გიორგი შერმადინი ”მაკაბისთან” 15 ქულით გამოირჩა

სიახლეები / კალათბურთი / ქართული კალათბურთი / უცხოური კალათბურთი 04-თებ, 20:009 Sportnews 1849


საქართველოს საკალათბურთო ნაკრების ცენტრი გიორგი შერმადინი ლიუბლიანის "ოლიმპიას" ერთ-ერთ ლიდერად ჩამოყალიბდა. ქართველი კალათბურთელი სლოვენიური გუნდის რიგებში საუკეთესო გახლდათ ევროლიგის ტოპ-16-ის მე-3 ტურის მატჩშიც, რომელშიც "ოლიმპიამ" სტუმრად თელ-ავივში "მაკაბისთან" 67:104 წააგო.

შერმადინი თამაშში სათადარიგოთა სკამიდან ჩაერთო, თუმცა მას მწვრთნელებმა საკმაოდ დიდი დრო დაუთმეს - ქართველმა ცენტრმა 24:31 წუთი ითამაშა და 15 ქულა, 5 მოხსნა, 2 პასი და 2 დაფარება დააგროვა. გარდა ამისა, შერმადინის წინააღმდეგ 8-ჯერ დაჯარიმდნენ. "ოლიმპიამ" კი მეტოქეს სათანადო წინააღმდეგობა მხოლოდ მე-3 მეოთხედში გაუწია, რომელშიც 23:22 იმარჯვა, დანარჩენი დრო კი მასპინძელი გუნდის უპირატესობით გაილია.

საინტერესოა, რომ შერმადინის სარგებლიანობის კოეფიციენტმა 22-ს უწია, რითაც მან თანაგუნდელებს საგრძნობლად აჯობა და მხოლოდ "მაკაბის" ორ კალათბურთელს - ლიორ ელიაჰუსა (30) და ჯერემი პარგოს (25) ჩამორჩა. რაც შეეხება ვლადიმერ ბოისას - ქართველი ფორვარდი დიდი ხნის განმავლობაში ტრავმირებული იყო, ამიტომ მწვრთნელები ჯერ სათანადოდ ვერ ტვირთავენ. ვოვამ 01:37 წუთს ითამაშა და მასპინძელთა ფარისთვის არ შეუტევია.

სამი ტურის შემდეგ ტოპ-16-ის F ჯგუფს 3 მოგებით კატალონიური "ბარსელონა" ლიდერობს, "მაკაბის" 2 მოგება აქვს, "ოლიმპიას" - 1, ხოლო რომის "ლოტომატიკას" ჯერაც არ მოუგია. ლიუბლიანელები მორიგ შეხვედრას 17 თებერვალს საკუთარ მოედანზე "მაკაბის" წინააღმდეგ ჩაატარებენ.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
სექტემბერი 2020 (129)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი