ქართულ ოლიმპიურ დროშას ნინო სალუქვაძე ჩაიბარებს

სხვა სახეობები 31-მარ, 21:489 slim4me 2573


ტყვიის მსროლელი ნინო სალუქვაძე ლონდონის 2012 წლის ოლიმპიური თამაშების გახსნის ცერემონიალზე ქართული დელეგაციის მედროშე იქნება. ოფიციალური განცხადება საქართველოს ეროვნული ოლიმპიური კომიტეტის პრეზიდენტმა, გია ნაცვლიშვილმა სეოკ-ში გამართულ პრესკონფერენციაზე გააკეთა.

მან სალუქვაძეს სიდნეის მსოფლიოს თასზე რამდენიმე დღის წინ მიღწეული გამარჯვება და ზედიზედ მეშვიდე ოლიმპიადის ლიცენზიის მოპოვება მიულოცა. პრესკონფერენციის შემდეგ კი სპორტსმენმა დარბაზში საგანგებოდ გამოკრულ ლონდონის ლიცენზიანტთა დაფაზე პირველი ნომრის გასწვრივ თავისი სახელი და გვარი წააწერა.

გია ნაცვლიშვილი:"ნინო სალუქვაძეს უკვე თამამად შეგვიძლია ლეგენდარული სპორტსმენი ვუწოდოთ, მიუხედავად იმისა, რომ ჯერ აქტიურ სპორტშია და თავის საქმეს ბრწყინვალედ აკეთებს. მას ოლიმპიადაზე სამივე სინჯის მედალი აქვს მოპოვებული და დარწმუნებული ვარ, ლონდონშიც უმაღლესი მიზნისთვის იბრძოლებს. რაც შეეხება ქართული გუნდის მედროშეობას, ადრიანადვე გვქონდა გადაწყვეტილი და სიმბოლურია, რომ ლონდონის საგზური პირველმა მოიპოვა".

ნინო სალუქვაძე:"ბედნიერი ვარ, რომ უმნიშვნელოვანეს შეჯიბრზე სასურველ შედეგს მივაღწიე. სიდნეიში ჩემპიონობაზე მეტად ლიცენზიაზე ვფიქრობდი. ადვილი ნამდვილად არ იყო, მაგრამ მაქსიმალური მონდომებისა და მობილიზების ხარჯზე უდიდეს კონკურენციაში ყველა კონკურენტს მოვუგე. გუნდის მედროშეობა კი ჩემთვის უდიდესი პატივი და დამატებითი პასუხისმგებლობაა. მადლობა ამ დაფასებისთვის".


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ოქტომბერი 2020 (132)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი