ნინო სალუქვაძე სამშობლოში დაბრუნდა

ოლიმპიური 30-მარ, 21:339 Sportnews 2878


საქართველოს პირველი ლიცენზია ლონდონის 2012 წლის ოლიმპიური თამაშებისთვის, ტყვიის სროლაში ოლიმპიურმა ჩემპიონმა ნინო სალუქვაძემ მოუტანა, ევროპის არაერთგზის, მსოფლიოსა და ოლიმპიურმა ჩემპიონმა სიდნეიში მსოფლიოს თასი მოიგო, რაც ამ ტურნირის სუპერფინალის საგზურის მოპოვებასთან ერთად, ოლიმპიური ლიცენზიის დაუფლებასაც ნიშნავს. ნინო სალუქვაძე თბილისში 30 მარტს ოლიმპიური კომიტეტის პრეზიდენტ - გია ნაცვლიშვილთან ერთად დაბრუნდა.

30 მარტს თბილისში დაბრუნებულ ნინო სალუქვაძეს აეროპორტში სპორტისა და ახალგაზრდობის საქმეთა სამინისტროს სპორტის დეპარტამენტის თავჯდომარე ირაკლი სამყურაშვილი, ოლიმპიური კომიტეტისა და სროლის ფედერაციის ხელმძღვანელები და ჟურნალისტები დახვდნენ.

2011 წლის სეზონში ეს მსოფლიოს თასის პირველი ეტაპია და სალუქვაძისთვის პირველივე ცდა წარმატებული გამოდგა. ქართველმა ტყვიის მსროლელმა საკვალიფიკაციო ეტაპზე მეორე შედეგი აჩვენა - 385 ქულა, თუმცა ფინალში მეხუთე შედეგით შევიდა, რადგან 386 ქულა ერთბაშად ოთხმა მსროლელმა დააგროვა.

გადამწყვეტი ფინალური სერია გამოდგა, სადაც სალუქვაძემ კარგად ისროლა და 100,5 ქულა აჩვენა. ჯამში სალუქვაძეს 485,4 ქულა გამოუვიდა და 2,5-ით აჯობა მეორეზე გასულ ფინელ მირა სუჰონენს (484,0). ბრინჯაო უკრაინელმა ოლიმპიურმა და მსოფლიოს ჩემპიონმა ოლენა კოსტევიჩმა მოიპოვა - 483,6. ლონდონის ოლიმპიადის საგზურიც ამ სამეულს ერგო.

ნინო სალუქვაძე:" მსოფლიოს თასის მოგებას ნაკლებად ველოდი, რადგან მაინც პირველი სტარტი იყო. თან სიდნეიმდე საკმაოდ რთული და დამღლელი გზა გავიარე. საკვალიფიკაციო სროლის შემდეგ მე-5 ადგილით შევედი ფინალში, სადაც გაცილებით უკეთესად ვისროლე. მთლიანობაში ეს გამრჯვება ჩემთვის ძალიან მნიშვნელოვანი იყო, რადგან ლიცენზიის მოპოვების წესები შეიცვალა და ადრე თუ 3 წელიწადზე იყო გადანაწილებული სალიცენზიო ტურნირები ახლა მხოლოდ 1 წელზეა. ასე რომ, შემიძლია მშვიდად გავაგრძელო მზადება ოლიმპიადისთვის".

ირაკლი სამყურაშვილი:" მნიშვნელოვანი და სასიხარულოა, რომ ნინო სალუქვაძემ ლონდონის ოლიმპიადის ლიცენზია მოიპოვა და თავისთვის მე-7 ოლიმპიადაზე გამოვა, რაც მართლაც საოცარი შედეგია. სიმბოლურია, რომ სალუქვაძე 2008 წლის პეკინის ოლიმპიადის წინაც პირველი ქართველი სპორტსმენი იყო, ვინც ლიცენზია მოიპოვა. იმედია, რომ მისი ლიცენზია მთლიანად ქართული ოლიმპიური გუნდისთვის, ამჯერადაც წარმატების მომტანი იქნება".


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
სექტემბერი 2020 (134)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
აპრილი 2020 (204)
სიტი-რეალი