ვლადე დივაცი თანადგომას დაგვპირდა

სიახლეები / კალათბურთი / ქართული კალათბურთი 13-ნოე, 09:199 Sportnews 1705


12 ნოემბერს თბილისს ერთდღიანი საქმიანი ვიზიტით სერბეთის ოლიმპიური კომიტეტის პრეზიდენტი, ლეგენდარული სერბი კალათბურთელი ვლადე დივაცი ესტუმრა.

დივაცმა ოფიციალური შეხვედრები გამართა და ასევე თბილისის ძირითადი სპორტული ობიექტები - შოთა ჩოჩიშვილის სახელობის ძიუდოს აკადემია, საცურაო კოპლექსი "ოლიმპიკი", სპორტის სასახლე და ეროვნული სტადიონი მოინახულა.

დილით სტუმარი შოთა ჩოჩიშვილის სახელობის ძიუდოს აკადემიაში ეწვია და ცოტა ხნით საქართველოს ძიუდოისტთა ნაკრების ვარჯიშს დაესწრო. სერბეთის ოლიმპიური კომიტეტის პრეზიდენტი შემდეგ საპატრიარქოში გაემგზავრა, საქართველოს კათოლიკოს პატრიარქთან, ილია მეორესთან. დივაცი თბილისის მერმა გიგი უგულავამ, საქართველოს პარლამენტის თავმჯდომარე დავით ბაქრაძემ და სპორტისა და ახალგაზრდობის საქმეთა მინისტრმა ლადო ვარძელაშვილმაც მიიღეს. საღამოს კი ოფიციალურმა მასპინძლებმა - საქართველოს ეროვნული ოლიმპიური კომიტეტის ხელმძღვანელებმა მას "ოლიმპიკის" საცურაო კომპლექსი, სპორტის სასახლე და ეროვნული სტადიონიც დაათვალიერებინეს.

შეგახსენებთ, რომ თბილისი ევროპის 2015 წლის ახალგაზრდული ოლიმპიური ფესტივალის მასპინძლობის ერთ-ერთი კანდიდატია და დივაცის ვიზიტიც ამითაა მნიშვნელოვანი. ოლიმპიური ფესტივალის მასპინძელი ქვეყნის ვინაობა 27 ნოემბერს სერბეთის დედაქალაქ ბელგრადში გასამართ ფარულ არჩევნებზე გაირკვევა. კანდიდატი ორია - თბილისი და ჩეხეთის ქალაქი ბრნო.

ვლადე დივაცი: "თბილისი ევროპის 2015 წლის ახალგაზრდული ოლიმპიური ფესტივალის მასპინძლობის კანდიდატი ქალაქია. ნანახით მართლაც კმაყოფილი დავრჩი. აშკარაა, რომ სპორტი საქართველოში განსაკუთრებულად უყვართ და აფასებენ. სპორტული დარბაზებითაც და მთლიანად ქალაქითაც მოხიბლული ვარ. მჯერა, დაკისრებულ ამოცანას თავს უმაღლეს დონეზე გაართმევთ. წარმატებებს გისურვებთ".

გია ნაცვლიშვილი (საქართველოს ეროვნული ოლიმპიური კომიტეტის პრეზიდენტი): "მართალია სერბეთს დასკვნით არჩევნებში, ისევე როგორც სხვა ქვეყნებს, ერთი ხმის უფლება აქვს, მაგრამ მნიშვნელოვანია, რომ სწორედ ამ ქვეყანაში უნდა ჩატარდეს კონგრესი, რომელზეც გადაწყვეტილება იქნება მიღებული. მასპინძელთა კეთილგანწყობა კი მართლა ბევრს ნიშნავს. დივაცმა პირდაპირ განაცხადა, რომ მისი თანადგომის იმედი უნდა გვქონდეს".


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
სექტემბერი 2020 (194)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი