<<>>

აიაქსმა ფეხბურთელი-კანიბალი დასაჯა

სიახლეები / ფეხბურთი / უცხოური ფეხბურთი 23-ნოე, 15:579 beqa_beqa 1704


ამსტერდამის "აიაქსის" ხელმძღვანელობამ საკუთარი თავდამსხმელი ლუის სუარესი ორმატჩიანი დისკვალიფიკაციით დასაჯა. ურუგვაელმა პსვ-სთან მატჩის დროს მეტოქე ფეხბურთელს უკბინა.

ურუგვაელ ფეხბურთელს ფულადი ჯარიმის გადახდაც დააკისრეს, რომელსაც კლუბი ქველმოქმედებაში დახარჯავს. კლუბის ინფორმაციით, საუბარი მსხვილ თანხაზეა.

აღსანიშნავია, რომ სუარესის დისკვალიფიკაცია მხოლოდ ჰოლანდიის ჩემპიონატზე გავრცელდება. ასე რომ, ურუგვაელი ჩემპიონთა ლიგის დღევანდელ მატჩში "რეალთან" საკუთარი გუნდის დახმარებას შეძლებს.

საქციელი, რომელიც დისკვალიფიკაციად დაუჯდა, სუარესმა 2010 წლის 20 ნოემბერს ჩაიდინა. "აიაქსის" ფეხბურთელის რასმუს ლინდგრენის მოედნიდან გაძევების შემდეგ ფორვარდი პსვ-ს მოთამაშეს ოტმან ბაკალს შეეკამათა. კონფლიქტის დროს ურუგვაელმა თავის ოპონენტს ლავიწზე უკბინა. ამ მოქმედების მიუხედავად, სუარესი მინდორზე დარჩა, რადგან მსაჯმა მისი საქციელი ვერ შენიშნა.

სუარესთან დაკავშირებით გამოძიება ჰოლანდიის ფეხბურთის ფედერაციის დისციპლინარულმა კომიტეტმაც დაიწყო. არაა გამორიცხული, რომ ურუგვაელი კიდევ უფრო მკაცრად დასაჯონ. ამასთან, ჰოლანდიელმა ჟურნალისტებმა სუარესს არც მეტი,არც ნაკლები, კანიბალი შეარქვეს.

აღსანიშნავია, რომ სუარესი ცნობილია რამდენიმე არაორდინარული გამოხტომით. მაგალითად, ურუგვაელსამხრეთ აფრიკაში გამართული მსოფლიო ჩემპიონატის მეოთხედფინალურ მატჩში, განასთანაც გამოირჩა. დამატებითი დროის ბოლო წუთზე სუარესმა კარისკენ მფრინავი ბურთი ხელით მოიგერია და გაძევების ფასად თავისი გუნდი ნახევარფინალში გაიყვანა(განელმა ფეხბურთელმა დანიშნული პენალტის რეალიზება ვერ შეძლო, მატჩისსემდგომი თერთმეტრიანების სერიაში კი ურუგვაელები უფრო ძლიერები გამოდგნენ).


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
აგვისტო 2020 (50)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (209)
მარტი 2020 (653)
სიტი-რეალი