24 ივლისი ტოკიოს ოლიმპიურ თამაშებზე ემოციური აღმოჩნდა. საფრანგეთს პირველი მედალი ქართული წარმოშობის ძიუდოისტმა, ლუკა მხეიძემ მოუტანა. ლუკამ ბრინჯაოს მედალი მოიპოვა.
"ოლიმპიური თამაშები შესანიშნავი ადამიანური ისტორიებია. საქართველოში დაბადებულმა ლუკა მხეიძემ, რომელიც 2015 წელს საფრანგეთის მოქალაქე გახდა, ახლახან ტოკიოში პირველი მედალი მოიპოვა. ქვეყანა, რომელიც მან აირჩია, მისით ამაყობს", - დაწერა საფრანგეთის პრეზიდენტმა ემანუელ მაკრონმა ტვიტერში.
ლუკა მხეიძე 60 კგ წონით კატეგორიაში ბრინჯაოს მედლისთვის ასპარეზობდა. მან სამხრეთ კორეელი ჯინ ვონ კიმი იპონით დაამარცხა და ოლიმპიურ კვარცხლბეკზე ავიდა. 25 წლის ძიუდოისტი უკვე მე-6 წელია საფრანგეთის სახელით ასპარეზობს. ტოკიოს ოლიმპიადამდე მისი ყველაზე დიდი მიღწევა ევროპის 2021 წლის ჩემპიონატზე ლისაბონში მოპოვებული ვერცხლის მედალი იყო.
ლუკა მხეიძე, 1996 წლის 5 იანვარს, თბილისში, დაიბადა. საქართველოს ყველაზე ახალგაზრდა ჩემპიონმა ოჯახთან ერთად საქართველო 2009 წელს, 12 წლის ასაკში დატოვა. რვა თვის განმავლობაში ოჯახი პოლონეთში ცხოვრობდა, 2010 წელს პარიზში ჩავიდნენ, სადაც პოლიტიკური სტატუსით თავშესაფარი ითხოვეს. საფრანგეთის მოქალაქეობა ლუკამ 2015 წელს მიიღო.
2018 წელს იგი მსოფლიო ჩემპიონატის მესამე ტურში რუსეთის სახელით მოასპარეზე ქართული წარმომავლობის სპორტსმენმა რობერტ მშვიდობაძემ სძლია. 2021 წელს ლუკა მხეიძემ ევროპის ჩემპიონატზე 60 კგ წონით კატეგორიაში, ესპანელი ფრანსისკო გარიგოსი დაამარცხა.
საფრანგეთი ზაფხულის 32-ე ოლიმპიადაზე ტოკიოში 398 სპორტსმენითაა წარმოდგენილი და ქართველი ლუკა მხეიძე პირველი მათგანია, ვინც ფრანგებს მედალი მოუტანა.
ლუკა დაქორწინებული არ არის. მას სამი და ყავს. მესამე, ყველაზე უმცროსი და საფრანგეთში დაიბადა.
დედმამიშვილებში უფროსი ვეკო მხეიძეა. ლუკას შესახებ უფრო მეტის გასაგებად, ambebi.ge ვეკოს საფრანგეთში დაუკავშირდა. განაგრძეთ კითხვა
"არასდროს ავიწყდება საკუთარი ფესვები. ბევრი დაბრკოლება გადალახა, ფინანსური თუ ფსიქოლოგიური სიძნელეები" - ვინ არის და როგორ ცხოვრობს ქართველი, რომელმაც საფრანგეთს ოლიმპიური მედალი მოუტანა?
27-07-2021, 10:12
გაზიარება
მოინახულეს 1 705-ჯერ
კომენტარები

03-06-2023 09:19
2
რას საქმიანობს ალისა შმიდთი, რომელსაც მსოფლიოს მერვე საოცრებად მოიხსენიებენ ?
ვრცლად

03-06-2023 05:45
188
"ის საწოლში უმაქნისია" - რომელი ცნობილი ფეხბურთელი ამხილა მია ხალიფამ ?
ვრცლად

01-06-2023 11:09
2 388
"კვარაცხელია ღირსეული ქართველია, კალაძე მოღალატეა"
ვრცლად

31-05-2023 08:13
1 769
გოგონა, რომლის გამოც ცნობილმა ფეხბურთელა უდიდესი კარიერა დაინგრია (ფოტოები)
ვრცლად