თორნიკე ნინიაშვილი: “თსსუ-ს პროგრამა-მინიმუმი ნახევარფინალში თამაშია”

სიახლეები / კალათბურთი / ქართული კალათბურთი 24-ნოე, 16:349 FCB 2018


მართალია, მე-4 ტურის ცენტრალურ შეხვედრაში “არმია” და “სოხუმი” მონაწილეობდნენ, მაგრამ ყველაზე დაძაბული და საინტერესო სანახავი “ენერჯი ინვესტი”-თსსუ-ს მატჩი გამოდგა, სადაც საქართველოს ვაჟ კალათბურთელთა ეროვნული ჩემპიონატების დებიუტანტმა თსსუ-მ (თბილისის სახელმწიფო სამედიცინო უნივერსიტეტი), ქვეყნის მოქმედ ჩემპიონს მოუგო. აღსანიშნავია, რომ ეს პირველი გამარჯვება იყო, რომელიც მედიკოსებმა ეროვნულ ჩემპიონატში მოიპოვეს.
ქვემოქართლელებმა შეხვედრა კარგად დაიწყეს და პირველი ტაიმი 8 ქულის სხვაობით - 37:29 მოიგეს. მე-2 ტაიმში სიტუაცია შეიცვალა. მდევრის როლში მყოფმა სტუმრებმა თამაში გამოასწორეს, ანგარიში ჯერ გაათანაბრეს, შემდეგ წინ გასვლაც მოახერხეს და როგორც უკვე აღვნიშნეთ, პირველად გაიმარჯვეს.
თსსუ-ს კალათბურთელთა შორის საუკეთესო იყო ცენტრალური თავდამსხმელი, 28 წლის თორნიკე ნინიაშვილი, რომელმაც ყველაზე მეტი - 22 ქულა დააგროვა და თანაგუნდელთა გამარჯვებაში ლომის წილი შეიტანა.
ასევე დაძაბული გამოდგა ქვეყნის თასისა და სუპერთასის მფლობელ სსაუ-სა და “ბათუმის” შეხვედრა, რომელიც ზემოთ ნახსენები მატჩის მსგავსად, სტუმართა გამარჯვებით დასრულდა. აღსანიშნავია, რომ თსსუ-ს მსგავსად, ეს მოგება ზღვისპირელთათვისაც პირველი იყო მომდევნო ჩემპიონატში. ბათუმელთა შორის საუკეთესო იყო ლაშა კეშელავა, რომელმაც 28 ქულითა და 11 მოხსნით ორმაგი დუბლი შეასრულა.


- ელოდით, მე-4 ტურის საუკეთესო კალათბურთელად აღიარებას?
- როგორ ფორმაშიც არ უნდა იყოს “ენერჯი ინვესტი”, რუსთავში მოგება მაინც ძნელი და საპატიოა. აღნიშნულიდან გამომდინარე, დარწმუნებული არ ვიყავი, მაგრამ არც თქვენი გადაწყვეტილება გამკვირვებია.
- რუსთავში მოგება რამდენად მოულოდნელი იყო?
- როგორც უკვე აღვნიშნეთ, რუსთავში მოგება ყოველთვის ძნელია და იგივე ითქმის ამ შეხვედრაზეც. ანგარიშის მიუხედავად, 39-ე წუთამდე გაურკვეველი იყო, თუ ვის დარჩებოდა გამარჯვება. ცოტა იღბალმაც გაგვიღიმა, თორემ არავინ იცის, გამარჯვება ვის დარჩებოდა.
- თსსუ-ს მიერ, მე-4 ტურამდე შეხვედრების წაგებაც იღბალმა განაპირობა?
- თსსუ მე-20 ეროვნული ჩემპიონატის დაწყებამდე ერთი კვირით ადრე შეიქმნა. დროის ამ მცირე მონაკვეთში ვერ მოვასწარით შეთამაშება და მოგებასაც ამიტომ ვერ ვახერხებდით. თსსუ კარგი კალათბურთებითაა დაკომპლექტებული და საქართველოს ეროვნული ჩემპიონატის ნებისმიერი გუნდისთვის ანაგრიშგასაწევი ძალა იქნება.
- რა გეგმებს ისახავს თქვენი გუნდი მიმდინარე ჩემპიონატში?
- თსსუ-ს პროგრამა-მინიმუმი ნახევარფინალში თამაშია.
- ნახევარფინალის საგზურისთვის ბრძოლაში რომელ გუნდებს თვლით კონკურენტებად?
- ჩემპიონატი ახალი დაწყებულია და უშუალო კონკურენტების დასახელებისგან თავს შევიკავებ.
- თქვენ, საქართველოს ეროვნული ჩემპიონატების ერთ-ერთი სტაჟიანი მონაწილე ბრძანდებით. წინამორბედ და ახლანდელ ჩემპიონატებს შორის რა სხვაობას ხედავთ?
- 12 წელია საქართველოს ეროვნულ ჩემპიონატში ვმონაწილეობ. აქ მოგებული მაქვს ყველაფერი, რისი მოგებაც შეიძლებოდა. ეროვნულ ჩემპიონატს დაუბრუნდა რამდენიმე ქართველი კალათბურთელი, რომლებიც უცხოეთში თამაშობდნენ, ასევე იმატა ლეგიონერთა რაოდენობამაც. ყოველივე ზემოთქმულიდან გამომდინარე, ჩემი აზრით, ბოლო წლებში ასეთი ძლიერი ჩემპიონატი არ გვქონია.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ნოემბერი 2020 (247)
ოქტომბერი 2020 (195)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
სიტი-რეალი