“მხოლოდ იმის გახსენება შემიძლია, თუ როგორ გავიღვიძე შიშველმა სასტუმროს ნომერში..." - მძიმეწონიანი მებრძოლის თქმით, ის ქალმა გააუპატიურა

WWE-ს მძიმეწონიანი მებრძოლი კიტ ლი ირწმუნება, რომ ტეხასში ყოფნისას ქალმა გააუპატიურა. 145-კილოგრამიანი ამერიკელი მებრძოლის სიტყვებს Eurosport ციტირებს.

“მოხლოდ იმის გახსენება შემიძლია, თუ როგორ გავიღვიძე შიშველმა სასტუმროს ნომერში – ისიც კი არ ვიცი, ჩემი ნომერი იყო თუ არა. ძალიან დიდ გაურკვევლობაში ვიყავი, პანიკაში ჩავვარდი. საბედნიეროდ, ჩემი ტელეფონი და საფულე ვიპოვე. ნებისმიერი შეიძლება გახდეს ძალადობის მსხვერპლი. ამის შემდეგ დალევა შევწყვიტე,” – აცხადებს კიტ ლი.

2016-17 წლებში ტეხასში მომხდარ ინციდენტზე მოყოლის შემდეგ ბევრმა მას კრიტიკულად შეხედა, რაზეც კიტ ლის პასუხი ასეთი იყო: “დეტალები გჭირდებათ? რაღაც მიმაღებინეს და გამაუპატიურეს, ამის თქმა შემიძლია. თავდასხმა თავდასხმაა.”