ვლადიმერ ბოისამ ხანგრძლივი ტრავმის შემდეგ პირველად ითამაშა

სიახლეები / კალათბურთი / ქართული კალათბურთი / უცხოური კალათბურთი 01-თებ, 21:449 Eke 1980


ქართულ საკალათბურთო ლეგიონს წარმატებული შაბათ-კვირა ჰქონდა. სხვადასხვა ქვეყნის ჩემპიონატებში ეროვნული ნაკრების მოთამაშეებმა ქულებიც აგროვეს და გამარჯვებებიც მოიპოვეს. ყველაზე მნიშვნელოვანი ამბავი კი სლოვენიაში მოხდა, სადაც ხანგრძლივი ტრავმის შემდეგ საქართველოს ნაკრების ერთ-ერთმა ლიდერმა ვლადიმერ ბოისამ პირველად ითამაშა.

სლოვენია
ლიუბლიანის "ოლიმპიამ" ადრიატიკის ლიგაზე სერბულ "ჰემოფარმს" უმასპინძლა და 104:62 დაამარცხა. ბოისამ მოედანზე 10 წუთი დაჰყო და მიმდინარე სეზონში ჩატარებული თავისი პირველი შეხვედრა 2 ქულით, 3 მოხსნითა და თითო პასი-დაფარებით დაასრულა.

კვლავ გამოირჩა გიორგი შერმადინი, ვინც მატჩი მასპინძელთა სასტარტო ხუთეულში დაიწყო, მოედანზე 15.45 წუთი გაატარა და 11 ქულას, 6 მოხსნა და თითო ჩაჭრა-დაფარება დაუმატა. 19 ტურის შემდეგ, "ოლიმპიას" 12 მოგება გააჩნია და სატურნირო ცხრილს ბელგრადის "პარტიზანთანა" და სლოვენიურ "კრკა"-სთან ერთად ლიდერობს.

ბელგია
ბელგიის ჩემპიონატში თავი გამოიჩინა ნაკრების კიდევ ერთმა კალათბურთელმა - თორნიკე შენგელიამ. ქართველის "პეპინსტერმა" "გენტს" უმასპინძლა და "83:56 მოუგო. შენგელიამ კი მისთვის დათმობილ 16 წუთში 11 ქულა დააგროვა, რასაც 4 მოხსნა და 2-2 ჩაჭრა-დაფარება დაურთო. "პეპინსტერისთვის" ეს მიმდინარე ჩემპიონატში მოპოვებული მე-4 გამარჯვება (14 მატჩში) იყო და ცხრილში კვლავ ბოლოსწინა, მე-8 ადგილზე რჩება.

ესპანეთი
ესპანეთის ჩემპიონატის მე-19 ტურში ორმატჩიანი უქმობის შემდეგ, მოედანს დაუბრუნდა ნიკოლოზ ცქიტიშვილი, რომელიც სან სებასტიანელთა რიგებში ერთ-ერთი საუკეთესო გახლდათ. "სკიტამ" სევილიურ "კახასოლთან" გასვლით შეხვედრაში, რომელიც მისმა გუნდმა 61:73 წააგო, 19:34 წუთს ითამაშა და 12 ქულა და 2 მოხსნა მოაგროვა. ბასკურ კლუბს კი 7 მოგებით მე-14 ადგილი უკავია.

იტალია
იტალიის სერია A-ში ძალიან კარგად ითამაშა ვიქტორ სანიკიძემ, რომლის "კანადიან სოლარმაც" "ენელ ბრინდისი" მიიღო და 93:72 დაამარცხა. ვიქტორმა მოედანზე 20 წუთი გაატარა და 14 ქულას 12 მოხსნა და 2 ჩაჭრა წაამატა. ბოლონიელებმა 9 მოგებით მე-4 პოზიციას უწიეს. სანიკიძის გუნდის წინ "ბენეტ კანტუ" იმყოფება, რომლის რიგებშიც ტრავმის შემდეგ, მანუჩარ მარკოიშვილი დაბრუნდა და "ვანოლი ბრაგასთან" მოგებულ (71:68) თამაშში 17 წუთში 5 ქულა, 1 მოხსნა და 1 პასი მოაგროვა.

ესტონეთი
ესტონეთის ჩემპიონატში მოულოდნელად წააგო გიორგი ცინცაძის "როკმა", რომელიც "ტტუ/კალევთან" გასვლით შეხვედრაში 58:74 დამარცხდა. საქართველოს ნაკრების გამთამაშებელმა 26:45 წუთს ითამაშა და 10 ქულა, 3 მოხსნა და 2 ჩაჭრა მიითვალა. "როკს" 22 ტურში 20 გამარჯვება დარჩა და ჩემპიონატს დამაჯერებლად ლიდერობს.






მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:











მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
FC Bayern München 2 თებერვალი 2011 16:26
იმედია აგვისტომდე ფორმაში ჩადგება 22
Eke 1 თებერვალი 2011 21:58
კარგია ვლადიმერის სახით ნაკრებს სერიოზული ძალა დაემატება love



შემოგვიერთდით
რეკლამა
არქივი
ივნისი 2020 (16)
მაისი 2020 (126)
აპრილი 2020 (214)
მარტი 2020 (653)
თებერვალი 2020 (504)
იანვარი 2020 (517)