რა თანხა გამოიმუშავა ნიკოლოზ ბასილაშვილმა ვენის ტურნირზე გამოსვლით ?

ნიკოლოზ ბასილაშვილი ვენის 500-ქულიანი ტურნირის მერვედფინალში მსოფლიოს მე-7 ჩოგანს, იტალიელ მატეო ბერეტინის დაუპირისპირდა და სამ სეტში 7:6, 2:6, 3:6 დამარცხდა.

მერვედფინალამდე, ქართველი ესპანელ პაბლო კარენო ბუსტას შეხვდა და მეტოქეს სამ სეტში 7:5, 4:6, 6:3 მოუგო.

ბასილაშვილმა ვენის ტურნირზე ასპარეზობით 45 სარეიტინგო ქულა და 32885 ევრო გამოიმუშავა. ეს ის თანხაა, რაც მან ბუსტას დამარცხების შემდეგ მიიღო.

შეგახსენებთ, რომ ნიკა ამჟამად მსოფლიო რეიტინგში 25-ე პოზიციას იკავებს.