IRB-ს 20-წლამდელთა მსოფლიო თასის 2011 წლის გათამაშება - ქვეჯგუფები, თამაშების განრიგი, მსაჯები

სიახლეები / სხვა სახეობები / რაგბი 13-თებ, 18:189 Sportnews 2343


სულ რაღაც 100-ოდე დღეში საქართველოში გაიმართება IRB-ს 20-წლამდელთა მსოფლიო თასის მორიგ გათამაშება. დღეს თბილისში გაიმართა ამ მნიშვნელოვანი ახალგაზრდული ტურნირისადმი მიძღვნილი პრეს-კონფერენცია, რომლის ფარგლებშიც რაგბის საერთაშორისო საბჭომ გამოაცხადა ქვეჯგუფების შემადგენლობა და თამაშები განრიგი და დაასახელა ტურნირის მომსახურე მსაჯთა ვინაობა.



20-წლამდელთა მსოფლიო თასის მორიგი გათამაშება IRB-ს პირველი ტურნირია, რომელსაც საქართველო უმასპინძლებს. თამაშები გაიმართება შევარდენის და ავჭალის სტადიონებზე; გათამაშების პირველ დღეს, 24 მაისს, მასპინძელი ნაკრები დაუპირისპირდება კანადას, რუსეთი - ურუგვაის, სამოა - აშშ-ს და იაპონია - ზიმბაბვეს (თამაშების სრული განრიგი იხილეთ პრეს-რელიზის დანართში).



კვირას, 5 ივნისს, ფინალში გაირკვევა IRB-ს 20-წლამდელთა მსოფლიო თასის გამარჯვებული, რომელიც შარშანდელი თასის მფლობელის - იტალიის კვალად, მოიპოვებს 2012 წლის 20-წლამდელთა მსოფლიო ჩემპიონატის საგზურს.



საქართველო ამ ტურნირს უდიდეს მნიშვნელობას ანიჭებს ახალგაზრდა მოთამაშეთა აღზრდის საქმეში. დღეისათვის, IRB-ს 20-წლამდელთა მსოფლიო თასის გათამაშებების 50 ყოფილი მონაწილე ასპარეზობს მსოფლიოს სხვადასხვა ქვეყნის ეროვნულ ნაკრებში. ასეთი მორაგბეები ქართველებშიც არიან: დავით ჩიჩუა, ლაშა ხმალაძე, ვიქტორ კოლელიშვილი, გიორგი როხვაძე, ბექა წიკლაური და ვასილ კაკოვინი - ამ ბიჭებს, რომლებსაც მონაწილეობა აქვთ მიღებული 2008 წლის 20-წლამდელთა მსოფლიო თასში, დიდი შანსი აქვთ სანაკრებო რაგბიში ადგილი დაიმკვიდრონ.



IRB-ს 20-წლამდელთა მსოფლიო ტურნირები მსაჯთა განვითარების საქმეშიც დიდ როლს თამაშობს.


IRB-ს კონსულტანტი მსაჯთა სწავლების დარგში ბერნდ გაბეი:

„IRB-ს 20-წლამდელთა მსოფლიო თასმა პროფესიული ზრდის ახალი პერსპექტივები გაუხსნა რამდენიმე ნიჭიერ და პერსპექტიულ ახალგაზრდა მსაჯს, მათ შორის - ფრანსისკო პასტრანას.

2011 წლის 20-წლამდელთა მსოფლიო თასის გათამაშებაში მონაწილე მსაჯთა კორპუსი არაერთგვაროვანია - აქ არის უდიდესი გამოცდილების მქონე ტაიძო ჰირაბაიაში იაპონიიდან, რომელსაც უმსაჯია 20-წლამდელთა მსოფლიო ჩემპიონატზე და სისტემატურად ემსახურება HSBC-ს შვიდკაცა რაგბის მსოფლიო სერიას; ტურნირში მონაწილეობას მიიღებენ ახალგაზრდა ქართველი ასისტენტი მსაჯები გია ამირხანაშვილი და უჩა ნარიმანიძე.

მეტად მნიშვნელოვანია, მოვიზიდოთ ახალგაზრდა მსაჯები, რომლებსაც შესწევთ უნარი გამოიყენონ IRB-ს მსოფლიო ახალგაზრდული ტურნირი ახალი გამოცდილების და ცოდნის შესაძენად, რაც უმაღლეს დონეზე მატჩების განსჯისათვის მათ პროფესიულ უნარ-ჩვევებს დახვეწს.“ (მსაჯთა კორპუსი იხილეთ დანართში)


IRB-ს ტურნირების მენეჯერი ფილიპ ბურდარიასი:

„მოხარული ვარ, რომ თბილისში ვიმყოფები; მეტად კმაყოფილი ვართ იმით, რომ ტურნირისთვის მზადება დაგეგმილ ვადებზე უფრო სწრაფად მიდის და რომ ტურნირის ჩასატარებლად ორი მაღალი კლასის სტადიონია შერჩეული.

საქართველოს რაგბის კავშირს ეძლევა შესანიშნავი შესაძლებლობა აჩვენოს მსოფლიოს თავისი ბოლოდროინდელი მიღწევები, მათ შორის - ორი სანაკრებო დონის კომპლექსი თბილისში და ახალი თაობის ხელოვნური მოედანი. დარწმუნებული ვარ, რომ ტურნირში მონაწილე გუნდები სიამოვნებას მიიღებს ამ შესანიშნავი სპროტული ღონისძიებისგან და მომთხოვნი და ემოციური ქართველი მაყურებლის იმედებს გაამართლებენ.


IRB-ს 20-წლამდელთა მსოფლიო თასი, IRB-ს 20-წლამდელთა მსოფლიო ჩემპიონატთან (IRB-ს 20-წლამდელთა მსოფლიო ჩემპიონატი ამ ასაკში ყველაზე რეიტინგული ტურნირია) ერთად, საშუალებას აძლევს ნიჭიერ ახალგაზრდა მორაგბეებს მიიღონ საერთაშორისო დონეზე ასპარეზობის გამოცდილება. აგრეთვე, ეს ორი ტურნირი მზარდ სარაგბო ქვეყნებს აძლევს საშუალებას ელიტარული სარაგბო ქვეყნების მსგავსად შეიძინონ გამოცდილება უმაღლესი დონის ტურნირების ორგანიზებაში.



IRB-ს 20-წლამდელთა მსოფლიო თასის 2011 წლის გათამაშება - ქვეჯგუფები, თამაშების განრიგი, მსაჯები


2011 წლის 20-წლამდელთა მსოფლიო თასის მომსახურე მსაჯთა კორპუსი

დამკვირვებლები

პატრიკ რობენი, საფრანგეთი

კარლოს მოლინარი, არგენტინა



მსაჯები

ხოაკინ მონტესი, ურუგვაი

რადუ პეტრესკუ, რუმინეთი

ტიუ კომიტი, სამოა

ტიმ ლასკომბი, აშშ

ტაიძო ჰირაბაიაში, იაპონია



თანამსაჯები

ალფონსო ნოგიერა, პორტუგალია

ხორხე მოლპესერესი, ესპანეთი

კენ ლამბრეხტსი, ბელგია

გია ამირხანაშვილი, საქართველო

უჩა ნარიმანიძე, საქართველო








მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:











მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
მაისი 2020 (132)
აპრილი 2020 (216)
მარტი 2020 (655)
თებერვალი 2020 (504)
იანვარი 2020 (517)
დეკემბერი 2019 (670)