Image

"მარკამ" წლის გუნდი დაასახელა

სიახლეები / ფეხბურთი / უცხოური ფეხბურთი 31-დეკ, 10:359 Sportnews 1805


















ესპანეთის ყველაზე მაღალტირაჟიანი გაზეთი "მარკა" წლის სიმბოლურ ნაკრებს გვთავაზობს, რომელიც ამ გამოცემამ გულშემატკივართა გამოკითხვის შედეგად მიიღო. გამოკითხვა რამდენიმე კვირა გრძელდებოდა და მასში ჯამში 125 ათასმა ადამიანმა მიიღო მონაწილეობა.

მსოფლიოს წლის სიმბოლურ ნაკრებში ყველაზე მეტი წარმომადგენელი "ბარსელონას" ჰყავს - 6. რჩეულთა შორის სამი ფეხბურთელი მადრიდის "რეალიდანაა", მხოლოდ თითო წარმომადგენელი ჰყავთ სხვებს - მილანის "ინტერსა" და ლონდონის "ტოტენჰემს". სიმბოლურში 7 ესპანელია, თითო ბრაზილიელი, პორტუგალიელი, უელსელი და არგენტინელი. ესპანურმა ლიგამ ყველას აჯობა - 11-დან 9 ფეხბურთელი პრიმერადივიზიონიდანაა. ბუნებრივია, ეს იმით არის გამოწვეული, რომ "მარკას" ვებსაიტს ძირითადად ესპანურენოვანი მოსახლეობა სტუმრობს, თუმცა ერთიცაა - ესპანეთის ნაკრებმა მსოფლიოს ჩემპიონის ტიტული მოიპოვა.

მაშ ასე, მსოფლიოს სიმბოლურ ნაკრების კარში იკერ კასილიასია (რეალი). დაცვაში მარჯვნივ მაიკონია (ინტერი), მარცხნივ - გარეთ ბეილი (ტოტენჰემი), ცენტრში კი "ბარსელონას" დუეტია: კარლეს პუიოლი და ჟერარდ პიკე. ნახევარდაცვის შუაში არიან: ჩაბი ალონსო (რეალი) და ჩავი ერნანდესი (ბარსელონა), "ფლანგებზე" კრიშტიანო რონალდო (რეალი) და ანდრეს ინიესტა (ბარსელონა). თავდასხმის ხაზი მთლიანად კატალონიურია, თუმცა დავიდ ვილია წლის პირველი ნახევარი "ვალენსიაში" თამაშობდა, "ბარსელონაში" კარიერა კი მუნდიალის შემდეგ გააგრძელა. მისი პარტნიორი სიმბოლურ ნაკრებში ლეო მესია.

ჩავიმ 90 ათასი ხმით აჯობა მეორე ადგილზე გასულ მესუთ იოზილს (რეალი), ანდრეს ინიესტამ არიენ რობენს (ბაიერნი) 80 ათასი ხმით მოუგო, იკერ კასილიასმა კი ვიქტორ ვალდესს (ბარსელონა) 75 ათასი ხმით აჯობა. ეს ის პოზიციები ჩამოგითვალეთ, სადაც გამარჯვებულებმა დიდი უპირატესობით აჯობეს მეორე ადგილზე გასულებს. სხვაგან უფრო მძაფრი "ბრძოლა" იყო. მაგალითად, ჩაბი ალონსომ სერხიო ბუსკეტს (ბარსელონა) სულ რაღაც 2 ათასი ხმით აჯობა. მაიკონმა კი დანი ალვეშს (ბარსელონა) 4 ათასი ხმით მოუგო. ბუსკეტსა და ალვეშსაც რომ მოეგოთ, "ბარსელონა" სიმბოლურში აბსოლუტური უპირატესობით, 8 ფეხბურთელით წარსდგებოდა, პრიმერადივიზიონი კი 10 წარმომადგენელით.

გთავაზობთ გამოკითხვის შედეგებს თითოეულ პოზიციაზე. მეკარე: იკერ კასილიასი (103 000), ვიქტორ ვალდესი (21 900), ჟულიო სეზარი (9 900); მარჯვენა მცველი: მაიკონი (66 900), დანი ალვეში (62 500), ფილიპ ლამი (5 400); ცენტრალური მცველი: ჟერარდ პიკე (113 400), კარლეს პუიოლი (97 200), ლუსიო (28 900), ნემანია ვიდიჩი (19 200), ბრუნო ალვეში (6 700), ბრანისლავ ივანოვიჩი (4 100); მარცხენა მცველი: ბეილი (68 500), მარსელო (45 600), ფაბიო კოენტრაო (20 600); საყრდენი: ჩაბი ალონსო (58 800), სერხიო ბუსკეტსი (55 800); ბასტიან შვაინშტაიგერი (20 100); შემტევი ნახევარმცველი: ჩავი (113 000), მესუთ იოზილი (17 500), სესკ ფაბრეგასი (4 200); მარჯვენა ნახევარმცველი: კრიშტიანო რონალდო (87 900), ვესლი სნეიდერი (34 400), თომას მიულერი (12 400); მარცხენა ნახევარმცველი: ანდრეს ინიესტა (110 500), არიენ რობენი (23 000), ასამოა გიანი (1 200); თავდამსხმელები: ლეო მესი (115 300), დავიდ ვილია (54 900), დიეგო ფორლანი (34 600), დიეგო მილიტო (34 500), დიდიე დროგბა (22 400), ლუის სუარესი (7 600). როგორც ხედავთ, ყველაზე მეტი ხმა ლეო მესიმ მიიღო - 115 381.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:




Loading...








მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
I MU I 27 ოქტომბერი 2011 20:22
ვილიას მაგივრად რუნი უნდა იყოს და პუიოლის მაგივრად თუნდაც უჩა ლობჟანიძე !! :D მაიკონს სერხიო რამოსი ჯობს. ბაილს კიდე მარსელო . ვიდიჩი ნამდვილად აკლია ამ ნაკრებს . უბრალოდ ესპანურია მარკა და ძირიტადად როგორც ხედავთ პრიმერაშI ვინც თამაშობს ისინი არიან . მეროცე ერთი უბრალოდ . ამ ნაკრებიდან 7-მა მსოფლიო ჩემპიონატი მოიგო და ამიტომაც არიან აქ !!!!!
M_X_E_C_I 22 აპრილი 2011 16:19
მაიკონის ნაცვლად ალვეშს ჩავსვავდი მე
FC Bayern München 6 იანვარი 2011 11:47
რაულიტო,
კაი რა გოგა..ფორლანის ნათამაშები ფეხბურთი მე პირადად არ მახსოვს :D
FC Bayern München 6 იანვარი 2011 11:45
Livera,
ვინ ლენონს გაფიცებ?
FC Bayern München 6 იანვარი 2011 11:45
მე თუ მკითხავთ კრისტიანო რონალდოს მაგივრად რობენი უნდა იყოს..მაგ პიჟონს ამ სეზონში არაფერი გაუკეთებია აფერისტობის და უზრდელობის გარდა...ვერც ერთ გადამცყვეტ თამაშში ფეხი ვერ გაანძრია wink ან ხაბი ალონსო რატომაა სიმბოლურში?მაგას სნეიდერი 100ჯერ ჯობია
Livera 2 იანვარი 2011 01:47
ხაბი ს მაგივრად ჯერარდი მაიკონის ნაცვლად რამოსი ინიესტას ნაცვლად რობბენს დავაყენებდი და ვილლიას ნაცვლად ლენონს
RMA_real madrid 31 დეკემბერი 2010 20:13
პუიოლის ნაცვლად ვიდიჩი და მაიკონის ნაცვლად რამოსი და ვილლას მაგივრად რუნი ან იგუაინი
Sportnews 31 დეკემბერი 2010 18:58
bayern_munchen,

კაი რა მასეც არაა შეიძლება არა მაგის ადგილი აქ მარა მთლათ მასე მოხსენებაც არ შეიძლება, მსოფლიო ჩემპიონატის საუკეთესო ფეხბურთელი გახდა
--------------------
გუნდი:რეალი;შალკე ; ლეიკერსი
მოთამაშე: რაული , რონალდუ , ბრაიანტი
Eke 31 დეკემბერი 2010 17:21
პუიოლის მაგივრად ალექს პეპეს ჩავსვავდი მე და ვილას მაგივრად ფორლანს
FC Bayern München 31 დეკემბერი 2010 15:48
კაი რა ფორლანი..რა უნდა ფორლანს სიმბოლურ ნაკრებში?
შემოგვიერთდით
რეკლამა
არქივი
ივლისი 2019 (210)
ივნისი 2019 (305)
მაისი 2019 (387)
აპრილი 2019 (414)
მარტი 2019 (446)
თებერვალი 2019 (548)
რეკლამა