ოთხშაბათი, რომელმაც პრემიერლიგა შეაქანა

სიახლეები / ფეხბურთი / უცხოური ფეხბურთი 22-აპრ, 19:449 M_X_E_C_I 1474


„არსენალმა“, რასაკვირველია, კვლავ დაკარგა ქულები, მისმა მწვრთნელმა, არსენ ვენგერმა კი კვლავ განაცხადა, რომ ჩემპიონობის იმედი არ გადაუწურავს და ბრძოლა ჯერ არ დამთავრებულა.

ოთხშაბათს, მას მერე, რაც „მეთოფეებმა“ „ტოტენჰემ ჰოთსპურთან“ 3:3 ითამაშეს, „ჩელსიმ“ კი „ბირმინგემს“ 3:1 მოუგო, „არსენალსა“ და „ჩელსის“ 64-64 ქულა დაუგროვდათ და „მანჩესტერ იუნაიტედს“ 6-6-ით ჩამორჩებიან. კიდევ, ლონდონის გუნდებმა, ამ დღეს, ადგილები გაცვალეს - მეორეზე „ჩელსი“ გადავიდა, „არსენალი“ კი მესამეზე დაქვეითდა, რადგან გატანილ-გაშვებულთა სხვაობა აქვს უარესი.

ვენგერს კაპიტნის, სესკ ფაბრეგასის დაცვაც დასჭირდა. ესპანელმა ნახევარმცველმა ვერც ამჯერად ითამაშა ვარსკვლავივით, არადა, დღეს, ჩემპიონატის დამთავრებამდე ხუთი ტურით ადრე, ჩრდილოლონდონელებს სწორედ ვარსკვლავური თამაში სჭირდებათ, რათა ზედიზედ მეექვსე სეზონში არ დარჩნენ ტიტულის გარეშე. მწვრთნელმა თქვა:

„ჯერ არაფერი დასრულებულა. ჩვენ ბოლომდე ვიბრძოლებთ. „ტოტენჰემთან“, მეორე ტაიმში ვეღარ ვივარგეთ, რაც დაღლის ბრალი იყო - კვირას „ლივერპულთან“ გვქონდა დაძაბული შეხვედრა. ოთხ დღეში ორი ასეთი თამაში მეტისმეტია. ძალთა აღდგენა ვერ მოვახერხეთ, მაგრამ იღბლის ამბავიც არის - შეიძლებოდა თავი აგვერიდებინა იმ პენალტისთვის, რომლითაც „ტოტენჰემმა“ ანგარიში გაგვითანაბრა.“

ლონდონური დერბი დიდებული სანახავი გამოდგა. 40 წუთის შემდეგ „მეთოფეები“ 3:1-ს იგებდნენ. მათგან თეო უოლკოტმა, სამირ ნასრიმ და რობინ ვან პერსიმ გაიტანეს, „სფურზიდან“ კი რაფაელ ვან დერ ვაარტმა უპასუხა. როგორც უკვე მოგახსენეთ, მეორე ტაიმში ანგარიში იმავე ვან დერ ვაარტმა პენალტით გაათანაბრა, მაგრამ ვენგერის აზრით შეხვედრის მთავარი გოლი, რომელმაც მასპინძლები გამოაცოცხლა და საბოლოოდ ფრემდე მიიყვანა, ტომ ჰადლსტოუნისა იყო. ეს გოლი 24 წლის ცენტრალურმა ნახევარმცველმა 44-ე წუთზე შეაგდო. ვენგერმა ბრძანა:

„ვფიქრობ, თამაშის ბედს „ტოტენჰემის“ მეორე გოლმა დაასვა უდიდესი დაღი. ჩვენ გვინდოდა შესვენებაზე ორგოლიანი უპირატესობით გავსულიყავით, თუმცა, რაც მოხდა, მოხდა. ჩვენ მებრძოლი სულის ხალხი ვართ და იმედს ბოლო დღემდე არ დავკარგავთ. კრიტიკასაც ტრადიციულად მაგრად დავუდგებით.

დღეს ისეთი თამაში იყო, რომ მოგება ორივე გუნდს შეეძლო. ჩვენ „უაით ჰართ ლეინზე“ გოლების გასატანად მოვედით და ვეთამაშეთ გუნდს, რომელსაც დიდებული თავდასხმა ჰყავს.“

თუმცა, ვენგერს ბოლოხანს აშკარად ეტყობა, რომ ნერვები ღალატობს. ამაზე რამდენიმე დღის წინ ყოფილი ინგლისელი მსაჯი გრემ პოლი წერდა და მართალი რომ იყო ოთხშაბათსაც დადასტურდა - ფრანგს „სფურზის“ ერთ-ერთ მწვრთნელ კლაივ ალენთან მოუვიდა შელაპარაკება. თუმცა, „არსენალის“ თავკაცი ცდილობს შექმნილ მდგომარეობაშიც ყურები არ ჩამოყაროს:

„ახლა, „ჩელსისაც“ გაუჩნდა შანსი, თუმცა მას „მანჩესტერ იუნაიტედთან“ და „ტოტენჰემთან“ აქვს სათამაშო. ერთი სიტყვით, ყველაფერი ისევ ჩვენზეა დამოკიდებული. დღევანდელი შეხვედრა კი ზოგადი დასკვნებისთვის არ გამოდგება. ჩვენ ძალიან იშვიათად ვუშვებთ სამ გოლს იმ შეხვედრებში, რომლებშიც სამი გოლი გაგვაქვს.“

ზემოთ ფაბრეგასი ვახსენეთ... ერთ-ერთი ესპანური გაზეთისთვის მიცემულ ინტერვიუში „ბარსელონას“ აღზრდილმა თქვა, რომ ვენგერს ამდენ ხანს „ლა ლიგის“ არც ერთ ამბიციურ გუნდში არ გააჩერებდნენ. ეს სწორედ ის ინტერვიუა, რომლიდანაც კიდევ ერთი ციტატა გუშინაც გაგაცანით - სესკმა თქვა, ბოლოს და ბოლოს „არსენალმა“ უნდა გადაწყვიტოს, ტიტულები უნდა თუ მომავალი თაობის აღზრდაო. ვენგერის კომენტარი ასეთი გახლდათ:

„სესკის ინტერვიუმ შემაშფოთა, რადგანაც აშკარად ჩანს, რომ მის უკან ერთ-ერთი კლუბი დგას და სატრანსფერო სეზონის წინ სიტუაციას ამწიფებს. რაც იქ ეწერა ჩემზე, შეტევა არ იყო. სესკს ძალიან კარგად ვიცნობ, ასე რომ... ვფიქრობ, ყველაფერი გასაგებია.“

„ტოტენჰემის“ თავკაცმა ჰარი რედნაპმა კი შეხვედრის შესახებ ასე თქვა: „დიდებული თამაში იყო, ფანტასტიკური. მეორე ტაიმში შანსები გვქონდა და მოგებაც შეგვეძლო. როდესაც 3:1-ს ვაგებდით, დავიძაბე, მაგრამ, საბედნიეროდ ძალები გამოვნახეთ და ანგარიში გავათანაბრეთ.“


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
M_X_E_C_I 22 აპრილი 2011 20:14
მაგარი თამაში იყო



შემოგვიერთდით
რეკლამა
არქივი
სექტემბერი 2020 (202)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი