რომედალი წლის საუკეთესო დანიელია

სიახლეები / ფეხბურთი / უცხოური ფეხბურთი 17-ნოე, 10:439 FCB 1651


ბერძნული "ოლიმპიაკოსის" შემტევი ნახევარმცველი დენის რომედალი მეორედ გახდა დანიის წლის საუკეთესო ფეხბურთელი. ქვეყნის ფეხბურთის ფედერაციის ინიციატივით მოწყობილ ინტერნეტ-გამოკითხვაში 32 წლის ვინგერს მხარი გულშემატკივართა 41-მა პროცენტმა დაუჭირა.
"ამაყი ვარ იმით, რომ წლის საუკეთესო ფეხბურთელად გულშემატკივრებმა მაღიარეს. ადრე ისინი ბევრს მაკრიტიკებდნენ და ეს ამბავი ძალიან მაღიზიანებდა. ამჯერად კი მათ საკუთარ რჩეულად დამასახელეს. ასე რომ, კრიზისი და აღმასვლა ფეხბურთის განუყოფელი ნაწილია. 2010 წელი მართლაც კარგად ჩავატარე და ძალიან მიხარია, რომ ქომაგებმა ჩემი თამაში ჯეროვნად შეაფასეს", - აღნიშნა რომედალმა Ekstra Bladet-ის ჟურნალისტთან საუბრისას.
გამოკითხვის შედეგებით მომდევნო ადგილებზე გასული "არსენალის" ფორვარდი ნიკლას ბენდტნერი, "ლივერპულის" ცენტრალური მცველი დანიელ აგერი და "ვოლფსბურგის" ახალგაზრდა უკანახაზელი სიმონ კიაერი "ოლიმპიაკოსის" ვინგერს საკმაოდ ჩამორჩნენ.
მიმდინარე წელი რომედალისთვის კიდევ ერთი მიღწევით არის გამორჩეული - დანიური ფეხბურთის ისტორიაში იგი გახდა მეექვსე მოთამაშე, რომელმაც ეროვნულ ნაკრებში 100-ზე მეტი მატჩი ჩაატარა. დღესდღეობით მის აქტივში 108 სანაკრებო მატჩია, რომლებშიც რომედალმა 18 გოლის გატანა მოახერხა.



მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:

















მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ივლისი 2020 (22)
ივნისი 2020 (111)
მაისი 2020 (126)
აპრილი 2020 (214)
მარტი 2020 (653)
თებერვალი 2020 (504)