ცინცაძემ რაც ისროლა, ყველა ჩააგდო

სიახლეები / კალათბურთი / ქართული კალათბურთი / უცხოური კალათბურთი 09-ნოე, 18:059 Sportnews 1803


გიორგი ცინცაძის “ტარტუ როკმა” ესტონეთის საკალათბურთო ჩემპიონატის მორიგ მატჩში ერთ-ერთი აუტსაიდერი “პიარნუ” 118:80 გაანადგურა, საქართველოს ნაკრების გამთამაშებელი კი საკმაოდ სარგებლიანად გაისარჯა.

ცინცაძე ტარტუელთა სასტარტო ხუთეულში გამოჩნდა და ვინაიდან “როკს” მთელი ძალით თამაში არ დასჭირვებია, მოედანზე არცთუ დიდი პერიოდი – 18:39 წუთი გაატარა. ამ დროში გიორგიმ 3-ვე ორქულიანი და 3-ვე საჯარიმო ჩააგდო, 9 ქულას 4 მოხსნა, 6 პასი და 3 ჩაჭრა წაამატა, ბურთი 3-ჯერ დაკარგა და ამდენივე ჯარიმა მიიღო.

“როკის” შემადგენლობაში 10-ქულიან ზღვარს ერთბაშად ექვსმა კალათბურთელმა უწია, საუკეთესონი კი ტიმო ეიჩფუსი (25 ქულა, 12 მოხსნა) და რაინ ვეიდემანი (25 ქულა, 7 მოხსნა, 5 ჩაჭრა) იყვნენ.

ცინცაძის კლუბმა 8 მატჩში 7 გამარჯვება იზეიმა და პირველ ადგილზე გადაინაცვლა. ტარტუელთა უახლოესი მდევრები 9-დან 7 შეხვედრის მომგები ტალინური კლუბები “ტტუ/კალევი” და “კალევ/კრამო” არიან.

ესტონეთის ჩემპიონატის ეგიდით, 13 ნოემბერს, “როკი” “რაპლას” ესტუმრება, მანამდე კი, 11-ში, ბალტიის საკალათბურთო ლიგაში ლატვიურ “ლიეპაია ლაუვასს” ჩააკითხავს.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
beqa_beqa 9 ნოემბერი 2010 19:12
სგ ცინცაზეს მარა 3 დაკარგვა ბევრი არაა?



შემოგვიერთდით
რეკლამა
არქივი
სექტემბერი 2020 (195)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი