თავისუფალთა ევროპირველობა ოლიმპიურ კომიტეტში შეაჯამეს

ჭიდაობა 04-აპრ, 19:349 slim4me 3060


4 აპრილს, საქართველოს ეროვნული ოლიმპიური კომიტეტის პრეზიდენტმა გია ნაცვლიშვილმა და საქართველოს თავისუფალი სტილით მოჭიდავეთა ნაკრების მთავარმა მწვრთნელმა ზაზა თურმანიძემ, სეოკ-ის ოფისში 29-30 მარტს გერმანიაში ჩატარებული ევროპის ჩემპიონატის შემაჯამებელი პრესკონფერენცია გამართეს. ჟურნალისტების წინაშე ნაკრების მედალოსანი წევრები: ვლადიმერ ხინჩეგაშვილი (55 კგ), დავით ხუციშვილი (74 კგ) და დავით მარსაგიშვილი (84 კგ) წარსდგნენ.

ხინჩეგაშვილსა და მარსაგიშვილს კვარცხლბეკის უმაღლეს საფეხურამდე გადამწყვეტი გამარჯვება დააკლდათ, ხოლო ხუციშვილმა ბრინჯაოს მედალი მოიპოვა.

გია ნაცვლიშვილი:"კარგია, რომ ევროპის ჩემპიონატს ასეთი აჟიოტაჟი მოჰყვა. ბევრმა დამისვა კითხვა, როგორ შევაფასებდი თავისუფალი სტილით მოჭიდავეთა გერმანულ გამოსვლას. მართალია ოქროს მედალი ვერ მოიპოვეს, მაგრამ, საერთო შედეგით მაინც წარმატებად შეიძლება ჩავთვალოთ. ამ ბიჭებს მომავლის გუნდს ვეძახდი და ახლაც ასე ვთვლი, თუმც ახალგაზრდული ასაკის მიუხედავად უკვე მსოფლიოს ელიტაში შესვლაც მოასწრეს და სამომავლოდ მათი კიდევ უფრო მეტად უნდა გვეიმედებოდეს.

ჩვენი მთავარი სამიზნე ლონდონის ოლიმპიური თამაშებია და მჯერა თავისუფალთა გუნდი შვიდივე წონაში მოიპოვებს ლიცენზიას. ლიცენზიანტთა შორის დორტმუნდული ევროპის ჩემპიონატის მედალოსნებიც აუცილებლად იქნებიან. ერთადერთი, რამაც ხასიათი გამიფუჭა, 84 კილოგრამი წონითი კატეგორიის ფინალი იყო. დავით მარსაგიშვილი ჩემპიონი გახდა და ტიტული თვალსა და ხელს შუა წაართვეს. არაობიექტური მსაჯობა და უსამართლო გადაწყვეტილებები ჭიდაობის საერთაშორისო ფედერაციის დიდი ხნის სენია. მსგავსი უთავბოლო და მოუწესრიგებელი ფედერაცია არც ერთ სახეობას არ ჰყავს. ჭიდაობა ქართველთათვის წარმატებული სახეობა რომ არ იყოს, ოლიმპიური თამაშების პროგრამიდან ამოღებასაც ვინატრებდი".

ზაზა თურმანიძე:"მადლობა ყველას მოლოცვისთვის და ყველაზე დიდი მადლობა მოჭიდავეებს, რომლებმაც მართლა ბრწყინვალედ გააკეთეს თავიანთი საქმე. მინდოდა ამ ევროპირველობაზე დამენახა, რომ ბიჭებს უმაღლესი შედეგებისთვის ბრძოლა შეუძლიათ. დავრწმუნდი, ხელჩასაჭიდი ნამდვილად არსებობს ერთობლივი მუხლჩაუხრელი შრომის ხარჯზე კიდევ უფრო დიდი შედეგებისთვის ბრძოლა შეგვიძლია".


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ოქტომბერი 2020 (157)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი