ჯოკოვიჩმა პეკინში ტიტული დაიცვა

სიახლეები / ჩოგბურთი 11-ოქტ, 20:229 Sportnews 2333


მსოფლიო რეიტინგის მეორეადგილოსანი ნოვაკ ჯოკოვიჩი პეკინის 2,1-მილიონდოლარიანი მაგარსაფრობის ფინალში ესპანელ დავიდ ფერერს აღემატა და წლის მეორე, ხოლო კარიერის მეთვრამეტე ტიტულს დაეუფლა.

23 წლის სერბმა, ვინაც ჩინეთის დედაქალაქში შარშან მოხვეჭილ ტიტულს იცავდა, ხუთი წლით უფროს და ცხრა ადგილით ქვემდგომ მეტოქეს წვიმის გამო კვირიდან ორშაბათს გადადებულ მატჩში დამაჯერებლად – 6:2 6:4 – აჯობა.

ჯოკოვიჩი გახდა პირველი მოთამაშე ტურნირის 6-წლიან ისტორიაში, იქ ტიტულის მოპოვება ზედიზედ ორჯერ რომ შეძლო.

“ცხადია, ბედნიერი ვარ იმით, კიდევ ერთ ტურნირზე რომ ვიმარჯვე და ამ კორტზე ჩემი დაუმარცხებელი სერია გავაგრძელე” – თქვა მან ფინალის შემდეგ.
ეს ნოვაკის 30-ე ფინალი გახლდათ, მიმდინარე სეზონში კი მან პეკინამდე ფინალში ორგან – დუბაისა და ნიუ იორკში, აშშ-ის ღია პირველობაზე – ითამაშა, საიდანაც პირველში რუს მიხაილ იუჟნის მოუგო, მეორეში კი ამქრის ესპანელ პირველოსან რაფაელ ნადალთან დამარცხდა.

რაც შეეხება ფერერს, მან კარიერის მე-18, ხოლო სეზონის მე-4 ფინალში ჯამში მე-9, ხოლო წლეულს მე-2 ტიტულის მოხვეჭის შანსი გაუშვა.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ნოემბერი 2020 (263)
ოქტომბერი 2020 (195)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
სიტი-რეალი