ელენემ თავისუფალში გამოასწორა

სიახლეები / სხვა სახეობები / ზამთრის სპორტი 24-ოქტ, 20:409 admin 1659


20 წლის ქართველმა სპორტსმენმა ელენე გედევანიშვილმა NHK ტროფის მეორე დღეს გაცილებით უკეთ იასპარეზა და მესამე შედეგი აჩვენა, რაც საბოლოოდ 12 მონაწილეს შორის მეექვსე პოზიციის დასაკავებლად აღმოჩნდა საკმარისი.
იაპონიის ქალაქ ნაგოიაში გამართუული სრიალის საერთაშორისო ფედერაციის (ISU) გრან-პრის საწყის ეტაპზე, ელენემ მოკლე პროგრამაში მხოლოდ 44.51 ქულა მიიღო და საკუთარ პირად რეკორდსაც (61.92) კი საგრძნობლად ჩამორჩა, რის გამოც მხოლოდ მეცხრე გახლდათ.
აი, თავისუფალ პროგრამაში კი (ცეკვა ლოიდ ვებერის მუსიკაზე შესრულდა მიუზიკლიდან “ოპერა მოჩვენებიდან”) ქართველი გოგონა ძალიან ყოჩაღად გამოიყურებოდა. ელენემ ტექნიკურ კომპონენტებში 46.97 ქულა მიიღო, პროგრამულ ელემენტებში კი 50.04 ქულას გამორჩა და ჯამური 97.01 ქულით მხოლოდ ამერიკელ რეიჩელ ფლეტსა (107.35) და იტალიელ კაროლინა კოსტნერს (107.34) ჩამორჩა.
საბოლოოდ, გედევანიშვილმა 141.52 ქულა მოიპოვა და მე-6 საფეხურს უწია, არადა ელენეს თავისი საუკეთესო მაჩვენებელი (165.54) რომ დაეფიქსირებინა, ტურნირის ჩემპიონი ხდებოდა. ცნობისთვის, 164.61 ქულით NHK ტროფის გამარჯვებული ევროპის მრავალგზის ჩემპიონი კოსტნერი გახდა, ფლეტი 161.04 ქულით მეორე გახლდათ, ბრინჯაო კი ახალგაზრდული მსოფლიოს ჩემპიონატის გამარჯვებულ იაპონელ კანაკო მურაკამის (150.16) ერგო.
გედევანიშვილი, რომელმაც ევროპის გასულ ჩემპიონატზე მესამე ადგილი დაიკავა, ამ კონკრეტულ ტურნირზეც ევროპელთა რიგებში მესამე გახლდათ. კოსტნერის გარდა, ელენეს ფინელმა კიირა კორპიმაც გადაასწრო, რომელიც 148.44 ქულით მეოთხე იყო.
NHK ტროფის საპრიზო ფონდი 180 ათასი დოლარი გახლდათ, საიდანაც ჩემპიონს 18 ათასი ერგო და მანვე 15 სარეიტინგო ქულაც გამოიმუშავა, გედევანიშვილი კი 5 ქულას გამორჩა. ცნობისთვის, ამ ტურნირამდე ქართველი სპორტსმენის მონაგარი 1906 ქულა იყო და მას მსოფლიოს რეიტინგში მე-12 ადგილი ეკავა.
გრან პრის ყველა ეტაპის დასრულების შემდეგ (თითოეულ სპორტსმენს ორ ტურნირში შეუძლია მონაწილეობის მიღება), ექვსი საუკეთესო გოგონა ფინალური რაუნდის საგზურს მიიღებს, რომელიც 9-12 დეკემბერს ჩინეთის დედაქალაქ პეკინში გაიმართება. დასკვნითი შეჯიბრის საპრიზო ფონდი 272 ათასი დოლარია.

NHK ტროფი, სრიალის საერთაშორისო ფედერაციის (ISU) გრან პრის 2010-2011 წლის გათამაშება, ნაგოია (იაპონია)
ქალები

მოკლე პროგრამა
1. კაროლინა კოსტნერი (იტალია) 57.27 ქულა (27.52+29.75)
2. კანაკო მურაკამი (იაპონია) 56.10 (29.81+26.29)
3. რეიჩელ ფლეტი (აშშ) 53.69 (28.29+25.40)
4. ეშლი ვაგნერი (აშშ) 52.93 (27.34+25.59)
5. კიირა კორპი (ფინეთი) 52.60 (23.89+28.71)
6. კაროლინ ჟანგი (აშშ) 50.71 (25.93+24.78)
7. ჯენა მაკკორკელი (დიდი ბრიტანეთი) 49.07 (26.36+22.71)
8. მაო ასადა (იაპონია) 47.95 (20.00+28.95)
9. ელენე გედევანიშვილი (საქართველო) 44.51 (18.65+25.86)
10. ვიკტორია ჰელგესონი (შვედეთი) 43.66 (21.49+23.17)
11. ლენა მაროკო (საფრანგეთი) 41.67 (22.99+19.68)
12. დიან შმიტი (კანადა) 31.90 (14.04+18.86)

თავისუფალი პროგრამა
1. ფლეტი 107.35
2. კოსტნერი 107.34
3. გედევანიშვილი 97.01
4. კორპი 95.84
5. მურაკამი 94.06
6. ვაგნერი 90.80
7. ჰელგესონი 86.45
8. ასადა 85.45
9. ჟანგი 83.15
10. მაროკო 80.36
11. მაკკორკელი 72.45
12. შმიტი 56.43

საბოლოო შედეგი
1. კოსტნერი 164.61
2. ფლეტი 161.04
3. მურაკამი 150.16
4. კორპი 148.44
5. ვაგნერი 143.73
6. გედევანიშვილი 141.52
7. ჟანგი 133.86
8. ასადა 133.40
9. ჰელგესონი 130.11
10. მაროკო 122.03
11. მაკკორკელი 121.52
12. შმიტი 88.33


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ნოემბერი 2020 (202)
ოქტომბერი 2020 (195)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
სიტი-რეალი