ქეცბაიამ პრესკონფერაცია გამართა

სიახლეები / ფეხბურთი / საქართველო 04-ოქტ, 20:139 Sportnews 2473


ევრო-2012-ის შესარჩევ ციკლში საქართველოს ნაკრები 8 ოქტომბერს, თბილისში, ეროვნულ სტადიონზე მალტას მასპინძლობს, 12-ში კი რიგაში ლატვიას ესტუმრება. “ჯვაროსნების” შეკრება დაიწყო და ფეხბურთელთა დიდი ნაწილიც “ბომონდ გარდენში” დაბინავდა.

კითხვები მრავლად იყო და ქეცბაიაც ამომწურავად პასუხობდა. ითქვა მინდვრის ცუდ საფარზეც, რომელიც მწვრთნელის საყვედურის საგანი გახდა ისრაელთან 7 სექტემბრის მატჩის შემდეგ.

- “ეროვნულის” საფარს, ალბათ, ნახავდით. როგორ მდგომარეობაშია?

- მე მელოდებით? ნახეთ, ხომ გაინტერესებთ. ისე გამოვიდა, თითქოს მინდვრის მოვლაც მე მევალება. ჩემი მიზანია, გუნდი თამაშებისთვის მოვამზადო და პასუხისმგებელი ვარ შედეგზე. ერთიც, ისრაელთან მატჩის შემდეგ ჩემი ნათქვამი სხვაგვარად დაიწერა, თითქოს, მინდორს ვაბრალებდე ვერმოგებას. ეს არ მითქვამს.

- თქვენი ფეხბურთელობის დროს ასეთი ცუდი მინდორი არ ყოფილა?

- არა. ისრაელთან მინდორი ძალიან ცუდ მდგომარეობაში იყო. შესაძლოა, საქართველოს ნაკრებს ასეთი საფარი აწყობდეს, როცა ეთამაშება, მაგალითად, ხორვატიას და საბერძნეთს. ლატვიასთან, ისრაელთან და მალტასთან პირიქით, ცუდია. დაცვიდან მოთამაშე გუნდისთვის შედარებით იოლია ასეთ მინდორზე თამაში. ერთი ნორმალური მინდორი ხომ უნდა გვქონდეს საქართველოში. ეს ხომ ყველასთვის კარგი იქნება... არ ვიცი, 8 ოქტომბერს როგორი მინდორი იქნება. ალბათ, შედარებით უკეთესი, რადგან წვიმებიც იყო.

ქეცბაიამ პრესკონფერაცია გამართა


- ჩანს, ნაკრების ბირთვი უკვე ჩამოყალიბებული გყავთ.

- ჩვენ არ ვაპირებთ მუდმივ ცვლილებებს. ბირთვი უკვე არის. 20 ფეხბურთელი წავიდეს და მათ ნაცვლად 20 ახალი მოვიდეს, ასე არ მოხდება. ამა თუ იმ ფეხბურთელზე ხშირად ლაპარაკობენ, რატომ არ იძახებს ქეცბაიაო. გვყავს დაახლოებით 15-კაციანი ბირთვი, თუმცა თუ ახლები გამოჩნდებიან და თავს გამოიჩენენ, შანსი მათაც ექნებათ. ხშირად იწერება კრიტიკა იმ ფეხბურთელების მიმართ, რომლებიც უკვე წლებია, ჩვენ ნაკრებს ემსახურებიან და როცა მიწვევას მიიღებენ კლუბში, მზად არიან, მეორე დღესვე ჩამოვიდნენ ნაკრებში. ეს ბიჭები ძალას და ენერგიას არ იშურებენ ნაკრებისთვის და იმის ნაცვლად, რომ მოვეფეროთ და გავუფრთხილდეთ, სხვაგვარი რაღაცეები იწერება.

- ნაკრებში გამოიძახეთ 18 წლის ნიკა კვეკვესკირი. რას გვეტყვით მასზე?

- არ გვინდა, ფეხბურთელს კარგი თამაში დაუფასებელი დარჩეს. ასაკს დიდ მნიშვნელობას არ ვანიჭებთ. წეღანაც ვთქვი, რომ ბევრი ფეხბურთელია უცხოეთში და ზოგადად, საქართველოს ჩემპიონატის დონე უცხოეთის ჩემპიონატებისას ჩამორჩება, მაგრამ თუ აქაც არიან ისეთი ფეხბურთელები, რომლებიც სანაკრებო მოთხოვნებს აკმაყოფილებენ, უარი არ უნდა ვთქვათ.

- მალტის ნაკრებიდან ვის გამოარჩევდით?

- სახელოვანი არავინ ჰყავთ, მაგრამ მალტა იყო, შარშან საქართველოს 2:0 რომ მოუგო. არასერიოზული მიდგომა არაფერში გვარგებს. ჩემი აზრით, ეს ერთ-ერთი გადამწყვეტი მატჩი იქნება ჩვენთვის.

ქეცბაიამ პრესკონფერაცია გამართა


- მალტა არაა საბერძნეთი ან ისრაელი. ამდენად, 8 ოქტომბერს უფრო შემტევ ტაქტიკას აირჩევთ?

- რადგან მალტაა, 5 თავდამსხმელს დავაყენებ-მეთქი, არასწორი გამოვა. ჩვენ ნებისმიერ შემთხვევაში მოსაგებად უნდა ვითამაშოთ. მატჩი გვაჩვენებს.

- ისრაელთან შეხვედრაში ჯანო ანანიძე ბოლო წუთებში უკვე ვეღარ იყო აქტიური. რამდენად მზადაა ჯანო ნაკრებში 90 წუთის სათამაშოდ? მითუმეტეს, რომ ბოლო დროს “სპარტაკში” სათამაშო პრაქტიკა არ აქვს.

- მგონი, კარგია, რომ “სპარტაკში” არ აქვს სათამაშო პრაქტიკა, ჩვენთან უფრო დასვენებული ჩამოვა... ისე კი, “სპარტაკის” მწვრთნელს სხვა მოსაზრება აქვს, მე – ჩემი. ანანიძე ერთ-ერთი ყველაზე პერსპექტიული ფეხბურთელია არა მარტო საქართველოში, არამედ რუსეთის პრემიერლიგაშიც.

- რამდენჯერმე თქვით, დაცვაში თამაში დალაგებულია, მაგრამ შეტევით ფაზაში გვიჭირსო. ეს თამაშებშიც გამოჩნდა.

- ჩვენ ვიცით, რა შეგვიძლია და როგორ უნდა ვითამაშოთ. მეც მინდა, “ბარსელონასავით” შემტევი სტილი გვქონდეს, მაგრამ რეალობას ხომ უნდა შევხედოთ. მთავარია, გუნდმა იცის, რას აკეთებს მოედანზე.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:

















მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
admin 5 ოქტომბერი 2010 13:31
kaka-ika,
არა მარტო მეტოქეს იკა, ამ თამაშებიდან ვერცერთში სამი ქულა თუ ვერ ავირედ ფაქტიურად ჩარჩენილები ვართ ჯგუფში და მერე ყვეა თამასი კვე ვარჯიშების სახეს მიიღებს, იმ გამძაფრებულ ინტერესაც დაკარგავს რაც ეხლა ყველა უბიძგებს სტადიონზე მისვლისკენ, ასე რომ ფედერაციამ თავი უნდა მოიკლას და მოგებები გვანახოს როგორმე :)
kaka-ika 5 ოქტომბერი 2010 01:28
ეს მატჩი რაც შეიძლება ჯიგრიანად უნდა ვითამაშოთ. რაც უფრო მეტ გოლს გავიტან მით უეკეთესი. დარწმუნებული ვარ სერიოზული გამოცდა ელის მეტოქეს..
admin 4 ოქტომბერი 2010 22:03
წარმატებას ვუსურვებ ბიჭებს, გულიან დაჯიგრულ თამაშს თან ეს ორი თამაში ერთგვარი გარდამტეხი უნდა გამოდგეს ორივე თU მოვიგეთ ძალიან დიდ ნაბიჯს გადავდგავთ წინ.

მარა მე უფრო არ წაგებაზე ვფიქრობ :)
Eke 4 ოქტომბერი 2010 21:19
რაულიტო,
მალტასთან ვიგებთ და ლატვიასთან ფრე :):):)
Sportnews 4 ოქტომბერი 2010 20:14
მალტას ვუგებთ უეჭველი , უნდ ამოვუუგოთ რა , მთავარია დალაგებული ფეხბურთი ვითამაშოთ და მოედნის ცენტრში უპირატესობა გვქონდე,ს ხალხი ვინც მიდის იმათი იმედები ფეხბურთელებმა ა უნდა გააცრუონ
--------------------
გუნდი:რეალი;შალკე ; ლეიკერსი
მოთამაშე: რაული , რონალდუ , ბრაიანტი



შემოგვიერთდით
რეკლამა
არქივი
ივლისი 2020 (8)
ივნისი 2020 (111)
მაისი 2020 (126)
აპრილი 2020 (214)
მარტი 2020 (653)
თებერვალი 2020 (504)