ჭაბუკი ძიუდოისტები მომავალ წარმატებებზე ფიქრობენ

ჭიდაობა 24-მარ, 19:139 Sportnews 2684


23 მარტს, თურქეთის ევროპის თასიდან დაბრუნებულმა საქართველოს ჭაბუკ ძიუდოისტთა ნაკრებმა დიღომში მდებარე შოთა ჩოჩიშვილის სახელობის ძიუდოს აკადემიაში ღია ვარჯიში ჩაატარა. შეგახსენებთ, 19-20 მარტს, ქალაქ ანთალიაში ქართველმა ჭაბუკებმა 14 მედალი (5 ოქრო, 4 ვერცხლი, 5 ბრინჯაო) მოიპოვეს. მთავარმა მწვრთნელმა გიორგი ვაზაგაშვილმა ამჯერად მხოლოდ ნაკრების თბილისელი წევრები ავარჯიშა. შრულფასოვან შეკრებას კი გუნდი აპრილის ბოლოდან შეუდგება და ზაფხულში ჩასატარებელ ევროპის ჩემპიონატამდე 3 შეკრებას გაივლის.

გიორგი ვაზაგაშვილი: "თურქეთში მიღწეული შედეგით მართლაც კმაყოფილი ვარ და მინდა ბიჭებს მონდომებისთვის მადლობა გადავუხადო. ამ ეტაპზე მათ თავიანთი შესაძლებლობების მაქსიმუმი გამოავლინეს. თუმცა ერთი შეჯიბრით მსჯელობა მაინც ძნელია და ნაადრევ დასკვნებს მოვერიდები. კონკრეტულადაც არავის გამოვყოფ.

მხოლოდ ერთს გეტყვით, ამ ჭაბუკებს საერთაშორისო გამოცდილება სჭირდებათ. თუ შევძლებთ და უცხოურ ტურნირებზე ვატარებთ, აუცილებლად მოუმატებენ და შესაბამისად, შედეგიანობაც გაიზრდება. ერთ კვირაში მორიგ ევროპის თასზე გავემგზავრებით, რომელსაც კიევი უმასპინძლებს. ჯერ ზუსტ შემადგენლობას ვერ გეტყვით.

სავარაუდოდ წონაში ორ-ორ კანდიდატს მივცემთ თავის გამოჩენის შანსს. კიევიდან დაბრუნების შემდეგ საქართველოში ორი შიდა ტურნირის ჩატარებას ვგეგმავთ. 25 აპრილს კი ევროპის ჩემპიონატისთვის მოსამზადებელ პირველ შეკრებაზე ბაკურიანში ჩავალთ. წონითი კატეგორიების ლიდერებს ამ ტურნირების საერთო შედეგების დაჯამებით დავასახელებთ".


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
სექტემბერი 2020 (127)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი