კრუიფის სტატია

სიახლეები / ფეხბურთი / უცხოური ფეხბურთი 17-ნოე, 10:209 FCB 1932


ისეთი ფეხბურთელების გამოჩენა, როგორებიც არიან ბუსკეტსი და პედრო, არ ხდება ყოველწლიურად. "ბარსა ბ"-ს ყველა ფეხბურთელს არ ეძლევა შესაძლებლობა გადავიდეს პირველ გუნდში. სწორედ ამიტომ ხდება, რომ მწვრთნელი ლიმიტირებულ დროს გამოჰყოფს ისეთი ფეხბურთელებისთვის, როგორებიც არიან ფონტასი და ტიაგო. მათმა ნაადრევმა დაწინაურებამ შეიძლება ცუდ შედეგამდე მიგვიყვანოს. ამის რამდენიმე მაგალითი არსებობს.

როგორც წესი, როცა "ბარსას" თამაში მთავრდება, მოწინააღმდეგე მხარის მწვრთნელები თანხმდებიან ერთ დეტალზე. არ აქვს მნიშვნელობა მოწინააღმდეგე გუნდი იგებს, აგებს თუ ფრეს თამაშობს, ან თუნდაც ითამაშეს თუ არა მათ კარგად. ისინი აღნიშნავენ მხოლოდ ერთ რამეს, რომ მათ ეთამაშეს მსოფლიოს საუკეთესო გუნდს. ერთი მხრივ, ეს საუკეთესო საშუალებაა, რომ გაამართლო მიღებული შედეგი. ბარსა არის მსოფლიოს საუკეთესო გუნდი, თუმცა ეს არ ნიშნავს, რომ ისინი მოიგებენ ყველაფერს. შეიძლება საერთოდ ვერცერთი ტიტული ვერ მოიგონ. ფეხბურთი არის ერთადერთი სპორტი, სადაც მსოფლიოს საუკეთესო გუნდმა შეიძლება ისე დაამთავროს სეზონი, რომ ვერაფერი მოიგოს.
ერთი რამ, რაც ნათელი იყო "ვილიარეალთან" თამაშის შემდეგ არის, რომ რაც უფრო კარგ გუნდს ეთამაშება "ბარსა", მით უკეთესად თამაშობს იგი. საბოლოოდ, ეს არის ყველა იმ დეტალის ჯამი, რაც მათ ქმნით ესეთ სრულყოფილ გუნდად. გვარდიოლას გუნდს აქვს ტაქტიკური და ტექნიკური საფუძვლები, რაც მათ განასხვავებს სხვებისგან. ამას ემატება ცალკეული ფეხბურთელების სასწაულებრივი თამაში. ამ მხრივ აღსანიშნავია ლეო მესი. თითქმის არცერთ სხვა გუნდს არ აქვს ეს კომპონენტები ერთად. "ბარსას" გარდა, ალბათ "ვილიარეალი" არის ის გუნდი, რომელიც ყველაზე კარგად მოქმედებს მოედანზე. განსხვავება ის არის, რომ "ვილიარეალს" არ ჰყავს ისეთი გაბედული ფეხბურთელები, როგორებიც გვარდიოლას ყავს თავის განკარგულებაში.

მაგალითი, რომელსაც უნდა მიბაძო
მადრიდის "რეალი" სხვა შემთხვევაა. მათ ჯერ კიდევ არ აქვთ საჭირო ერთიანობა, მაგრამ მათ ჰყავთ ცალკეულად ინდივიდუალური ტალანტები.
ბარსა დღევანდელი მდგომარეობით მსოფლიო ფეხბურთის საზომი ერთეულია. მაგრამ მე ყველაზე ამაყი ვარ იმ ფაქტით, რომ ამ გუნდში არის უდიდესი სურვილი მის ახალგაზრდულ შემადგენლობასთან მუშაობის. მე რომ ვიყო 18, 19 ან 20 წლის და ვირიცხებოდე ბარსას ახალგაზრდულ ნაკადში, მე ვიქნებოდი მოჯადოებული. მწვრთნელმა გადაწყვიტა ჰყოლოდა მცირე გუნდი და საჭიროების შემთხვევაში გამოეყენა კანტერა. მე ვიცი, რომ ეს სისტემა იმუშავებს კარგად, იმიტომ რომ ჩვენ გვაქვს პედროს და ბუსკეტსის მაგალითები. ეს ხუმრობა არაა, გუნდმა ითამაშა ჩემპიონთა ლიგის ფინალი 7 დამწყები ფეხბურთელით, რომელებიც ახალგაზრდული გუნდიდან მოიყვანეს.
როდესაც მწვრთნელები დარდობენ იმას, რომ მათ მხოლოდ 14 ძირითადი გუნდის ფეხბურთელი ჰყავთ, მე როგორც ფეხბურთელი ამას აღვიქვავდი ჩემს შესაძლებლობად. მართალია, გვარდიოლამ არ გამოიყენა ფონტასი პიკეს ან მილიტოს შემცვლელად, მაგრამ სანაცვლოდ მან გამოიყენა აბიდალი, იმიტომ რომ მან დაიცვა მისი ახალგაზრდა ფეხბურთელები. როსის და ნილმარს შეუძლიათ ნებისმიერ მცველს შეუქმნან პრობლემები. და ალბათ სწორედ ამიტომ გადაწყვიტა გვარდიოლამ დაყრდნობოდა გამოცდილ კადრს.
მარკესის დაკარგვით, ჩირგინსკის იძულებითი წასვლით და მილიტოს არ ყოფნით, შეიძლებოდა დიდი პრობლემები შექმნილიყო. პეპი ჭკვიანია. მან გაიაზრა ყველაფერი და მიიღო გადაწყვეტილება, რაც თავდაპირველად შეიძლება მოგჩვენებოდათ დიდ პრობლემად. მას ჰყავდა პიკე, პუიოლი და მილიტო. ამ სამიდან მხოლოდ ერთი იყო ეჭვქვეშ ტრამვების გამო. მას ასევე ჰქონდა არჩევანი დაეყენებინა აბიდალი ცენტრში. ამ ყველაფრის შემდეგ, გჭირდება თუ არა სხვა ცენტრალური მცველი? პეპმა თქვა ”არა”. მან იცოდა, რომ ჰყავდა ორი ან თუნდაც სამი შემცვლელი რეზერვში. გვარდიოლა, თავისი მწვრთნელობის მესამე წელს, ახალგაზრდებს აძლევს საკმარის სათამაშო დროს. მას აქვს ესეთი ფილოსოფია: ფორმირება, გამოცდილების მიღება, და შემდეგ წუთების მიცემა, როცა გარემოება იძლევა ამის საშუალებას.

გამოცდილების ხმა
და შენ, როგორც სარეზერვო გუნდის ფეხბურთელს, გაქვს სურვილი, რომ იყო პირველი გუნდის წევრი, მაგრამ გაქვს ცდუნება წახვიდე სხვაგან, უბრალოდ რჩევა კითხე გვარდიოლას. მოდით გამოვიყენოთ ნოლიტო კიდევ ერთ მაგალითად. ის 24 წლისაა, თამაშობს "ბარსა ბ"-ში და მისი კონტრაქტი იწურება ივნისში. რა თქმა უნდა, მას აინტერესებს, ითამაშებს თუ არა ის პირველ გუნდში მალე. ჩემი რჩევა იქნება დაეკითხნონ გამოცდილ ხალხს და ნუ დაეყრდნობიან მხოლოდ საკუთარ აგენტებს. ის უნდა დაეკითხოს გვარდიოლას. თუ გვარდიოლა იტყვის, რაც მას უკვე ერთხელ აქვს ნათქვამი, რომ ნოლიტომ უნდა იბრძოლოს მისი ადგილისთვის "ბარსაში" და რომ ყოველთვის ექნება დრო კლუბიდან წასვლის, მე კონტრაქტს განვაახლებდი თვალდახუჭული. თუ გვარდიოლა არ ფიქრობს ასე, ის მას პირად საუბარში ეტყოდა ”მოძებნე სხვა გუნდი”.

სიჩქარე ძალიან ცუდია
ტიაგოს შემთხვევაც საინტერესოა. მან განაახლა კონტრაქტი ერთი წლით, რომელიც მომავალში შეიძლება გაგრძელდეს 2 ან 3 წლით თუ ის ითამაშებს პირველ გუნდში. ეს ხდება მაშინ, როცა მწვრთნელი ჩათვლის საჭიროდ. და თუ მას მოუწევს კიდე ერთი წელი ლოდინი, უნდა მოიცადოს. ის მხოლოდ 19 წლისაა. რატომ ჩქარობს? მე "ბარსელონაში" მოვედი, როდესაც ვიყავი 26 წლის. მე ვითამაშე ბევრ გუნდში 26-დან 37 წლამდე და მგონი არცთუ ისე ცუდად. ის ჯერ მხოლოდ 19 წლისაა და ნუთუ თვლის, რომ ბერდება? პირველ გუნდში მოხვედრა ერთი ნაბიჯია, მაგრამ იქ დარჩენა - აი ეს არის რთული.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
სექტემბერი 2020 (194)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი