პოულსენი: “გასვლაზე უკეთესად თამაში მოგვეთხოვება”

სიახლეები / ფეხბურთი / უცხოური ფეხბურთი 23-ნოე, 15:139 FCB 1518


კრისტიან პოულსენის თქმით, თუ “ლივერპულს” ჩემპიონთა ლიგის საგზურის მოპოვება სურს, გასვლით მატჩებში თამაშის გაუმჯობესება მართებს. “დარწმუნებული ვარ, გასვლითი მატჩების შედეგების გაუმჯობესება შეგვიძლია და ეს უნდა დაიწყოს ამ ტურიდან, “ტოტენჰემთან” შეხვედრიდან. ეს ჩვენთვის დიდი გამოცდა იქნება. მარტო “ლივერპულს” არ უჭირს სტუმრად შეხვედრის მაღალ დონეზე ჩატარება. გუნდების უმრავლესობა უმეტესად სახლში აგროვებს ქულებს, თუმცა ჩვენ ჩვენი საქმე გვაქვს გასაკეთებელი და გასვლაზე უკეთესად თამაში მოგვეთხოვება. “ვესტ ჰემთან” მართლაც ძალიან კარგად ვითამაშეთ, თუმცა “ტოტენჰემი” განსხვავებული გუნდია. ვუყურეთ მათ თამაშს “არსენალის” წინააღმდეგ და დავრწმუნდით, რომ ისინი მართლაც მშვენიერ ფორმაში არიან. “ტოტენჰემთან” მატჩში 100 პროცენტით მზად უნდა ვიყოთ, თუ ლონდონიდან რამის წამოღება გვინდა. ჩემი აზრით, ჩვენ ჯერ კიდევ განვითარების ეტაპზე ვართ. ვიმედოვნებ, რომ მატჩიდან მატჩამდე ხარისხს გავაუმჯობესებთ. თუ ბოლომდე დავიხარჯებით და გულდასმით მოვისმენთ, თუ რა სურს მწვრთნელს, მაშინ თებერვლისთვის და მარტისთვის უკეთესი გუნდი ვიქნებით”, – განაცხადა დანიელმა ფეხბურთელმა.
“ვესტ ჰემთან” მატჩში ტრავმირებული სტივენ ჯერარდისა და დისკვალიფიცირებული ლუკას ლეივას ჩანაცვლება სწორედ კრისტიან პოულსენით მოხდა. ამ ფაქტის შესახებ სკანდინავიელმა შემდეგი განაცხადა: “კარგია, რომ თამაშის შანსი მომეცა. მშვენიერია ძირითად შემადგენლობაში ყოფნა, თან მაშინ როცა გუნდი იგებს. ეს მეტად მნიშვნელოვანი გამარჯვება იყო. მე მივიღე შანსი და იმ დღეს ბედნიერი ვიყავი, თუმცა მოპოვებული სამი ქულა ყველაზე მნიშვნელოვანია”.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:

















მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ივლისი 2020 (7)
ივნისი 2020 (111)
მაისი 2020 (126)
აპრილი 2020 (214)
მარტი 2020 (653)
თებერვალი 2020 (504)