ოთარ მარცვალაძემ რუსეთის პირველ ლიგაში 21-ე გოლი გაიტანა

სიახლეები / ფეხბურთი / საქართველო 29-ოქტ, 14:119 admin 1849


რუსეთის პირველ ლიგაში მოთამაშე ომარ თეთრაძის მიერ დარიგებული ნიჟნი ნოვგოროდის "ვოლგა" რუსულ პრემიერლიგას კიდევ უფრო მიუახლოვდა, ქართველმა ფეხბურთელებმა კი ტრადიციულად შედეგიანად ითამაშეს. სოჭის "ჟემჩუჟინასთან" მოგებულ (3:0) შეხვედრაში, ყველაზე მეტად ისევ ოთარ მარცვალაძე გამოირჩა, რომელმაც დუბლი შეასრულა და გოლების რაოდენობა 21-მდე აიყვანა.

"ჟემჩუჟინასთან" მნიშვნელოვან შეხვედრაში ანგარიში უკვე მე-2 წუთზე გაიხსნა, როდესაც მარცვალაძემ მცველების შეცდომით ისარგებლა, ერთ ფეხბურთელს გასცდა, სტუმართა გოლკიპერი ალექსანდრე ჩიხრაძეც მოატყუა და სეზონში მე-20 გოლი გაიტანა. 64-ე წუთზე გოჩა ხოჯავა ფლანგზე გკარგად ითამაშა და რამდენიმე მეტოქის ჩამოცილების შემდეგ საჯარიმოში ჩააწოდა.

ბურთზე პირველი მარცვალაძე მივიდა, თუმცა, მისი თანაგუნდელისთვის დათმობა ამჯობინა და შეცვლაზე შესულმა ტურსუნოვმაც თითქმის ცარიელ კარში გაიტანა. მარცვალაძესმ ათიოდ წუთშიჩემპიონატში 21-ე გოლი მაინც შეაგდო და ბომბარდირთა დავაში კიდევ უფრო დაწინაურდა (მისი უახლოესი კონკურენტის, კრასნოდარელი სპარტაკ გოგნიევის აქტივში 17 გოლია).

73-ე წუთზე "ვოლგას" გოლკიპერმა ვიტალი ასტახოვმა ბურთი "ჟემჩუჟინას" მიერ მოწოდებული კუთხურის შემდეგ მოიხელთა და შორეული გადაცემით ფლანგზე ქართველი ფორვარდი მოსძებნა.

მარცვალაძემ მის წინ მყოფი ორი სოჭელი მეტოქე არად ჩააგდო და საჯარიმოში შესულმა ჩიხრაძეს მახვილი კუთხიდან ჩინებულად დაურტყა - 3:0. მარცვალაძე შეუცვლელად გაისარჯა, თეთრაძემ ხოჯავა 78-ე წუთზე შეცვალა, გიორგი ნავალოვსკი მცირე ტრავმის გამო, 86-ე წუთზე დაასვენა, მოედნის ცენტრში ასევე შეუცდომლად მოთამაშე ედიკ საჯაია კი მოედანზე საფინალო სასტვენამდე გახლდათ.

რუსეთის პირველი დივიზიონის დასრულებამდე ორი ტურია დარჩენილი, მე-2 ადგილზე მყოფი "ვოლგა" კი უახლოეს კონკურენტს, თანაქალაქელ "ნიჟნი ნოვგოროდს" 4 ქულით უსწრებს და სავარაუდოდ მალე პრემიერლიგის საგზურსაც მოიპოვებს.




მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:

















მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ივლისი 2020 (23)
ივნისი 2020 (111)
მაისი 2020 (126)
აპრილი 2020 (214)
მარტი 2020 (653)
თებერვალი 2020 (504)