ქართველმა ჰოკეისტებმა სომხებს თასი დაატოვებინეს

სხვა სახეობები 04-მაი, 12:019 admin 1808


ქუთაისის სპორტის სასახლეში გაიმართა საქართველოში ბალახის ჰოკეის ფუძემდებლის თემურ არჩაიას მეოთხე საერთაშორისო ტურნირი ინდორ (დარბაზის) ჰოკეიში. ბოლო ორ გათამაშებაში არჩაიას თასი ერევნის გუნდმა მოიგო და სომხები ახლაც დიდი ამბიციებით ჩამოვიდნენ, თუმცა ამჯერად ქუთათურებმა მათ შანსი არ დაუტოვეს და არჩაიას სახელობის თასი შინ დაიტოვეს.

ქუთაისისა და ერევნის გარდა ტურნირში ბათუმის „აჭარა", ლანჩხუთის „გურია" და კიდევ ერთი სომხური გუნდი „რაზდანი" თამაშობდა. ჯგუფური ეტაპის შემდეგ ნახევარფინალში „ერევანი" „რაზდანს" შეხვდა. „უთაისი" კი „გურიას" დაუპირისპირდა. სომხური გუნდების პაექრობაში რეკორდული ანგარიში დაფიქსირდა. „ერევანმა" ''რაზდანი'' 19:7 დაამარცხა.

გაცილებით საინტერესო გამოდგა ქუთაისისა და გურიას ნახევარფინალური შეხვედრა, რომელიც საბოლოოდ მასპინძლების გამარჯვებით 6:3 დასრულდა. ფინალურ მატჩში „ქუთაისი" ორმაგად მოტივირებული გავიდა. გასულ წელს რიონისპირელები ახლოს იყვნენ თასის დაუფლებასთან, ანგარიშიც მიჰყავდათ, მაგრამ საბოლოოოდ 4:5 დათმეს სომხებთან.

წლეულს კი პირიქით მოხდა. შეხვედრა სომხების უპირატესობით დაიწყო და 11-წუთზე „ერევანი" სტუმრების საუკეთესო მოთამაშემ სოლომონ ოჰანესიანმა დააწინაურა. ამის შემდეგ, უპირატესობა მთლიანად მასპინძლების ხელში გადავიდა. მერაბ ჩირგაძემ ანგარიში მალევე გაათანაბრა, გიორგი ფიფიამ და გია გერაძემ კი შესვენებამდე კიდევ ორჯერ დალაშქრეს სომხების კარი-3:1 მატჩის განახლებისთანავე ჩირგაძემ და გერაძემ კიდევ 2 ბურთი გაუტანეს სტუმრებს. ოჰანესიანმა პენალტით ანგარიში შეამცირა, მაგრამ მატჩის მიწურულს გვანცელაძემ სტატუს-ქვო აღადგინა და სომხებისთვის მეტად უხერხული ანგარიში 6:2 დააფიქსირა.

ტურნირის გამორჩეული ჰოკეისტები ტურნირის ორგანიზატორის, ქუთაისის მერიის მიერ დაწესებული პრიზებით დაჯილდოვდნენ. „ქუთაისს" კი თემურ არჩაიას სახელობის თასი გადაეცა. აქვე უნდა ავღნისნოთ, რომ ფინალურ მატჩამდე გაიმართა ამხანაგური შეხვედრა ქუთაისისა და ერევნის ქალთა გუნდებს შორის, რომელიც ამხანაგური ანგარიშით 4:4 დასრულდა.

ავთანდილ თევდორაძე (საქართველოს ჰოკეის ფედერაციის ვიცე-პრეზიდენტი): „ძალიან სასიხარულოა, რომ როგორც იქნა არჩაიას სახელობის თასი საქართველოში დარჩა. „ქუთაისში" საქართველოს ჰოკეისტთა ნაკრების ძირითადი ბირთვი თამაშოს და მათი პროგრესი ორმაგად სასიხარულოა. საქართველოს ნაკრებს აგვისტოს დასაწყისში ათენში ევროპის ჩემპიონატზე უწევს გამოსვლა და ჰოკეისტები უკვე ამ ტურნირისთვის უნდა მოემზადონ. იმედი გვაქვს, რომ გამოინახება სახსრები და ნაკრები ევროპის ჩემპიონატისთვის საფუძვლიანად მოემზადება."

A-ჯგუფი

ერევანი-აჭარა 5:2

ერევანი-გურია 4:2

გურია-აჭარა 6:1

B- ჯგუფი

ქუთაისი-რაზდანი 9:0

ნახევარფინალები

ერევანი-რაზდანი 19:7

ქუთაისი-გურია 6:3

ფინალი

ქუთაისი-ერევანი 6:2

0:1 ოჰანესიანი (11), 1:1 ჩირგაძე (13), 2:1 ფიფია (17), 3:1 გერაძე (20), 4:1 ჩირგაძე (23), 5:1 გერაძე (25), 5:2 ოჰანესიანი (30), 6:2 გვანცელაძე (33)


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
Mr.Black And White 5 მაი 2011 13:03
მაგარი ფარჩაკი სპორტია...



შემოგვიერთდით
რეკლამა
არქივი
სექტემბერი 2020 (166)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი