ბერდიხმა, ფერერმა და როდიკმა რვაკაცას ბოლო სამი საგზური მოიპოვეს

სიახლეები / ჩოგბურთი 12-ნოე, 19:139 FCB 1532


მასტერსტურნირზე ხუთშაბათს იმ მეჩოგნეების ვინაობა გაირკვა, რომელთაც წლის დამაგვირგვინებელ რვაკაცა ტურნირზე მოსახვედრი ბოლო სამი საგზური გაინაწილეს – ესენი ჩეხი ტომაშ ბერდიხი, ესპანელი დავიდ ფერერი და ამერიკელი ენდი როდიკი არიან.
მათი გადასწრებისა და რვაკაცაზე მოხვედრის შანსებს ამ დღემდე ინარჩუნებდა ესპანელი ფერნანდო ვერდასკო, მაგრამ მან მერვედფინალურ მატჩში ფრანგ გაელ მონფისთან დათმო 7:6 (7:4) 6:7 (2:7) 5:7 და სეზონი პარიზშივე დაასრულა.

იქაურ ტურნირს გამოეთიშნენ ბერდიხი და ფერერიც – პირველმა ტურნირის 2006 წლის ჩემპიონთან, რუს ნიკალაი დავიდენკოსთან წააგო 6:4 6:7 (5:7) 0:6, ხოლო მეორემ ავსტრიელ იურგენ მელცერთან 6:7 (6:8) 6:2 3:6 – მაგრამ მათ, ისევე როგორც ლატვიელ ერნესტს გულბისთან 6:3 7:6 (10:8) მოგების შემდეგ მომდევნო წრეში გასულ როდიკს, ვერდასკოზე მეტი ქულა გააჩნიათ.

შეგახსენებთ: რვაკაცაზე, რომელიც ლონდონში 21-დან 28 ნოემბრამდე გაიმართება, აღნიშნული სამეულის გარდა მსოფლიო რეიტინგის ზეხუთეულის წარმომადგენლები – ესპანელი რაფაელ ნადალი, შვეიცარიელი როჯერ ფედერერი, სერბი ნოვაკ ჯოკოვიჩი, სკოტი ენდი მარეი და შვედი რობინ სოდერლინგი – იასპარეზებენ. ბერდიხი ამ რვიდან რვაკაცას ერთადერთი დებიუტანტი იქნება.

სხვაფრივ: ჯოკოვიჩი, რომელიც პარიზის მასტერსტურნირის შარშანდელი ჩემპიონი გახლდათ, მერვედფინალში მსოფლიო რეიტინგის 34-ეადგილოსან ფრანგ მიშელ ლოდრასთან დამარცხდა 6:7 (6:8) 2:6. ნოვაკი დამაჯერებლად არც წინა შეხვედრაში – არგენტინელ ხუან მონაკოს წინააღმდეგ – გამოიყურებოდა და თავისი საზეო ფორმისგან ამჯერად კიდევ უფრო შორს იყო, მით უფრო, რომ ლოდრამ მონაკოსგან განსხვავებით თავისი შანსები სრულად გამოიყენა. მეოთხედფინალში ფრანგი დავიდენკოს დაუპირისპირდება.

ბადის იმავე ნახევრის მეორე მეოთხედფინალში ერთმანეთს როდიკი და სოდერლინგი შეხვდებიან. ამ უკანასკნელმა შვეიცარიელ სტანისლას ვავრინკას მოუგო 7:6 (6:3) 6:3.
კვლავ დიდებული თამაში აჩვენა როჯერ ფედერერმა, ვინაც ჩეხ რადეკ შტეპანეკს, ისევე როგორც ერთი კვირის წინ ბაზელში, ახლაც სეტის წაუგებლად – 6:4 6:3 – სძლია. 29 წლის შვეიცარიელი მაესტრო, რომელსაც პარიზის მასტერსტურნირი აქამდე არასოდეს მოუგია და იქ მეოთხედფინალსაც არასოდეს გასცილებია, ამ ორიდან მეორე ნავსის გატეხვას პარასკევს მელცერთან შეხლაში ეცდება.

მონფისის მეტოქე კი მარეისა და ხორვატ მარინ ჩილიჩის შეხვედრაში უნდა გარკვეულიყო.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
FCB 13 ნოემბერი 2010 17:29
რაულიტო,
მადლობა :)
Sportnews 13 ნოემბერი 2010 09:11
barcafan მაგარი სტატიაა ყოჩაღ
--------------------
გუნდი:რეალი;შალკე ; ლეიკერსი
მოთამაშე: რაული , რონალდუ , ბრაიანტი



შემოგვიერთდით
რეკლამა
არქივი
ოქტომბერი 2020 (184)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი