საქართველოს ნაკრებმა რუმინეთთან მატჩის წინ ახალი მაისურების პრეზენტაცია მოაწყო

რაგბი 11-მარ, 22:169 Sportnews 2378


11 მარტს სასტუმრო „ქორთიარდ მერიოტში" საქართველოს და რუმინეთის მორაგბეთა ნაკრების მწვრთნელებმა და კაპიტნებმა პრესკონფერენცია გამართეს და ჟურნალისტებს 12 მარტს გასამართ დაპირისპირებაზე ესაუბრნენ. პრესკონფერენციის დასრულების შემდეგ კი საქართველოს ნაკრების ახალი მაისურების პრეზენტაცია მოხდა, რომლითაც „ბორჯღალოსნები" ახალ ზელანდიაში მსოფლიოს თასზე ითამაშებენ. 


რომეო გონტინეაკი (რუმინეთის ნაკრების კაპიტანი):" საქართველოს ნაკრების წინა თამაშები ვნახეთ და კიდევ ერთხელ დავრწმუნდით, რომ ძლიერი ნაკრები გყავთ. უკრაინას და ესპანეთს იოლად მოუგეთ, მერე კი პორტუგალიას აჯობეთ, რომელმაც ჩვენ დაგვამარცხა. შემადგენლობა ძლიერი და გამოცდილი გყავთ, განსაკუთრებით შერკინებას და დაცვაში თამაშს გამოვარჩევ, რაც ალბათ, ახალი მწვრთნელის დამსახურებაა.

ცხადია, საქართველოს ნაკრები გამარჯვებას გეგმავს, თუმცა ცუდათ არც ჩვენ ვართ მომზადებულები. პირიქით, საკმაოდ ნაყოფიერი შეკრება გავიარეთ და სათამაშოდ მზად ვართ, მაგრამ პრობლემებიც გვაქვს - ტრავმის გამო რამდენიმე მორაგბე გვაკლია. 6-7 მოთამაშე არ იქნება იმ ნაკრებიდან, რომელმაც რეპეშაჟში ურუგვაის ნაკრები დაამარცხა და მსოფლიოს თასის საგზური მოიპოვა.

გვყავს 35-40 მორაგბე, ვინც მთავარ რეზერვად მოიაზრება და მათ მსოფლიოს თასისთვის შემადგენლობის შერჩევისას გამოვიყენებთ. ასე რომ, ამ მხრივაც მნიშვნელოვანი მატჩი გველის".
სორინ სოკოლი (რუმინეთის ნაკრების კაპიტანი):" საქართველოსთან ყოველთვის რთული თამაში გამოდიოდა. სხვანაირად არც ახლა იქნება. მითუმეტეს, თქვენმა ნაკრებმა ბოლო სამი წლის განმავლობაში საგრძნობლად მოუმატა. მეტოქეს პატივს ვცემთ და ვაფასებთ. ვფიქრობ, საინტერესო და დაძაბული თამაში გამოვა".

რიჩი დიქსონი (საქართველოს ნაკრების მთავარი მწვრთნელი):" მიუხედავად იმისა, რომ ნოემბრის ტესტები და შემდეგ „ერთა თასის" საწყისი ორი მატჩი კარგად ჩავატარეთ, პორტუგალიასთან თამაშით უკმაყოფილო ვიყავით, ამიტომ სერიოზული გარჯა მოგვიწევს, რომ რუმინეთის ნაკრები დავამარცხოთ. ამისთვის კი ყველამ თავდადებით უნდა ითამაშოს, მითუმეტეს, რომ საკმაოდ ძლიერი მეტოქე გვყავს, რომელმაც რუსეთის ნაკრები დიდი ანგარიშით დაამარცხა. რაც შეეხება ახალ მაისურებს - იმედი მაქვს, რომ მსოფლიოს თასზე  ახალი ფორმით თამაში ჩვენთვის წარმატებული იქნება".

დავით კაჭარავა:" ჩვენი მთავარი მიზანია, რომ პორტუგალიასთან დაშვებული შეცდომები მაქსიმალურად აღმოვფხვრათ და გამარჯვება მოვიპოვოთ. ამისთვის კი მწვრთნელის დავალებების მაქსიმალურად კარგად შესრულებაა საჭირო".

შალვა სუთიაშვილი:" მოედანზე მოსაგებად გავალთ. დარწმუნებული ვარ საინტერესო და რთული თამაში იქნება. სერიოზული მეტოქე გვყავს და ყველაფერს გავაკეთებთ, რომ გულშემატკივარი გავახაროთ".

ირაკლი აბუსერიძე (საქართველოს ნაკრების კაპიტანი):" პორტუგალიასთან თამაშის შემდეგ დიდი სამუშაო გავწიეთ. დაგვიბრუნდა მამუკა გორგოძე, რომელიც ჩვენი ნაკრებისთვის ძალიან დიდი ძალაა. ასე რომ, მატჩს ოპტიმისტურად ვხვდებით და იმედი გვაქვს გამარჯვებასაც მოვიპოვებთ. ახალი მაისურები კი ძალიან მომწონს. ძველისგან უფრო ხარისხი განასხვავებს, ვიზუალურად კი დიდად არ შეცვლილა"

ევროპის 2011-2012 წლების "ერთა თასი". IV ტური
12 მარტი. თბილისი. "მიხეილ მესხი"

საქართველო - რუმინეთი (15:00 საათი)

საქართველო: 
15. ბესიკ ხამაშურიძე ("აია", ქუთაისი, 56 კეპი, 65 ქულა), 14. ირაკლი მაჩხანელი ("მაკონი", საფრანგეთი, 46, 85), 13. დავით კაჭარავა ("ნიცა", საფრანგეთი, 41, 55), 12. თედო ზიბზიბაძე ("პერიგო", საფრანგერთი, 54, 75), 11. ლექსო გუგავა ("ლელო", თბილისი, 18, 20), 10. მერაბ კვირიკაშვილი ("ფიჟაკი", საფრანგეთი, 50, 245), 9. ირაკლი აბუსერიძე ("ოსერი" საფრანგეთი, 70, 35); 1. დავით ხინჩაგიშვილი ("ბრივი", საფრანგეთი, 33, 15), 2. ჯაბა ბრეგვაძე ("არმია", გორი, 10, 0), 3. დავით ზირაქაშვილი ("კლერმონი", საფრანგეთი, 26, 30), 4. ლევან დათუნაშვილი ფიჟაკი", საფრანგეთი, 40, 10), 5. ვახტანგ მაისურაძე ("სენ ნაზარი" საფრანგეთი, 3, 0), 6. შალვა სუთიაშვილი ("მასი", საფრანგეთი, 18, 5), 7. გია ლაბაძე ("მარსეი ვიტროლი", საფრანგეთი, 64, 60), 8. მამუკა გორგოძე ("მონპელიე", საფრანგეთი, 35, 90).

სათადარიგოები: 16. ირაკლი ნატრიაშვილი ("სტიაუა", რუმინეთი, 31, 20), 17. გიორგი ჟღენტი ("მონპელიე", საფრანგეთი, 9, 0), 18. გიორგი ნემსაძე ("მონტობანი", საფრანგეთი, 17, 25), 19. გიორგი ჩხაიძე ("მონპელიე", საფრანგეთი, 46, 30), 20. ბიძინა სამხარაძე ("სტიაუა", რუმინეთი, 54, 25), 21. ირაკლი ჩხიკვაძე ("აია", ქუთაისი, 22, 20), 22. ლაშა მალაღურაძე ("ბეზიე", საფრანგეთი, 30, 100).

მთავარი მწვრთნელი: რიჩი დიქსონი (შოტლანდია)

რუმინეთი: 15. იულიან დუმიტრაში ("ლურდი", საფრანგეთი), 14. მედელინ ლემნარუ ("ტიმიშოარა"), 13. იონელ კაზანი ("სტიაუა"), 12. რობერტ დესკალუ ("სტიაუა"), 11. კეტელინ ფერკუ ("ტიმიშოარა"), 10. ფლორიან ვლაიკუ ("სტიაუა"), 9. ფლორიან სურუჯუ ("ბუქარესტი"); 1. ნიკოლაე ნერე ("სტიაუა"), 2. ბოგდან ზებეგა ("სტიაუა"), 3. დრაგოშ დიმა ("ბლანიაკი", საფრანგეთი), 4. ვალენტინ ურსაჩე ("ექს ენ პროვანსი", საფრანგეთი), 5. კრისრიან პეტრე ("სენტ ეტიენი", საფრანგეთი), 6. მიხაი მაკოვეი ("ბეია მარე"), 7. დანიელ იანუსი ("სტიაუა"), 8. დანიელ კარპო ("კონსტანცა").

სათადარიგოები: 16. ანდრეა რადოი ("ბეია მარე"), 17. ვასილე მარიშკარიუ ("ბობინი"საფრანგეთი), 18. სორინ სოკოლი ("ლურდი", საფრანგეთი), 19. ვალენტინ პოპირლანი ("ბუქარესტი"), 20. ვალი კალაფეტეანუ ("ტიმიშოარა"), 21. ჩაბა გალი ("ბეია მარე"), 22. დენუც დუმბრავა ("სტიაუა").

მწვრთნელი: რომეო გონტინეაკი
მსაჯი: დევიდ უილკინსონი (ირლანდია)
ასისტენტები: მაიკლ ბლექი, ოლივერ ჰოჯისი (ორივე ირლანდია)

უკრაინა - რუსეთი (17:00)
ესპანეთი - პორტუგალია (19:00)

1. საქართველო    3 3 0 0 135-15 14
2. პორტუგალია   3 2 0 1 57-49 9
3. ესპანეთი         3 1 0 2 59-101 6
4. რუმინეთი        2 1 0 1 50-27 5
5. რუსეთი            3 1 0 2 50-78 5
6. უკრაინა            2 0 0 2 16-97 0

V ტური. 19 მარტი
რუსეთი - საქართველო
რუმინეთი - ესპანეთი
პორტუგალია - ესპანეთი  








მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:











მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ივნისი 2020 (8)
მაისი 2020 (131)
აპრილი 2020 (216)
მარტი 2020 (653)
თებერვალი 2020 (504)
იანვარი 2020 (517)