პირველი ჩოგნის 77-ადგილიანი ნახტომი

სიახლეები / ჩოგბურთი 11-ოქტ, 21:119 Sportnews 1710


ATP-ის რეიტინგ-ლისტში 77-ადგილიანი ნახტომი გააკეთა 18 წლის ნიკოლოზ ბასილაშვილმა. საქართველოს პირველმა ჩოგანმა ამერიკული ტურნირიდან 6 ქულა წამოიღო და მარაგი 20 ქულამდე შეავსო. დღეიდან ნიკა მსოფლიოს 741-ე ჩოგანია. თუმცა უკეთესი დროც გვახსოვს - მარტში ჩვენებური 506-ე პოზიციაზე იყო. ბასილაშვილის გარდა კლასიფიკაციაში მხოლოდ ერთი ქართველია - ლადო ჩიხლაძე 11 ქულით 861-ე (+2) ჩოგანია. შეგახსენებთ, რომ ლადოს საუკეთესო პოზიცია რეიტინგში 350-ე ადგილია, მაგრამ ეს სამი წლის წინათ იყო.

სამწუხაროდ, ნიკოლოზ ბასილაშვილმა ამ კვირაში უკვე დაასრულა ასპარეზობა. ჩვენებური "ჩელენჯერის სერიის" ტიბურონის (კალიფორნია) ტურნირში გამოდიოდა. ნიკა 50-ათასიანი ტურნირის საკვალიფიკაციო ბადეში იყო და პირველივე წრეში დამარცხდა. მან სამსეტიანი ბრძოლა გაუმართა მე-4 ნომრად განთესილ ახალზელანდიელ მაიკლ ვენუსს (310) - 2:6, 7:5, 3:6. აღსანიშნავია, რომ ვენუსი მეორე წრეში თითქმის "მშრალზე" დამარცხდა (მხოლოდ 1 გეიმი მოიგო).

თურქულ ანთალიაში კიდევ ერთ 10-ათასიან ტურნირში იასპარეზა 17 წლის გიორგი ცივაძემ და კვლავ ვერ გააღწია ძირითად ბადეში. I წრეში მან იოლად სძლია ინდოელი არვინდ სინგჰს - 6:1, 6:1, მაგრამ II წრეში ვეღარ იყოჩაღა, მე-3 ნომრად განთესილ ბელგიელ გაეტან დე ლოვინფოსთან (1401) წააგო - 6:3, 2:6, 2:6.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ნოემბერი 2020 (227)
ოქტომბერი 2020 (195)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
სიტი-რეალი