სასლოვენიო შეკრება-ვარჯიშის ამბები

სიახლეები / ფეხბურთი / საქართველო 11-ნოე, 20:199 Sportnews 3878


საქართველოს ეროვნულმა ნაკრებმა სლოვენიასთან 17 ნოემბერს გასამართი გასვლითი ამხანაგური მატჩისთვის მზადება დაიწყო.

სექტემბერ-ოქტომბრის მატჩების დარად, “ჯვაროსნები” კვლავაც თბილისის სასტუმრო “ბომონდ გარდენში” დაბინავდნენ. გამოძახებული ფეხბურთელიდან, თემურ ქეცბაიას განკარგულებაში ჯერ თითქმის მთლიანად ქართულ კლუბებში მოთამაშეები არიან. უახლოეს უქმეეებზე ევროპის ქვეყნების ჩემპიონატებში ტურის მატჩებია და ამიტომაც, რამდენიმე ლეგიონერი ორშაბათს დილით იქნება თბილისში.

სასლოვენიო შეკრება-ვარჯიშის ამბები


“ბომონდ გარდენში” შეკრების პირველივე დღეს 21 ფეხბურთელი გამოჩნდა, თუმცა “ეროვნულზე” 20-მა ივარჯიშა:

მეკარეები: გიორგი ლორია (“დინამო”), როინ კვასხვაძე (“ზესტაფონი”), გიორგი ძაძამია (“ვიტ ჯორჯია”);

მცველები: გიორგი ხიდეშელი, გიორგი ონიანი, ზაალ ელიავა (ყველა - “ზესტაფონი”), გიორგი რეხვიაშვილი (“ოლიმპი”), ლევან კაკუბავა (“დინამო”), თენგიზ ჩიკვილაძე (“ტორპედო”), ნიკა კვეკვესკირი (“ბაია”);

ნახევარმცველები: გოჩა ხოჯავა (“ვოლგა”, რუსეთი), ალექსანდრე კოშკაძე (“დინამო”), კახა ალადაშვილი, მურთაზ დაუშვილი (ორივე - “ზესტაფონი”), ირაკლი კლიმიაშვილი, გურამ გურეშიძე (ორივე – “ვიტ ჯორჯია”);

თავდამსხმელები: ოთარ მარცვალაძე (“ვოლგა”, რუსეთი), მათე ვაწაძე (“დინამო”), ნიკა გელაშვილი (“ზესტაფონი”), ჯაბა ლიპარტია (“ვიტ ჯორჯია”), ირაკლი მოდებაძე (“ოლიმპი”).

წინასწარ გაცხადებული იყო, რომ სლოვენიაში წასვლამდე, ნაკრებს ყველა ვარჯიში “მიხეილ მესხზე” უნდა გაემართა, თუმცა “ეროვნულით” შეიცვალა. ვარჯიშზე არ ყოფილა ხოჯავა, რომელიც თავს მხნედ ვერ გრძნობს და სავარაუდოდ, სლოვენიაშიც ვერ ითამაშებს – თუ მანამდე აღდგენა ვერ მოასწრო. მოკლედ, ლეგიონერთაგან მხოლოდ მარცვალაძემ ივარჯიშა.

სასლოვენიო შეკრება-ვარჯიშის ამბები


უშუალოდ ვარჯიშს რაც შეეხება, დაუშვილი და ხიდეშელი ინდივიდუალურად ემზადებოდნენ, თუმცა მომდევნო ვარჯიშებს, ალბათ, სრული დატვირტვით ჩაატარებენ. ანუ, წვრთნაში 18-მა ფეხბურთელმა მიიღო მონაწილეობა. იყო “კვადრატები” და დაახლოებით 40-მეტრიან მოედანზე 9-9-ზე “ორკარა”. ვარჯიში 16:00 საათზე დაიწყო და დაახლოებით ერთ საათს გასტანა.

ნაკრებს შეუერთდა დონეცკის “შახტარის” დუბლების ნახევარმცველი თორნიკე ოქრიაშვილი, თუმცა მგზავრობისგან დაღლილი იყო და არ უვარჯიშია.

“დიდი მადლობა თემურ ქეცბაიას, რომ ასეთი შანსი მომცა. 18 წლის ვარ და ეროვნულ ნაკრებში გამომიძახეს, ძალიან გახარებული ვარ და ყველანაირად ვეცდები იმის ჩემი შესაძლებლობების დამტკიცებას” – თქვა ოქრიაშვილმა.

სასლოვენიო შეკრება-ვარჯიშის ამბები


12 ნოემბერს ნაკრებთან ერთად ივარჯიშებენ დავით კვირკველია (“რუბინი”, რუსეთი) და ჯაბა კანკავა (“დნიპრო”, უკრაინა). ორშაბათს, 15 ნოემბერს თბილისში ვარჯიშზე იქნებიან უჩა ლობჟანიძე (“დნიპრო”), აკაკი ხუბუტია (“გაზ მეთანი”, რუმინეთი), ჯანო ანანიძე (“სპარტაკი” მოსკოვი, რუსეთი) და სანდრო გურული (“კარპატი”, უკრაინა). რაც შეეხება კახა კალაძესა (“ჯენოა”, იტალია) და ზურაბ ხიზანიშვილს (“რედინგი”, ინგლისი), ისინი პირდაპირ სლოვენიაში ჩავლენ.

“ჯვაროსნები” 16 ნოემბერს 11:00 საათზე გაფრინდებიან სლოვენიაში, მანამდე კი ვარჯიშების გრაფიკი ყოველდღიურად ერთნაირი იქნება: 18:00 საათზე “ეროვნულზე”. სლოვენიაში, კოპერის “ბონიფიკაზე” ქართველები თამაშის წინა დღეს, იქაური დროით 21:00 საათზე (ანუ თბილისის დროით 24:00 საათზე) ივარჯიშებენ.

საქართველოს ნაკრები , თემურ ქეცბაია , ქეცბაია , სლოვენია


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
Sportnews 11 ნოემბერი 2010 19:35
გამიხარდა , რომ მარცვალაძე გვეყოლება სლოვენიასთან, რომელიც შესანიშნავ ფორმაშია, ასევე გამოვყოფდი ოქრიაშვილს.
--------------------
გუნდი:რეალი;შალკე ; ლეიკერსი
მოთამაშე: რაული , რონალდუ , ბრაიანტი



შემოგვიერთდით
რეკლამა
არქივი
ოქტომბერი 2020 (162)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი