“ნიამორმა” და “უნივერსმა” მობილიარდე ჟურნალისტთა ტურნირი დაიწყეს

სიახლეები / სხვა სახეობები 31-იან, 16:369 FCB 1612


29 იანვარს, საბილიარდო “უნივერსში” საქართველოში მომუშავე ჟურნალისტები შეიკრიბნენ და ფესტივალ “ნიამორის” მიერ ორგანიზებულ ტურნირში ჩაერთნენ. ტელეკომპანიების, პრესისა და რადიოს თანამშრომლებს შორის მედიის თასის გათამაშების პირველი ეტაპი, გუნდურ და ინდივიდუალურ ჩათვლებში გაიმართა. ახალი იდეის ორგანიზატორთა გადაწყვეტილებით, 2011 წლის ბოლომდე კიდევ 11 ანალოგიური ტურნირი გაიმართება და დეკემბერში, თორმეტივე ეტაპის საერთო შედეგებით, წლის საუკეთესო მობილიარდე ჟურნალისტები და გამოცემები დასახელდებიან.

პირველი ეტაპის წილისყრა საქართველოს ბილიარდის ფედერაციის პრეზიდენტმა დავით ალექსიძემ ჩაატარა. ფედერაცია “ნიამორის” ტურნირის ოფიციალური მხარდამჭერია და როგორც შევიტყვეთ, მომავალ ეტაპებშიც მიიღებს მონაწილეობას. 9 4-კაციანი გუნდი სატურნირო ბადეში გადანაწილდა და ერთმანეთს ოლიმპიური სისტემით დაუპირისპირდა. საინტერესოა, რომ მსაჯებად პროფესიონალი მთამსვლელები და მეკლდეურები მოგვევლინენ.

შეჯიბრში “მსოფლიო სპორტის” გუნდმაც მოსინჯა ძალა, მაგრამ მეოთხედფინალში, მომავალ ჩემპიონთან, “რუსთავი 2”-ის ოთხეულთან დაძაბულ ბრძოლაში, 1:3 დამარცხდა და ბრძოლას გამოეთიშა. ფინალში “რუსთავი 2”-მა ტელეკომპანია “მაესტრო” ასევე 3:1 დაამარცხა. ინდივიდუალურ პირველობაში ყველა გუნდის თითო წევრი ჩაერთო, ოღონდ გათამაშების ფორმატი შეიცვალა – 10 მონაწილე ორ ქვეჯგუფში გადანაწილდა და ფინალის საგზური პირველადგილოსნებმა მოიპოვეს. ჩემპიონი ტელეკომპანია “I თV”-ის წევრი დავით გოჩიაშვილი გახდა, მე-2 ადგილზე კი “რუსთავი2”-ის წარმომადგენელი გიორგი ლაზაშვილი გავიდა.

გუნდური და ინდივიდუალური პირველობის ფინალისტებს ტურნირის სპონსორ “მეგამარკეტის” მიერ დაწესებული ალკოჰოლური სასმელები გადაეცათ. საბილიარდო “უნივერსმა” კი წარმატებული მოთამაშეები უფასო სათამაშო დროით დაასაჩუქრა. მე-2 ეტაპის შეხვედრები თებერვალში ჩატარდება.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
სექტემბერი 2020 (104)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი