<<>>

''ბარსაში არ გადავალ''

სიახლეები / ფეხბურთი / უცხოური ფეხბურთი 08-ნოე, 23:179 beqa_beqa 1730


ტოტენჰემის ფლეიმეიქერმა ლუკა მოდრიჩმა განაცხადა, რომ იგი არ აპირებს ბარსელონაში გადასვლას, მიუხედავად მიმზიდველი წინადადებისა კატალონიელთა მხრიდან. გავრცელებული ინფორმაციით, "ბლაუგრანა" მზად იყო ხორვატის სანაცვლოდ 30 მილიონი ევრო გადაეხადა, თუმცა თავად მოდრიჩს ეს არ ადარდებს, რადგანაც იგი ახალი 6-წლიანი კონტრაქტის გაფორმებას აპირებს "დეზებთან" ერთად.

მოდრიჩმა ხუმრობით აღნიშნა, რომ თუ იგი ოდესმე ითამაშებს კამ ნოუზე, ეს აუცილებლად იქნება ჩემპიონთა ლიგის პლეი-ოფი: "კამ ნოუზე თამაში? სიამოვნებით, ოღონდ მე ტოტენჰემის ფეხბურთელად დავრჩები და ეს ჩემპიონთა ლიგის პლეი-ოფი იქნება. სერიოზულად თუ ვისაუბრებთ გეტყვით, რომ ბარსაში გადასვლა ჩემს გეგმებში არ შედის. რა თქმა უნდა სასიამოვნოა, როდესაც შენით ასეთი დიდი კლუბი ინტერესდება, თუმცა მე ამაზე საერთოდ არ ვფიქრობ."

"ყოველდღე ჩემს შესახებ სხვადასხვა ინფორმაცია იწერება და რომელი არის აქედან ჭორი და მართალი რთულია გაგება. მე წამიკითხავს ჩელსის დაინტერესების შესახებ, შემდეგ ინტერის, შემდეგ მანჩესტერის და ახლა როგორც ჩანს ბარსელონას დროც მოვიდა. არ ღირს ამ ცნობების სერიოზულად მიღება, რადგანაც ჭეშმარიტება არის ის, რომ მე კიდევ 6-წლით მსურს უაით ჰართ ლეინზე გაჩერება."

ხორვატმა აგრეთვე დადებითად დაახასიათა თავისი ლონდონური ყოფა, სადაც თავს ისე გრძნობს, როგორც საკუთარ სახლში: "კიდევ ერთი ჩემი დარჩენის მიზეზი არის ლონდონი. მე ძალიან მომწონს ეს ადგილი, რომელსაც შევეჩვიე და რომელიც უკვე სახლივით არის ჩემთვის. მე მჯერა, რომ ტოტენჰემთან ერთად ავიხდენ ჩემს საფეხბურთო ოცნებებს."-დაასრულა მოდრიჩმა.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
beqa_beqa 8 ნოემბერი 2010 23:19
აი კაცი ნამდვილი ტოტენხემისტელი wink რეალზე ხო არის მადრიდელი ამაზე დახლოებიტ ტოტენხემისტელი wink



შემოგვიერთდით
რეკლამა
არქივი
აგვისტო 2020 (87)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (205)
მარტი 2020 (645)
სიტი-რეალი