ქალ მშვილდოსანთა ნაკრები ზამთრის ევროპის ჩემპიონატის ფინალში გავიდა

ზამთრის სპორტი 26-მარ, 11:489 Sportnews 3348


საქართველოს ქალ მშვილდოსანთა ნაკრებმა - ხათუნა ნარიმანიძე, ქრისტინე ესებუა, ასმათ დიასამიძე ესპანეთის ქალაქ კამბრილსში მიმდინარე ზამთრის ევროპის ჩემპიონატზე, ფინალში გამოსვლის უფლება მოიპოვა. ინდივიდუალური შედეგებიდან გამომდინარე, საქართველოს ნაკრები მეოთხედფინალში მე-4 შედეგით შევიდა და ორი გამარჯვების მოპოვება მოახერხა.

ქართველებმა მე-5 განთესვის მქონე პოლონეთს 227:219 აჯობეს, შემდეგ კი პირველ ნომრად განთესილ რუსებთან ურთულესი ბრძოლა გადახდათ, ქართულ-რუსული დაპირსპირების ძირითადი ეტაპი ფრედ, 226:226 დასრულდა, ფრედ დამთავრდა პირველი დამატებითი რაუნდიც - 29:29, მე-2 დამატებითში კი ქართულმა ტრიომ 29:25 გაიმარჯვა. ქართველ მშვილდოსნებს მომდევნო მეტოქეც ძლიერი ეყოლებათ, მე-3 რეიტინგის მქონე უკრაინის ნაკრები, რომელიც მეოთხედფინალში თავისუფალი გახლდათ, ნახევარფინალში კი იტალიის ძლიერი ნაკრები (მე-2 განთესვა) 225:223 დაამარცხა.

ფინალი 26 მარტს არის დაგეგმილი, მე-3 ადგილისთვის მატჩი კი უკვე შედგა და რუსებმა იტალიელებს დამატებით რაუნდში 30:28 მოუგეს (ძირითადი 231:231 დასრულდა). რაც შეეხება ქალთა ინდივიდუალურ ჩემპიონატს, აქ ქართველები არცთუ შედეგიანად გამოვიდნენ. შესარჩევ რაუნდში ხათუნა ნარიმანიძემ მე-5 შედეგი (289 ქულა) აჩვენა, ქრისტინე ესებუა და ასმათ დიასამიძე კი ერთნაირი მაჩვენებლით (284) მეთვრამეტე-მეცხრამეტე ადგილებს დასჯერდნენ.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ოქტომბერი 2020 (8)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი