადელებს” საგრძნობი სათამაშო უპირატესობა ჰქონდათ. გოლის გატანა ისევ კეჰილს შეეძლო, მაგრამ “სანდერლენდის” მცველმა ბურთი ცარიელი კარიდან გამოიტანა. როგორც ამგვარ შემთხვევებში ხშირად ხდება ხოლმე, გოლი საპირისპირო კარში გავიდა - რიჩარდსონის ჩაწოდების შემდეგ უელბეკმა შესანიშნავი თავურით დუბლი გაიფორმა. სამართლიანობა მოითხოვს აღინიშნოს, რომ რიჩარდსონი ბურთის მიღებისას აშკარა თამაშგარე მდგომარეობაში იყო. საბოლოო ანგარიში კი მიკაელ არტეტამ დააფიქსირა, რომლის დარტყმის შემდეგ, ბურთი ანტონ ფერდინანდს ფეხში მოხვდა და “სანდერლენდის” კარის ბადეში გაეხვა. ზედ საფინალო სასტვენის წინ, “ევერტონისთვის” გამარჯვების მოტანა ბეკფორდს შეეძლო, მაგრამ გორდონთან პირისპირ გასულმა ბურთი კარს ზემოდან გადააცილა.
აღსანიშნავია, რომ “სანდერლენდი” “ევერტონის” დამარცხებას 2001 წლის შემდეგ ვერ ახერხებს. თუმცა, სტივ ბრიუსი მოპოვებული ერთი ქულითაც კმაყოფილი უნდა იყოს.

22 ნოემბერი
სანდერლენდი, “სტედიუმ ოფ ლაითი”, 37331
სანდერლენდი-ევერტონი 2:2 (1:1)
სანდერლენდი: გორდონი, ტერნერი, ანტონ ფერდინანდი, ბერდსლი, ონუოჰა, ჰენდერსონი (ალ მუჰამადი 85), კატერმოლი, რიჩარდსონი, ზენდენი (მალბრანკი 69), უელბეკი, დარენ ბენტი.
მწვრთნელი: სტივ ბრიუსი.
ევერტონი: ჰოვარდი, დისტინი, იაგიელკა, ბეინისი, ფილ ნევილი, ჰეიტინგა (ბეკფორდი 82), პიენაარი, კოულმენი (როდუელი 66), არტეტა, ტიმ კეჰილი, საა (იაკუბუ 82).
მწვრთნელი: დევიდ მოიესი.
გოლები: 0:1 კეჰილი (6), 1:1 უელბეკი (23), 2:1 უელბეკი (70), 2:2 არტეტა (83).
გაფრთხილება: ჰეიტინგა (18), როდუელი (74).
მსაჯი: პიტერ უოლტონი.
დარტყმა 14 (4)-13 (7); ჯარიმა 6-8; კუთხური 4-4; თამაშგარე 2-5; ბურთის ფლობა 46%-54%; სეივი 5-2.



ბომბარდირები
9 - ტევესი (“სიტი”); 8 - ელმანდერი (“ბოლტონი”), კეროლი (“ნიუკასლი”); 7 - მალუდა (“ჩელსი”), ნოლანი (“ნიუკასლი”), ტიმ კეჰილი (“ევერტონი”); 6 - დროგბა (“ჩელსი”), ბერბატოვი (“მანჩესტერი”), ვან დერ ვაარტი (“ტოტენჰემი”), კევინ დევისი (“ბოლტონი”), შამახი (“არსენალი”), დარენ ბენტი (“სანდერლენდი”); 5 - ნასრი (“არსენალი”), ტორესი (“ლივერპული”), ბეილი (“ტოტენჰემი”), ჰერვუდი (“ბლექპული”), ასამოა გიანი (“სანდერლენდი”), კალუ (“ჩელსი”).

27 ნოემბერი
ასტონ ვილა - არსენალი, ბოლტონი - ბლექპული, ევერტონი - ვესტ ბრომვიჩი, ფულემი - ბირმინგემი, მანჩესტერი - ბლექბერნი, სტოკი - სიტი, ვესტ ჰემი - უიგანი, ვულვზი - სანდერლენდი.
28 ნოემბერი
ნიუკასლი - ჩელსი, ტოტენჰემი - ლივერპული.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:




Loading...








მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
ივლისი 2019 (227)
ივნისი 2019 (305)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
რეკლამა