ინგლისს ტრიო გამოაკლდა

სიახლეები / ფეხბურთი / უცხოური ფეხბურთი 16-ნოე, 20:569 FCB 1599


ისედაც სერიოზულ საკადრო კრიზისში მყოფ ინგლისის ნაკრებს კიდევ 3 ფეხბურთელი გამოაკლდა. 17 ნოემბერს, "უემბლიზე" საფრანგეთის წინააღმდეგ გასამართ შეხვედრაში ფაბიო კაპელოს გუნდს ვერც ჯონ ტერი, ეშლი კოული და გაბრიელ აგბონლაჰორი დაეხმარებიან.
შეგახსენებთ, რომ ერთ-ერთი ვარჯიშის დროს მიღებული მუხლის ტრავმის გამო, ტერის კვირას "სანდერლენდთან" შეხვედრაც გაუცდა. "არისტოკრატთა" დამრიგებელმა კარლო ანჩელოტიმ თავიდანვე გამოთქვა ეჭვი, ტერი ალბათ, ვერც ნაკრებში ითამაშებსო, გუშინ კი ეს ამბავი საბოლოოდ დადასტურდა.
რაც შეეხება კოულს, მან პრემიერლიგის ბოლო ტურის შეხვედრა სრულად ჩაატარა, თუმცა, Sky Sports-ის ცნობით, მატჩის შემდეგ მას ჯანმრთელობასთან დაკავშირებული პრობლემები შეექმნა და ეროვნული გუნდის შეკრებაზე გამგზავრება ვეღარ მოახერხა.
კაპელომ "ჩელსის" ფეხბურთელებს მალევე მოუძებნა შემცვლელები. ტერისა და კოულის ნაცვლად, მან ნაკრებში "ბოლტონის" ახალგაზრდა უკანახაზელი გარი კეჰილი და "ასტონ ვილას" განაპირა მცველი სტივენ უორნოკი გამოიძახა.
ფრანგებთან ვერც გაბრიელ აგბონლაჰორი ითამაშებს. ტრავმით გამოწვეული ორთვიანი უქმობის შემდეგ, ბირმინგემელი თავდამსხმელი მოედანს გასულ შაბათს, "მანჩესტერ იუნაიტედთან" შეხვედრაში დაუბრუნდა, თუმცა, მატჩის მე-2 ნახევარში ახალი ტრავმა მიიღო და კვლავ ლაზარეთში ამოჰყო თავი.
შეგახსენებთ, რომ კაპელოს მანამდე "ნიუკასლის" ახალგაზრდა თავდამსხმელი ენდი კეროლი გამოაკლდა. თუმცა, გუშინ გავრცელებული ინფორმაციის მიხედვით, ჯერ კიდევ არსებობს იმის მცირე შანსი, რომ "კაჭკაჭთა" ფორვარდი ოთხშაბათამდე გამოჯანმრთელებას მოასწრებს და ფრანგთა წინააღმდეგ ინგლისის ეროვნულ ნაკრებში თავის სადებიუტო შეხვედრას ჩაატარებს.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:

















მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ივლისი 2020 (8)
ივნისი 2020 (111)
მაისი 2020 (126)
აპრილი 2020 (214)
მარტი 2020 (653)
თებერვალი 2020 (504)