ბენდტნერმა არსენ ვენგერს ულტიმატუმი წაუყენა

სიახლეები / ფეხბურთი / უცხოური ფეხბურთი 13-ნოე, 15:009 beqa_beqa 1599


ბენდტნერი წინა სეზონში ტრავმებმა დატანჯა. თუმცა, ამჟამად მწყობრშია და მიუხედავად ამისა, მიმდინარე სეზონში პრემიერლიგის არცერთი მატჩი ძირითად შემადგენლობაში არ დაუწყია. 22 წლის ფორვარდი თვლის, რომ ახლა კარიერის გადამწყვეტი დრო უდგას და თამაში აუცილებლად სჭირდება.

"ვგრძნობ, რომ ყველაფერი გავაკეთე იმისთვის, რათა ბოლომდე მწყობრში ჩავმდგარიყავი. ახლა საუკეთესო ფორმაში ვარ, იმაზე უკეთესშიც კი, ვიდრე ტრავმის მიღებამდე ვიყავი, როცა სასტარტო შემადგენლობაში ვთამაშობდი. სულ ცოტა მაკლია, რომ მოედანზე კვლავ ჩემი მაქსიმუმი ვაჩვენო, მაგრამ ამისათვის სათამაშო პრაქტიკა მჭირდება. როდესაც 100%-ით მზად ვარ, არ შემიძლია სათადარიგოთა სკამზე ჯდომას შევეგუო. მალე 23 წლის გავხდები და ჩემი კარიერის ამ ეტაპზე, განვითარებისთვის აუცილებელია მატჩებში რეგულარულად, მიყოლებეთ ვითამაშო. თუ სიტუაცია არ შეიცვალა და კვლავ სათადარიგოთა სკამზე დავრჩი, სხვა კლუბის ძებნას დავიწყებ", - აცხადებს ბენდტნერი.

"მეთოფეთა" თავკაცი არსენ ვენგერი ამბობს, რომ ბენდტნერის თავდაჯერებული კომენტარები მის გადაწყვეტილებებზე ზეგავლენას ვერ მოახდენს.

"ფეხბურთელის დარწმუნების მცდელობა, რომ ის მომთმენი უნდა იყოს, დროის უაზრო ფლანგვაა. ბენდტნერს თავდაჯერებულობა დიდი დოზით გააჩნია, რაც ცუდი სულაც არაა, მაგრამ მან ეს ყველაფერი მოედანზე უნდა დაამტკიცოს", - აღნიშნა ვენგერმა.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ოქტომბერი 2020 (127)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი