21-დან 16 – თბილისი მორჩა, წინ სლოვენიაა

სიახლეები / ფეხბურთი / საქართველო 16-ნოე, 17:209 FCB 1830


საქართველოს ეროვნული ნაკრების თბილისური მზადება დასრულდა და სლოვენიაში გაგრძელდება. “ჯვაროსნებმა” ორშაბათს 18:00 საათზე “ეროვნულზე” დაიწყეს ვარჯიში, რომელიც დაახლოებით ერთ საათსა და 15 წუთს გაგრძელდა. ნაკრები 16 ნოემბერს, დილის 11:00 საათზე სლოვენიაში გაფრინდება და საღამოს (თბილისის დროით 23:45 საათზე) ქალაქ კოპერის “ბონიფიკას” სტადიონზე ივარჯიშებს, სადაც გაიმართება კიდეც მატჩი 17 ნოემბერს – ასევე 23:45 საათზე.
კვლავ ღიადაა მატჩის პირდაპირი ტრანსლაციის საკითხი. როგორც თავად საზოგადოებრივი მაუწყებლის ხელმძღვანელი გიორგი ჭანტურია აცხადებს, მაუწყებლის ხელმძღვანელობა ყოველმხრივ ცდილობს აღნიშნული საკითხის დადებითად გადაწყვეტას, თუმცა, ჯერჯერობით, არაფერია გარკვეული. წესით, სლოვენია-საქართველო I არხმა უნდა აჩვენოს და ალბათ, ქართველი გულშემატკივრების ბოლო იმედი ინტერნეტი არ იქნება...
რაც შეეხება ვარჯიშს, თემურ ქეცბაიას განკარგულებაში 16 ფეხბურთელი იყო: გიორგი ლორია, როინ კვასხვაძე, აკაკი ხუბუტია, კახა ალადაშვილი, ლევან კაკუბავა, გიორგი ხიდეშელი, დავით კვირკველია, გიორგი ონიანი, ალექსანდრე კოშკაძე, ირაკლი კლიმიაშვილი, ჯაბა კანკავა, თორნიკე ოქრიაშვილი, გოჩა ხოჯავა, ირაკლი მოდებაძე, მათე ვაწაძე, ნიკა გელაშვილი.
რუმინეთის “გაზ მეთანის” მცველი ხუბუტია 16 ნოემბერს გამთენიისას ჩამოფრინდა თბილისში და პირველად ივარჯიშა ნაკრებთან ერთად. მოსალოდნელი იყო, რომ წვრთნაში მონაწილეობას მიიღებდნენ სანდრო გურული და ჯანო ანანიძე, მაგრამ მიზეზი დაღლილობა ყოფილა – ისე, ჯანოც და გურულიც თბილისში არიან.
შეხსენებისთვის, პირდაპირ სლოვენიაში ჩავლენ კახა კალაძე, გურამ კაშია და ზურაბ ხიზანიშვილი.
21-კაციანი სიაა, მაგრამ სლოვენიასთან მატჩში, რა თქმა უნდა, 18 ფეხბურთელი იქნება განაცხადში. რამდენი შეცვლის უფლება ექნებათ გუნდებს? ამაზე შეხვედრის წინა დღეს მოილაპარაკებენ, მაგრამ როგორც წესი, ამხანაგურ მატჩებზე 6 ცვლილების უფლებაა.
“ეროვნულზე”, ბიჭებმა გახურების შემდეგ, ერთმანეთში პასები გააკეთეს, იყო წრიული “კვადრატი” (რომელშიც ქეცბაიაც იყო ჩართული), კუთხურებში ვარჯიში და 40-45 მეტრზე “ორკარა”. რვა-რვაზე თამაშისას გუნდები ასეთი შემადგენლობით იყვნენ:
I გუნდი: ლორია, ალადაშვილი, ხუბუტია, კაკუბავა, კოშკაძე, ხოჯავა, ოქრიაშვილი, მოდებაძე.
II გუნდი: კვასხვაძე, ონიანი, ხიდეშელი, კანკავა, კვირკველია, კლიმიაშვილი, ვაწაძე, გელაშვილი.
ორკარა სულ 10-15 წუთს გაგრძელდა და რვა-რვაზე თამაშის მიხედვით, ძნელია ივარაუდო, თუ რომელ ფეხბურთელებს დააყენებს ქეცბაია სლოვენიაში, ძირითად თერთმეტეულში.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
beqa_beqa 16 ნოემბერი 2010 17:34
იმედია მოუგებთ სლოვენიელებს



შემოგვიერთდით
რეკლამა
არქივი
ოქტომბერი 2020 (139)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი